Aba Loma 1:3 - IBAYIBOLO 2024

³ Ghakunena nizya Mwana wache, u Mwene witu u Yesu Kilisitu: Ukuyana nu buntu bwache, akapapiwa mu luko ulwa Devedi,

Ulufingo Ulupya

³ Ghakunena nizya Mwana wache, u Mwene witu u Yesu Kilisitu: Ukuyana nu buntu bwache, akapapiwa mu luko ulwa Devedi,

Aba Loma 1:3 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Masalimo 2:7

Nkwiza pakuzifumusya indaghilo izya Mwene ukuti, “Awe we mwana wane, ilelo naba ne ghuso.

Yelemiya 33:26

po nkwiza pakubakana abaluko ulwa Yakobo nu Devedi umubombi wane. Ntakwiza pakumusala umwana weka uwa Devedi ukuti abalaghilaye abaluko ulwa Abulahamu nu Yisaki sona nu Yakobo. Pakuti nkwiza pakubanyosezya ubukabi bwabo sona nkwiza pakubapelela ichisa.”

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Matayi 1:1

Ulu lo lubatiko ulwa banyenya aba Yesu Kilisitu, uwaluko ulwa Devedi, yuyo akaba waluko ulwa Abulahamu.

Matayi 12:23

Abantu bosi bala bakaswigha nkani na zizyo u Yesu akabomba. Bakalalusya bakati, “Nkimba uyu angaba Mwana uwa Devedi?”

Matayi 15:22

Umukolo yumo umu Kenani yuyo akikalagha muchigaba chilachila akiza kukwache nukulila ukuti, “Wee Mwene Mwana uwa Devedi! Umpelele ichisa! Umwana wane umulindu ali nu muzimu umubibi sona mubine nkani.”

Matayi 26:63

Loli u Yesu akaba myee. Umuputi usongo akamubuzya sona akati, “Nkukulamula mwitabwa ilya Chala umumi ukuti ulape nanti we Kilisitu, u Mwana uwa Chala.”

Matayi 27:43

Akumusubila u Chala nukwiyitizya mwene ukuti Mwana uwa Chala. Po leka twennye nanti u Chala akulonda pakumupoka ilelo.”

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Matayi 9:27

Bo u Yesu akwepapo pabuzilo bula, abafwamaso babili bakanda pakumukonka mwisinda. Bakakolomoka nkani bakati, “Wee Mwana uwa Devedi, tupelele ichisa.”

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Luka 1:69

Atupa Umupoki uwamaka, uwaluko uwa mubombi wache u Devedi.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:34

Navyennya, po nkusimikizya ukuti yunuyu weyuyo Mwana uwa Chala.”

Yohani 1:49

U Nataniyele akamwamula akati, “Wee Mumanyisi, we Mwana uwa Chala! We Mwene uwa ba Izilayeli.”

Yohani 10:30

Utata nane tuli weka.”

Yohani 10:36

Ane, u Tata akansala nukuntuma muchisu ichapasi. Po nkimba munganena bulibuli ukuti nkumusamula u Chala bo nkanena ukuti ne Mwana uwa Chala?

Yohani 20:28

U Tomasi akamwamula akati, “Mwene wane, sona nu Chala wane.”

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Yohani 5:25

Naloli nkubabuzya ukuti akabalilo kakwiza, sona kizite kale, kako abafwe bakwiza pakwivwa izyu ilya Mwana uwa Chala, po bosi babo bakulyivwa bakwiza pakuba nubumi.

Yohani 7:42

Amasimbo ghakuti u Kilisitu akwiza pakuba luko ulwa Mwene u Devedi nukuti akwiza pakupapiwa mu Betelehemu mukaya kako u Devedi akikalaghamo.”

Imbombo 2:30

Akaba mulaghuzi, sona akazimanya zizyo u Chala akamulayizya: U Chala akalapa ukuti weka uwaluko lwache akwiza pakupyana ubumwene bwache.

Imbombo 3:13

U Chala uwa Abulahamu nuwa Yisaki sona nuwa Yakobo, u Chala uwa banyenya bitu weyuyo akamupa umubombi wache u Yesu ubuchindamu. Loli mukamubika munyobe izya balwani nukumukana pamaso pa Pilati, napapo u Pilati akalondagha pakumusatula.

Imbombo 8:36

Bo bakwenda, bakafika pabuzilo bumo bubo pakaba amizi. Po ikambala lila likanena likati, “Ennya, pano pali amizi. Nkimba choni chicho chingankanizya ukuti noziwe?”

Imbombo 9:20

Panapo na panapo akanda pakulumbilila munyumba izyakwiputilamo ukuti u Yesu we Mwana uwa Chala.

Aba Loma 1:9

U Chala, yuyo nkumubombela nu moyo wane ghosi pakulumbilila Amazyu Amiza aghakunena nizya Mwana wache, we kaboni wane ukuti akabalilo kosi nkubakumbuka munyiputo zyane.

Aba Loma 4:1

Po ilelo tungati choni nizya Abulahamu, umunyenya uwaluko lwitu? Nkimba akakomanapo ni choni?

Aba Loma 9:3

pakuti ane nemwene nalondagha ngali nkaba pasi pachighune icha Chala nukusatuliwa ukwa Kilisitu, pachifukwa icha bakamu bane, abantu abaluko lwane.

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

1 Aba Kolinti 1:9

U Chala musubiliwa, sona weyuyo akabitizya ukuti mubanje bakumamatilana poka nu Mwana wache u Yesu Kilisitu, u Mwene witu.

1 Aba Kolinti 10:18

Ennya zizyo aba Izilayeli bakubomba: Bo bakulya ivyakwiyipa vivyo vyabikiwa pachighemo chilachila, nkimba batakusendapo ichigaba pa vyakwiyipa vilavila?

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,

1 Aba Tesalonika 1:10

Po mukulindilila ukwiza ukwa Mwana wache u Yesu ukufuma kumwanya, yuyo akamuzyusya kubufwe, sona yuyo akatupoka ku bukali ubwa Chala bubo bukwiza.

1 Timoti 2:5

Pakuti pali u Chala weka nu Mufusya weka bulo, yuyo akusayannya abantu nu Chala, umuntu yunuyu we Kilisitu Yesu.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

2 Timoti 2:8

Kumbuka u Yesu Kilisitu, yuyo akazyuka kubufwe, sona akaba waluko ulwa Devedi. Pakuti ichi cho chicho Amazyu Amiza ghagho nkulumbilila ghakumanyisya.

1 Yohani 1:3

Tukulumbilila kukwinyu zizyo twazyennya nukuzyivwa, umwakuti namwe bulo mungaba mubupoka naswe, bubo tuli nabo nu Tata, sona nu Mwana wache u Yesu Kilisitu.

1 Yohani 3:23

Ili lyo lilamulo lyache: Tumusubilaye u Mwana wache u Yesu Kilisitu, sona tughananaye ukuyana namumo akatulamulilila.

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.

1 Yohani 4:15

Nanti umuntu akwitika ukuti u Yesu Mwana uwa Chala, kokuti akwikala mukumamatilana poka nu Chala, sona wepe nu Chala akwikala mukumamatilana poka nawe.

1 Yohani 5:1

Umuntu wesi yuyo akusubila ukuti u Yesu we Mesiya umusaliwa yula, kokuti mwana uwa Chala. Sona umuntu wesi yuyo amughanite u Wise, abaghanite sona na bana bulo.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.

1 Yohani 5:5

Nkimba wewenu angachipota ichisu ichapasi? Loli mwene umuntu yuyo akusubila ukuti u Yesu Mwana uwa Chala.

2 Yohani 1:7

Abazimbuli abinji babo batakwitika ukuti u Yesu Kilisitu akiza mu mubili uwa buntu, bendabenda muchisu chosi ichapasi. Abantu banaba bazimbuli, sona balwani aba Kilisitu.

Ubuvumbuli 2:18

“Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha: