Amosi 1:1 - IBAYIBOLO 2024

¹ Agha gho mazyu ghagho u Amosi yuyo akaba yumo uwa badimi aba mukaya aka Tekowa. U Amosi akennya ichisetuka nizya Izilayeli bo ghachilipo amaka mabili bo akasenyenta katafikite. Pakabalilo kalakala u Uziya akalaghilagha mu Yuda, sona u Yelobowamu umwana uwa Yehowashi akalaghilagha mu Izilayeli.

Amosi 1:1 Iomraidhean Croise

2 Samuweli 14:2

Po u Yowabu akamutuma umuntu ku Tekowa pakumusenda umukolo yumo uwamahala kulakula. Akamubuzya akati, “Ubanje ngati po uli pachililo nukuvwala amenda agha pachililo. Utakapakalaye amafuta. Loli ubanje ngati po mukolo yuyo ikala amasiku aminji nkani ukumulila umuyazi.

1 Abamwene 19:19

U Eliya akepako kulakula, po akamwagha u Elisha umwana uwa Shafati ali pakulima ni nkambaku pakubombezya abajoko 12, sona umwenecho akaba ku nkambaku izyabumalilo. U Eliya akapalamila, akavula inkazo yache nukumuvwika u Elisha.

2 Abamwene 14:21

Po abantu bosi aba mu Yuda bakamusenda u Azaliya, yuyo pakabalilo kalakala akaba na maka 16, nukumwimika ukuti abanje we mwene pakumupyana uwise u Amaziya.

2 Abamwene 14:23

Mumwaka uwa 15 bo u Amaziya, umwana uwa Yowashi akulaghila mu Yuda, u Yelobowamu umwana uwa Yehowashi akaba we mwene uwamu Izilayeli, sona akalaghila amaka 41 bo ali mu Samaliya.

2 Imbili 11:6

Akazenga akaya akakulu nkani aka Betelehemu naka Etamu naka Tekowa

2 Imbili 20:20

Pandabindabi nkani bakabuka kunkolongo iya Tekowa. Bo bali muzila, u Yehoshafati akimilila, po akati, “Mwee bantu aba mu Yuda, naba mu Yelusalemu, ivwa kuno! Mumusubilaye u Mwene u Chala winyu, po mukwiza pakujimba. Mubasubilaye abalaghuzi bache, po mukwiza pakupota.”

Ukufuma 3:1

U Mozesi akadimagha ing'ozi ni mbuzi izya wisevyala umuputi u Yetulo uwamu Midiyani. Po isiku limo akabuka nu mudimo pakudumusannya munkolongo nukufika pighamba ilya Sinayi, ighamba ilya Chala.

Yesaya 1:1

U Yesaya umwana uwa Amozi akennya ichisetuka chicho chikalingannyanga nizya chisu icha Yuda, sona nakaya akakulu nkani aka Yelusalemu pakabalilo aka Uziya nu Yotamu nu Ahazi, sona nu Hezekiya, babo bakaba bamwene aba mu Yuda.

Yelemiya 1:1

Agha gho mazyu agha Yelemiya, u mwana uwa Hilikiya, uwa bamo abaputi aba ku Anatoti, muchigaba icha Benjamini.

Yelemiya 28:8

abalaghuzi abavula intazi, bakalaghula nizya bwite, nintamyo impalapala sona ni chiwaya vivyo vikwiza pakuziwila inko inyinji sona nu bumwene ubumanyikwe nkani.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Yelemiya 7:27

Nanti ukubabuzya zyosi zinizi batakwiza pakukuteghelezya, nanti ukubitizya batakwiza pakukwamula.

Hoseya 1:1

Agha gho mazyu ghagho u Mwene akamubuzya u Hoseya, umwana uwa Beyeli bo u Uziya nu Yotamu nu Ahazi, sona nu Hezekiya bakulaghila muchisu icha Yuda, sona bo u Yelobowamu umwana uwa Yehowashi akulaghila muchisu icha Izilayeli.

Amosi 7:14

U Amosi akamwamula u Amaziya akati, “Ane intakaba ne mulaghuzi, pamo umwana uwa mulaghuzi, loli nkaba ne mudimi bulo, sona ne mulimi uwa makwi agha makuyu.

Mika 1:1

Pakabalilo kako u Yotamu nu Ahazi, sona nu Hezekiya bakalaghilagha muchisu icha Yuda, u Mwene akamulanjizya u Mika uwaku Molesheti ichisetuka, chicho chikunena nizya kaya aka Samaliya naka Yelusalemu.

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Matayi 4:18

Bo u Yesu akwenda mulubazu ulwa Nyanja iya Galileya akennya abawamwabo babili, u Simoni yuyo akitiziwanga Pitala nu Andeleya, bakuloba iswi ni chilepa, pakuti bakaba balobaswi.

1 Aba Kolinti 1:27

Loli u Chala akavisala ivintu vivyo vipunganu ivya muchisu ichapasi, umwakuti abakozyanje isoni abamahala. Sona akavisala ivintu vivyo videdebazu ivya muchisu ichapasi, umwakuti abakozyanje isoni abamaka.