Aba Levi 8:13 - IBAYIBOLO 2024

¹³ Pisinda pache u Mozesi akiza na bana aba Aloni pantazi nukubavwika inkazo, akabapinya abalamba mumisana yabo, nukubavwika ivipewa kumitu yabo ukuyana namumo u Mwene akamulamulila.

Aba Levi 8:13 Iomraidhean Croise

Masalimo 132:9

Abaputi bako bavwalaye ubugholosu, sona abantu bako abazelu bimbaye nu lusekelo.

Ukufuma 40:13

Po umuvwike u Aloni amenda amapaghuliwa, umwimike pakumupakazya amafuta gha syunguti ukuti abanje muputi wane.

Ukufuma 40:16

U Mozesi akabomba zyosi ngati mumo u Mwene akamulamulila.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yesaya 61:6

Mukwiza pakwitiziwa, pakuba mwe baputi aba Mwene, mukwiza pakuneniwa pakuba babombi aba Chala witu. Mukwiza pakulya ubukabi ubwa inko, sona muvyuma vyabo mukwiza pakwituvikizyamo.

Ezekiyeli 42:14

Nanti abaputi binjila Mubuzilo Ubuzelu bula, batabaghiye pakufumamo muchipinda chila nukwinjila muchipinda ichakuzi ukusita ukuti bavule amenda ghabo aghabuputi ghagho bakubombela, pakuti mazelu. Babaghiye pakuvwala amenda aghanji bo bachili ukubuka kupipi nu buzilo ubwa bantu.”

Aba Levi 10:5

Po bakiza nukuyinyamula, bo yili munkazo zyabo nukubuka nayo kuzi ukwa visakasa ukuyana namumo u Mozesi akabalamulila.

Aba Levi 8:21

U Mozesi akasuka amala ni vinama nukumocha udubi wesi yula pachighemo pakuba chakwiyipa ichakocha ukuyana namumo u Mwene akamulamulila. Umunusi uwa chakwiyipa chinichi ghukamuhobosya u Mwene.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 1:6

Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 5:10

Ukabapela pakuba luko ulwa bumwene, nukuba baputi pakumubombela u Chala witu, bakwiza pakulaghila ichisu ichapasi.”