Aba Levi 8:30 - IBAYIBOLO 2024

³⁰ U Mozesi akasenda amafuta aghakupakazya ghala sona ni banda limo pachighemo nukumunyafila u Aloni na bana bache na menda ghabo. Bunubu u Mozesi akamupaghula u Aloni poka na menda ghache na bana bache poka na menda ghabo.

Aba Levi 8:30 Iomraidhean Croise

Ukufuma 28:2

Umusonele uwamwinyu u Aloni amenda amapaghuliwa umwakuti ghamupe umuchizi, sona nukuti abonekaye akiza.

Ukufuma 29:21

Po usendeko ibanda limo lilyo lili pachighemo, na mafuta aghakupakazya nukumunyafila u Aloni na menda ghache. Ubanyafile sona abana bache poka na menda ghabo. Po u Aloni na bana bache, poka na menda ghabo bakwiza pakuba bapaghuliwa.

Ukufuma 30:30

“Po umupakazye na mafuta u Aloni na bana bache nukubapaghula pakuba baputi bane.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Aba Levi 10:3

U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Aba Levi 7:35

Ichi cho chigaba icha chakwiyipa ichakocha kwa Mwene, chicho chikapeghiwa kwa Aloni na bana bache pisiku lilyo bakimikiwanga pakuba baputi aba Mwene.

Aba Levi 7:36

Pisiku lilyo bakimikiwanga pakuba baputi, u Mwene akabalamula aba Izilayeli pakubapa abaputi ichigaba chinichi icha chakwiyipa pakuba chigaba chabo icha bwila na bwila mupaka inkulilo zyosi izya muntazi.

Aba Levi 8:12

Akamupungulila u Aloni amafuta ghamo aghakupakazya pamutu wache ukuti amupaghule.

Ukubelengiwa 3:3

Banaba bakaba bana abalumendo aba Aloni, babo bakapakaziwa na mafuta nukwimikiwa pakuba baputi.

Aba Hebeli 2:11

Pakuti yuyo akubapaghula abantu, sona na bantu babo bakupaghuliwa, bosi babili bali nu wise weka. Ichi cho chifukwa isoni zitakumulema u Yesu pakubitizya ukuti bakamu bache.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Yohani 2:27

Loli amwe mukapakaziwa nu Muzimu Umuzelu. Pene papo Umuzimu Umuzelu yuyo akwikala mumwinyu umwakuti chitakulondiwa sona ukuti umuntu yumo abamanyisye. Pakuti u Muzimu wache Umuzelu akubamanyisya nizya vintu vyosi, sona vivyo akumanyisya vyanaloli, vite vyabumyasi, awe. Po ivwila ubumanyisi ubwa Muzimu ukuti mwikale mukumamatilana poka nu Kilisitu.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.