Aba Levi 9:3 - IBAYIBOLO 2024

³ Po ubabuzye aba Izilayeli uti, ‘Musende usabwe ukuti chibanje chakwiyipa ichakupepesezya imbibi. Musende sona ingwata inyanavuli iya mwaka ghoka yiyo yite ni chilema nachimochimo, sona nu mwana uwa ng'ozi uwa mwaka ghoka umusita chilema ukuti chibanje chakwiyipa ichakocha.

Aba Levi 9:3 Iomraidhean Croise

Ubwandilo 37:31

Po bakaghogha imbuzi nukuzubika inkazo iya Yosefu mwibanda lyache.

Ezila 10:19

Bosi banaba bakalapa pakubasosya abachi babo abayeni, sona umuntu wesi akabika udubi pakuba chakwiyipa ichakupepesezya imbibi.

Ezila 6:17

Palusekelo lulalula abantu bakabikagha inkambaku 100 na badubi 200 nu twadubi 400 sona na basabwe 12 pakuba chakwiyipa ichakupepesezya imbibi izya inko 12 izya ba Izilayeli.

Ukufuma 12:5

Umwana uwa ng'ozi pamo uwa mbuzi yuyo mukumusala atakabanje ni chilema nachimochimo, uwa mwaka ghoka sona inyanavuli.

Yesaya 53:10

Loli bukaba bwighane ubwa Mwene ukuti amuvulazye bunubu nukumupelela amayimba, u Mwene akabupela ubumi bwache, pakuba chakwiyipa ichakupepesezya inongwa, akwiza pakwennya abizikulu bache, nukuba nubumi ubutali, sona ubwighane ubwa Mwene bukwiza pakukwanilisiwa mumwache.

Aba Levi 10:16

Bo u Mozesi abuzikizya nizya mbuzi iya chakwiyipa ichakupepesezya imbibi yila, akabuziwa ukuti yochiwe kale. Po akamukalalila u Eleyazala nu Itamali, abana aba Aloni babo bakasyalako ukuti,

Aba Levi 12:6

Bo amasiku aghakuswefiwa kwache ghamala, manyi mwana umulumendo, manyi mwana umulindu, umukolo yula ize nu mwana uwa ng'ozi uwa mwaka ghoka pamulyango uwa Chisakasa icha Mwene, nukumupa umuputi ukuti chibanje chakwiyipa ichakocha. Ize ni ntozi, pamo inkunda ukuti chibanje ichakupepesezya imbibi.

Aba Levi 14:10

Pisiku ilya eyiti, ize nutwana utwadubi tubili utusita chilema nachimochimo nu mwana umukolo uwa ng'ozi weka, umusita chilema nachimochimo, uwa mwaka ghoka nu busu ubwakongannya na mafuta agha misyunguti, sona na mafuta agha misyunguti pakuba chakwiyipa cha busu ubwakukwana ichigaba choka pavigaba vyosi vitatu ivya lita.

Aba Levi 16:15

“Pisinda pache abole imbuzi ukuti yibanje chakwiyipa ichakupepesezya imbibi izya bantu, ize ni banda ilya mbuzi kwisinda ukwa mwenda uwakuzighila, nukubomba ulwiho ukuyana namumo akabombela ni banda ilya nkambaku pakunyafila ibanda lila pa chikupikizyo chila, sona na kuntazi ukwa chikupikizyo chila.

Aba Levi 16:5

Po aba Izilayeli bamupanje u Aloni abasabwe babili ukuti chibanje chakwiyipa chakupepesezya imbibi, sona nu dubi weka ukuti chibanje chakwiyipa ichakocha.

Aba Levi 23:12

Pisiku lilyo mukuyizyunguzya mumwanya inkose yila, mubikaye umwana uwa ng'ozi uwa mwaka ghoka, umusita chilema nachimochimo ukuti chibanje chakwiyipa ichakocha.

Aba Levi 4:23

Po nanti imbibi yache yamanyikwa, umulongozi yula ize nu sabwe umusita chilema nachimochimo pakuba chakwiyipa.

Aba Levi 4:3

“ ‘Nanti umuputi usongo ananga, kokuti akubapela abantu bosi ukuti babanje ninongwa, po ize kwa Mwene ni nkambaku inyana yiyo yite ni chilema nachimochimo ukuti yibanje chakwiyipa ichakupepesezya imbibi.

Aba Levi 9:2

U Mozesi akamulamula u Aloni akati, “Usende ingwata inyanavuli yiyo yite ni chilema nachimochimo ukuti chibanje chakwiyipa ichakupepesezya imbibi, sona nu dubi umusita chilema ukuti chibanje chakwiyipa ichakocha kwa Mwene.

Aba Levi 9:4

Musende sona inkambaku nu dubi ukuti chibanje chakwiyipa ichabupoka. Musende ichakwiyipa icha busu ichakongannya na mafuta nukuchibika kwa Mwene, pakuti umusanya ughu u Mwene akwiza pakubabonekela.’ ”

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.