Aba Levi 7:6 - IBAYIBOLO 2024

⁶ Umwanavuli wesi uwa munyumba iya buputi angalyako ichakwiyipa chinichi, loli achilyele Mubuzilo Ubuzelu, pakuti ichi cho chakwiyipa ichizelu nkani.

Aba Levi 7:6 Iomraidhean Croise

Ezekiyeli 42:13

Po akambuzya akati, “Ivipinda ivyakumitu na kuntende vivyo vyenizye ulubinjilo ulwa Nyumba iya Chala vipinda ivya baputi, abaputi babo bakumubombela u Mwene bakwiza pakulya ivyakwiyipa ivizelu nkani. Palapala bakwiza pakubika ivyakwiyipa ivizelu nkani ivyakwiyipa ivya busu, ni vyakwiyipa ivya kupepesezya imbibi sona ni nongwa, pachifukwa ichakuti ubuzilo buzelu.

Aba Levi 2:3

Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.

Aba Levi 21:22

Loli umuntu yunuyu angalya ichakulya ichizelu nkani ichakubikiwa kwa Chala wache, sona ni chakulya ichizelu.

Aba Levi 6:11

Avule amenda ghache ghala nukuvwala amenda aghanji, sona ayole itoyi lila nukulibika pabuzilo ubuzelu kuzi ukwa visakasa.

Aba Levi 6:29

Umwanavuli wesi uwa munyumba iya buputi angalyako chakwiyipa chinichi, pakuti ichi cho chakwiyipa ichizelu nkani.

Aba Levi 7:5

Umuputi avyoche vyosi pachighemo, ukuti chibanje chakwiyipa ichakocha pamoto kwa Mwene. Ichi cho chakwiyipa ichakupepesezya inongwa.

Hagayi 2:12

Nanti umuntu anyamuye inyama impaghuliwa munkazo, po inkazo yilayila yapalamasya ichibama pamo umusuni pamo uvinyo pamo amafuta pamo ichakulya chimo, nkimba ivyakulya vila vikuba vizelu?’ ” Abaputi bala bakamula bakati, “Awe.”

1 Aba Kolinti 10:18

Ennya zizyo aba Izilayeli bakubomba: Bo bakulya ivyakwiyipa vivyo vyabikiwa pachighemo chilachila, nkimba batakusendapo ichigaba pa vyakwiyipa vilavila?

1 Aba Kolinti 9:13

Nkimba mutazimenye ukuti abantu babo bakubomba mu Nyumba iya Chala bakulya ivya mu Nyumba iya Chala, sona nukuti babo bakubika ivyabupi pachighemo bakupokela pa vyakwiyipa vilavila?