Aba Levi 7:7 - IBAYIBOLO 2024

⁷ “Ichakwiyipa ichakupepesezya inongwa chiyanite bulo ni chakwiyipa ichakupepesezya imbibi, sona ivyakwiyipa vyosi vibili vinivi vili nu lulaghilo loka. Inyama yiniyi yikuba ya muputi yuyo akubika ichakwiyipa chinichi.

Aba Levi 7:7 Iomraidhean Croise

2 Abamwene 12:16

Indalama izya kulipilila inongwa, sona nizya chakwiyipa ichakupepesezya inongwa zitakabikiwanga mu Nyumba iya Mwene, loli zikaba zya baputi.

2 Abamwene 12:17

Pakabalilo kalakala u Hazayeli, u mwene uwa ba Siliya akabuka pakulwa ubwite nakaya akakulu nkani aka Gati nukukafyula. Pisinda pache akalwa ubwite nakaya akakulu nkani aka Yelusalemu.

Aba Levi 14:13

Umwana udubi yula amubolele pabuzilo bubo ichakwiyipa ichakupepesezya imbibi ni chakwiyipa ichakocha chikuboleliwapo. Ichakwiyipa ichakupepesezya inongwa chikuba cha muputi, ukuyana namumo ichakwiyipa ichakupepesezya imbibi chikubela. Ichi cho chakwiyipa ichizelu nkani.

Aba Levi 2:10

Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.

Aba Levi 2:3

Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.

Aba Levi 6:17

Bo bali pakuvipiya, batakabikemo ichilungo. Nabapavyo pakuba chigaba chabo icha chakwiyipa ichakocha pamoto. Ichi cho chakwiyipa ichizelu nkani ukuyana bulo ni chakwiyipa ichakupepesezya imbibi, sona ni chakwiyipa ichakupepesezya inongwa.

Aba Levi 7:8

Ikwela ilya chakwiyipa ichakocha libanje ilya muputi, yuyo akubika ichakwiyipa chinichi.

Ukubelengiwa 5:8

Loli nanti umuntu yula ate nu mukamu uwakuti angapokela amalipilo mubuzilo bwache, amalipilo ghalaghala ghakuba gha Mwene, sona bamupe umuputi. Bonjelezyepo udubi uwakupepesezya imbibi izya muntu yula.

1 Aba Kolinti 10:18

Ennya zizyo aba Izilayeli bakubomba: Bo bakulya ivyakwiyipa vivyo vyabikiwa pachighemo chilachila, nkimba batakusendapo ichigaba pa vyakwiyipa vilavila?

1 Aba Kolinti 9:13

Nkimba mutazimenye ukuti abantu babo bakubomba mu Nyumba iya Chala bakulya ivya mu Nyumba iya Chala, sona nukuti babo bakubika ivyabupi pachighemo bakupokela pa vyakwiyipa vilavila?