Aba Loma 4:3 - IBAYIBOLO 2024

³ Pakuti Amasimbo ghakuti, “U Abulahamu akamusubila u Chala, sona pachifukwa icha lwitiko lwache u Chala akamunena pakuba mugholosu pamaso papache.”

Ulufingo Ulupya

³ Pakuti Amasimbo ghakuti, “U Abulahamu akamusubila u Chala, sona pachifukwa icha lwitiko lwache u Chala akamunena pakuba mugholosu pamaso papache.”

Aba Loma 4:3 Iomraidhean Croise

Ubwandilo 15:6

U Abulamu akamusubila u Mwene, po u Mwene akamunena pakuba muntu mugholosu.

Masalimo 106:31

Zinini zikumunena ukuti akaba muntu umugholosu, mupaka inkulilo zyosi izya muntazi.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Matayi 20:9

Abaganyu babo bakanda pakubomba fayivi koloko pachamabwila bakabalipila isalabazya yoka umuntu weka.

Maliko 12:10

Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo ilelo lyaba lyakulondiwa nkani ukuchila amabwe ghosi?

Aba Loma 10:11

Amasimbo ghakuti, “Umuntu wesi yuyo akusubila mumwache, atakwiza pakukoziwa isoni.”

Aba Loma 11:2

U Chala atabakanite abantu bache, babo bakabasalila zila ukwandila ko kubwandilo. Nkimba muzimenye zizyo Amasimbo ghakunena pabuzilo bubo bukunena nizya Eliya, papo akamulambilizya u Chala ukuti abafunde aba Izilayeli? Akati,

Aba Loma 4:11

Ukusilimuliwa kukabombiwa pisinda, ukuti chibanje chimanyilo ichakulanjizya ukuti pachifukwa icha lwitiko lwache, u Chala akamunena pakuba mugholosu pamaso papache, bo atasilimuliwe. Po u Abulahamu we munyenya uwa bantu bosi babo bakumusubila u Chala, sona akubanena pakuba bagholosu pamaso papache, napapo batasilimuliwe.

Aba Loma 4:5

Loli umuntu yuyo atakusubila imbombo zyache, loli akumusubila u Chala yuyo akumunena umuntu uwambibi pakuba mugholosu pamaso papache, u Chala akwiza pakumunena pakuba mugholosu pamaso papache, pachifukwa icha lwitiko lwache.

Aba Loma 4:9

Nkimba ubusayiwa bubo u Devedi akabunena ubwa bantu bene babo basilimuliwe, pamo sona na babo batasilimuliwe? Pakuti twabelenga Amasimbo ghagho ghakuti, “U Abulahamu akasubila u Chala, po u Chala akamunena pakuba mugholosu pamaso papache pachifukwa icha lwitiko lwache.”

Aba Loma 9:17

Pakuti Amasimbo ghakunena kwa Falabo ghakuti, “Nkakupakazya pakuba we mwene ukuti nkubombele ukuti indanjizye amaka ghane, sona ukuti ufumusye itabwa lyane pachisu chosi ichapasi.”

Yakobo 2:23

Sona Amasimbo ghakakwanilisiwa aghakuti, “U Abulahamu akamusubila u Chala, pachifukwa icha lwitiko lwache u Chala akamunena pakuba mugholosu pantazi papache.” Po cho chifukwa akaba mumanyani uwa Chala.

Yakobo 4:5

Mutakinong'onaye ukuti butalimo ubwanaloli mu Masimbo ghagho ghakuti, “U Muzimu Umuzelu yuyo u Chala akabika mumwitu akutunyonywa aswe nu buzuba.”