Aba Levi 8:7 - IBAYIBOLO 2024

⁷ Akamuvwika u Aloni ilaya nukumupinya nu lamba mumusana. Akamuvwika inkazo nu efodi nukumupinya sona mumusana nu lamba umulabannye akiza nkani.

Aba Levi 8:7 Iomraidhean Croise

Ukufuma 28:2

Umusonele uwamwinyu u Aloni amenda amapaghuliwa umwakuti ghamupe umuchizi, sona nukuti abonekaye akiza.

Ukufuma 28:4

Ubalamule ukuti basone ichapachifuba nu efodi, ni nkazo, ni laya lilyo lilabiwe akiza nkani, ni mpumpu, sona nu lamba. Bamusonele amenda ghanagha uwamwinyu u Aloni na bana bache abalumendo pakuba baputi abakumbombela.

Ukufuma 28:6

Bapange u efodi uwa mwenda umutonte umulabannye nu golide nu buzi ubwa buluu nu buchesamile nu buchesamu.

Ukufuma 29:5

Po umuvwike u Aloni ilaya ni nkazo nu efodi, ichakuvwala pachifuba, sona nu lamba mumusana wache, yuyo alukiwe akiza.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Ezekiyeli 42:14

Nanti abaputi binjila Mubuzilo Ubuzelu bula, batabaghiye pakufumamo muchipinda chila nukwinjila muchipinda ichakuzi ukusita ukuti bavule amenda ghabo aghabuputi ghagho bakubombela, pakuti mazelu. Babaghiye pakuvwala amenda aghanji bo bachili ukubuka kupipi nu buzilo ubwa bantu.”

Aba Loma 13:14

Loli umwenecho u Mwene u Yesu Kilisitu abanje chilwilo chinyu icha bwite, sona mutakakonkaye ivinyonywa vyinyu ivibibi ivyakupapiwa navyo, nukubomba vivyo ghakulonda.

Aba Loma 3:22

U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo,

Aba Galatiya 3:27

Ukwendela mu lozyo mukamamatilana poka nu Kilisitu, sona mwivwika mwebene nubumi ubwa Kilisitu.

1 Samuweli 2:28

Nkamusala umunyenya wako pakasi pa inko zyosi izya ba Izilayeli pakuba muputi wane, ukuti bambombele pachighemo chane, pakufukizya utwakununkila, sona nukuti bavwalaye u efodi pamaso papane. Sona nkabapa ubulaghili ubwakusungila ichigaba icha chakwiyipa ichakocha.