Aba Loma 3:3 - IBAYIBOLO 2024

³ Nkimba buli nanti bamo batakabanga basubiliwa, nkimba ichi chikung'anamula ukuti u Chala atangaba uwa kumusubila, pachifukwa ichakusita ukuba basubiliwa?

Ulufingo Ulupya

³ Nkimba buli nanti bamo batakabanga basubiliwa, nkimba ichi chikung'anamula ukuti u Chala atangaba uwa kumusubila, pachifukwa ichakusita ukuba basubiliwa?

Aba Loma 3:3 Iomraidhean Croise

Masalimo 84:7

Amaka ghabo ghakukulilakulila, po bakwiza pakuboneka pamaso pa Chala mu Ziyoni.

Yesaya 55:11

Momumo amazyu ghane ghagho nkunena ghakwiza pakubela. Ghatakwiza pakunyokela kukwane pabulo, loli ghakwiza pakukwanilisya zizyo nkulonda, nukukwanilisya zizyo nkaghatumila.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Aba Loma 10:16

Loli bate bantu bosi babo bakapokela Amazyu Amiza. Umulaghuzi u Yesaya akati, “Mwene, wewenu akasubila amazyu ghagho tukalumbilila?”

Aba Loma 11:29

Pakuti u Chala atakwandula inyinong'ono zyache pa muntu yuyo amusala nukumusaya.

Aba Loma 9:6

Kute kokuti u Chala akapotwa pakukwanilisya ilayizyo lyache. Awe, pakuti bate ba Izilayeli bosi, babo bantu ba Chala.

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

2 Aba Tesalonika 1:3

Bakamu bitu, tubaghiye pakumupalizya u Chala akabalilo kosi pachifukwa icha mwemwe. Chitubaghiliye sona pakubomba bunubu, pachifukwa ichakuti ulwitiko lwinyu lukukula nkani, sona nukuti mughananite nkani mwebosi.

2 Timoti 2:13

Nanti aswe tute twe basubiliwa, umwene akwendelela pakuba musubiliwa, pakuti atangikana mwene.”

Aba Hebeli 4:2

Pakuti naswe bulo tukivwa Amazyu Amiza ngati bo babo. Loli amazyu ghagho bakivwa batakaba nagho ni mbombo nayimoyimo, pachifukwa ichakuti babo bakaghivwa batakaghapokela nu lwitiko.

1 Samuweli 15:29

U Chala uwabuchindamu uwa Izilayeli atakutamanta, pamo ukwandula inyinong'ono. Pakuti te muntu ukuti andule inyinong'ono.”