Aba Levi 8:14 - IBAYIBOLO 2024

¹⁴ Po u Mozesi akiza ni nkambaku ukuti yibanje chakwiyipa ichakupepesezya imbibi. U Aloni na bana bache bakabika inyobe zyabo pamutu uwa nkambaku yila.

Aba Levi 8:14 Iomraidhean Croise

Masalimo 66:15

Nkwiza pakubika ichinyamana ichine pakuba chakwiyipa, sona na badubi pakuba chakwiyipa. Nkwiza pakubika sona inkambaku ni mbuzi pakuba chakwiyipa.

Yesaya 53:10

Loli bukaba bwighane ubwa Mwene ukuti amuvulazye bunubu nukumupelela amayimba, u Mwene akabupela ubumi bwache, pakuba chakwiyipa ichakupepesezya inongwa, akwiza pakwennya abizikulu bache, nukuba nubumi ubutali, sona ubwighane ubwa Mwene bukwiza pakukwanilisiwa mumwache.

Ezekiyeli 43:19

Mubike inkambaku ku baputi babo ba Levi, aba baluko ulwa Zadoki pakuba chakwiyipa icha kupepesezya imbibi, babo bakwiza kupipi nane nukumbombela, u Mwene Uwamaka Ghosi anena.

Ezekiyeli 43:20

Musendepo ibanda lyache limo nukulibika mumpembe folo zila izya chighemo sona na munkuto folo mulubazu ukuzyungulila ivingelengele, po muchiswefye ichighemo nukuchipaghula pakubika ichakwiyipa ichakupepesezya.

Ezekiyeli 44:27

Pisiku lilyo akwinjila mulubinjilo ulwamukasi pakubomba imbombo Mubuzilo Ubuzelu, ibikilaye mwene ichakwiyipa ichakupepesezya imbibi, u Mwene Uwamaka Ghosi anena.

Aba Levi 1:4

Umuntu yula abike inyobe yache pamutu uwa nkambaku yila, po yikwiza pakuba chakwiyipa ichakocha ichakupepesezya imbibi mubuzilo bwache.

Aba Levi 16:21

U Aloni abike inyobe zyache pamutu uwa mbuzi inyumi yila nukwilatilapo ukusambuka ukwa bantu, sona ni mbibi zyosi izya ba Izilayeli. Pisinda pache muntu yuyo akasaliwa ukuti ayichimbizizye imbuzi yila munkolongo.

Aba Levi 16:6

“U Aloni abike inkambaku ukuti yibanje chakwiyipa ichakupepesezya imbibi zyache, sona ni mbibi izya bamunyumba yache.

Aba Levi 4:15

Abalongozi bosi aba chilundilo babike inyobe zyabo pamutu uwa nkambaku yila, po bayibolele pamaso pa Mwene.

Aba Levi 8:2

“Wize nu Aloni na bana bache pamulyango uwa Chisakasa icha Mwene poka na menda ghabo na mafuta aghakupakazya ni nkambaku iyakupepesezya imbibi na badubi babili sona ni chidudunga icha vibama vivyo vite ni chilungo.

Ukubelengiwa 8:12

“Pisinda pache aba Levi babike inyobe zyabo pamitu iya nkambaku zibili zila, nukuyibika inkambaku yoka kwa Mwene ukuti chibanje chakwiyipa ichakupepesezya imbibi, po abike iyinji ukuti chibanje chakocha ichakupepesezya imbimbi izya ba Levi.

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.