Aba Levi 8:3 - IBAYIBOLO 2024

³ Po uchibungannye ichilundilo chosi pamulyango uwa Chisakasa icha Mwene.”

Aba Levi 8:3 Iomraidhean Croise

1 Imbili 13:5

U Devedi akababungannya poka aba Izilayeli bosi, ukwandila kulusoko ulwa Shiholi mu Ijiputi mupaka ku Lebo Hamati ukuti babuke ku Kiliyati Yeyalimu pakulisenda Ibokosi ilya Lufingo ilya Chala.

1 Imbili 15:3

U Devedi akababungannya poka aba Izilayeli bosi mu Yelusalemu ukuti bize ni Bokosi ilya Lufingo ilya Mwene kubuzilo bwache bubo akaliyanizizya.

2 Imbili 30:13

Mumwezi uwabubili abantu abinji nkani bakabungana mu Yelusalemu ukuti babanje nu Lusekelo ulwa Chibama chicho chite ni chilungo.

2 Imbili 30:2

U mwene poka na makambala ghache, sona ni chilundilo chosi icha mu Yelusalemu bakinong'onagha pakuba nu Lusekelo ulwa Pasa mumwezi uwabubili.

2 Imbili 30:25

Abantu bosi aba mu Yuda bakahoboka nkani poka na baputi naba Levi sona na bosi babo bakafumagha ku Izilayeli poka na bayeni babo bakikalagha mu Izilayeli na mu Yuda.

2 Imbili 5:2

Po u Solomoni akabitizizya ku Yelusalemu abasongo aba mu Izilayeli na balongozi aba inko na balongozi abanyumba, ukuti babuke pakulisenda Ibokosi ilya Lufingo ilya Mwene ku Ziyoni, kako kakaba kaya akakulu nkani aka Devedi.

2 Imbili 5:6

Po u mwene u Solomoni poka ni chilundilo chosi icha ba Izilayeli bakabungana pantazi pa Bokosi ilya Lufingo nukubika ing'ozi poka ni ng'ombe inyinji nkani insita kubelengiwa.

Nehemiya 8:1

Abantu bosi bakabungana poka nu moyo ghoka palubinjilo kuntazi ukwa Mulyango uwa Mizi. Palapala u Ezila akamubuzya umusimbi ukuti ize ni Buku ilya Ndaghilo izya Mozesi zizyo u Mwene akabapa aba Izilayeli.

Masalimo 22:25

Nkwiza pakukupalagha palukomano ulukulu nkani, sona nkwiza pakukwanilisya ichilapo chane pamaso pabantu babo bakukuchindika.

Aba Levi 14:11

Umuputi yuyo akumunena umuntu yula pakuba muntu muswepu amusendele poka ni chakwiyipa chache pamulyango uwa Chisakasa icha Mwene.

Aba Levi 8:2

“Wize nu Aloni na bana bache pamulyango uwa Chisakasa icha Mwene poka na menda ghabo na mafuta aghakupakazya ni nkambaku iyakupepesezya imbibi na badubi babili sona ni chidudunga icha vibama vivyo vite ni chilungo.

Aba Levi 8:4

U Mozesi akabomba zizyo u Mwene akamulamula, po ichilundilo chosi chikabungana,

Ukubelengiwa 20:8

“Senda indisa, po awe poka nu wamwinyu u Aloni muchibungannye poka ichilundilo chosi. Ulilamule ilyalabwe ukuti lifumye amizi, bo abantu bakwennya na maso ghabo. Amizi ghakwiza pakufuma, po aba Izilayeli bosi bakwiza pakung'wela, sona vyope ni vitekwa vyabo vikwiza pakung'wela.”

Ukubelengiwa 21:16

Bo basama kulakula, bakabuka kubuzilo bubo bakatinji Beeli, pachiziba chicho u Mwene akamubuzya u Mozesi ukuti, “Ubabungannye poka abantu, po ane nkwiza pakubapa amizi.”

Ukubelengiwa 8:9

Wize naba Levi pantazi pa Chisakasa icha Mwene nukubabungannya poka aba Izilayeli bosi.

Imbombo 2:1

Pisiku ilya Pentekositi abitiki bosi bakabungana poka munyumba.