Aba Levi 7:30 - IBAYIBOLO 2024

³⁰ Ni nyobe zyache ni zyache, umuntu yula ize ni chakwiyipa ichakocha kwa Mwene. Umuntu yula ize na mafuta, poka na kajimbi, po akazyunguzye mumwanya akajimbi kala pamaso pa Mwene.

Aba Levi 7:30 Iomraidhean Croise

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Aba Levi 10:14

Loli awe na bana bako abalumendo na balindu mungalya akajimbi akakuzyunguziwa mumwanya pamaso pa Mwene, poka ni ntapatapa. Muvilyele mubuzilo ubuswepu, pakuti nakupa awe na bana bako pakuba chigaba chako icha chakwiyipa ichabupoka icha ba Izilayeli.

Aba Levi 10:15

Wize ni ntapatapa na kajimbi pakabalilo kako amafuta ghakubikiwa pamaso pa Mwene ukuti chibanje chakwiyipa ichakuzyunguzya mumwanya. Po intapatapa na kajimbi vibanje vyako na bana bako icha bwila na bwila, ukuyana namumo u Mwene akalamulila.”

Aba Levi 3:14

Achibike ichigaba chimo icha chakwiyipa chinichi kwa Mwene ukuti chibanje chakwiyipa ichakocha. Ivigaba vinivi vyo ivi: Amafuta ghosi ghagho ghamamatiye kumala,

Aba Levi 3:9

Asende ichigaba chimo icha chakwiyipa ichabupoka nukwiza nacho kwa Mwene ukuti chibanje chakwiyipa ichakocha. Ivigaba vinivi vyo ivi: Amafuta na mafuta ghosi agha musinda agha papipi nu mongololo na mafuta ghosi ghagho ghamamatiye kumala

Aba Levi 8:27

Akavibika vyosi vinivi munyobe izya Aloni na bana bache, umwakuti vibanje chakwiyipa ichakuzyunguzya mumwanya pamaso pa Mwene.

Aba Levi 8:29

Po u Mozesi akasenda akajimbi aka dubi yula akakumwimikila u Aloni pamaso pa Mwene ukuti chibanje chakwiyipa ichakuzyunguzya mumwanya, ukuyana namumo u Mwene akamulamulila u Mozesi. Ichigaba chinichi icha dubi uwakubimikila abaputi chikaba cha Mozesi.

Aba Levi 9:20

pamwanya pa tujimbi tula nukocha amafuta pachighemo.

Aba Levi 9:21

U Aloni akatuzyunguzya mumwanya utujimbi tula poka ni chinama icha ndilo pamaso pa Mwene, ukuti chibanje chakwiyipa ichakuzyunguzya mumwanya ukuyana namumo u Mozesi akalamulila.

Ukubelengiwa 6:20

Umuputi avizyunguzye pamaso pa Mwene ukuti chibanje chakwiyipa ichakuzyunguzya mumwanya. Ivyakwiyipa vinivi vizelu, sona vya muputi, poka na kajimbi kako akakuzyunguzya mumwanya, sona ni ntapatapa. Pisinda pache umu Nazili yula angang'wela uvinyo.

Ukubelengiwa 8:11

Po u Aloni ababike aba Levi pamaso pa Mwene ukuti chibanje chakwiyipa ichakuzyunguzya mumwanya icha ba Izilayeli umwakuti bamubombelaye u Mwene imbombo.

Yohani 10:18

Ataliko nayumo umuntu yuyo anganfyula ubumi bwane. Loli nkubutagha ukuyana nu bwighane ubwane nu bwane. Indi nu bulaghili pakubutagha, sona indi na maka pakubusenda sona. Ichi cho chicho Utata wane akandamula ukuti imbombe.”

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.

Ukukumbusya Amalamulo 18:3

Ichi cho chigaba icha baputi icha vyakwiyipa ivya ng'ombe pamo ing'ozi vivyo abantu bakubika: Ichipunko ni njegho sona nu lufu.