Aba Levi 9:4 - IBAYIBOLO 2024

⁴ Musende sona inkambaku nu dubi ukuti chibanje chakwiyipa ichabupoka. Musende ichakwiyipa icha busu ichakongannya na mafuta nukuchibika kwa Mwene, pakuti umusanya ughu u Mwene akwiza pakubabonekela.’ ”

Aba Levi 9:4 Iomraidhean Croise

Ukufuma 16:10

Bo u Aloni achili akunena naba Izilayeli, ichilundilo chosi chikaghalabukila kunkolongo nukubwennya ubuchindamu ubwa Mwene mwibingu.

Ukufuma 19:11

Pisiku ilyabutatu biyannye pakuti pisiku lilalila ane ne Mwene nkwiza pakwikila pighamba ilya Sinayi, bo abantu bosi bakunyennya.

Ukufuma 24:16

po ubuchindamu ubwa Mwene bukiza pighamba ilya Sinayi. Ibingu likakupikila ighamba lila amasiku sikisi, pisiku ilyaseveni U Mwene akamwitizya u Mozesi mwibingu.

Ukufuma 29:43

Palapala nkwiza pakukomana naba Izilayeli, sona ubuzilo bunubu bukwiza pakuba buzelu pachifukwa icha buchindamu bwane.

Ezekiyeli 43:2

sona nkennya ubuchindamu ubwa Chala uwa Izilayeli bukufumila kubufumilo bwizuba. Izyu lyache likaba ngati kupoma ukwa mizi ghagho ghakwenda, ichisu chikizula nulukozyo ulwa buchindamu bwache.

Ezekiyeli 43:27

Pabumalilo ubwa masiku ghanagha, pisiku ilya eyiti mupaka muntazi, abaputi babikaye ivyakwiyipa ivya kocha ni vyakwiyipa ivyabupoka pachighemo. Po nkwiza pakuhoboka namwe.” U Mwene Uwamaka Ghosi anena.

Aba Levi 2:1

“ ‘Nanti umuntu akubika ichakwiyipa icha busu kwa Mwene, chibanje cha busu ubutinye nkani. Abunyafile ubusu bula na mafuta, sona nu twakununkila,

Aba Levi 3:1

“ ‘Nanti umuntu akubika inkambaku pamo ing'ombe inkolo ukuti yibanje chakwiyipa ichabupoka kwa Mwene, ing'ombe yila yitakabanje ni chilema nachimochimo.

Aba Levi 9:23

U Mozesi poka nu Aloni bakinjila mu Chisakasa icha Mwene. Bo bepamo, bakabasaya abantu bala, po ubuchindamu ubwa Mwene bukababonekela abantu bosi.

Aba Levi 9:3

Po ubabuzye aba Izilayeli uti, ‘Musende usabwe ukuti chibanje chakwiyipa ichakupepesezya imbibi. Musende sona ingwata inyanavuli iya mwaka ghoka yiyo yite ni chilema nachimochimo, sona nu mwana uwa ng'ozi uwa mwaka ghoka umusita chilema ukuti chibanje chakwiyipa ichakocha.

Aba Levi 9:5

Abantu bala bakiza pantazi pa Chisakasa icha Mwene ni vintu vyosi, vivyo u Mwene akamulamula u Mozesi. Po ichilundilo chosi chikapalamila nukwimilila palapala pamaso pa Mwene.

Aba Levi 9:6

U Mozesi akati, “Ivi vyo vivyo u Mwene akubalamula ukuti mubombaye, umwakuti ubuchindamu bwache bubabonekele.”

Ukubelengiwa 14:10

Loli ichilundilo chosi chikati, “Zagha tubasumbe na mabwe.” Po panapo na panapo ubuchindamu ubwa Mwene bukababonekela aba Izilayeli bosi pa Chisakasa icha Mwene.

Ukubelengiwa 16:19

U Kola akachibungannya ichilundilo chosi pamulyango uwa Chisakasa icha Mwene umwakwenannya nu Mozesi nu Aloni. Po ubuchindamu ubwa Mwene bukachilamila ichilundilo chosi chila.