Aba Levi 7:26 - IBAYIBOLO 2024

²⁶ Kosi kuko mukwikala, nayumo umuntu pakasi papinyu atakalyanje ibanda nalimolimo manyi lya chiyuni manyi lya chinyamana.

Aba Levi 7:26 Iomraidhean Croise

Ubwandilo 9:4

“Loli mutakalyanje inyama yiyo yichili yili ni banda. Nabakanizya chinichi pachifukwa ichakuti ubumi ubwa chinyamana buli mwibanda.

Ukufuma 22:30

Mubombaye bunubu na bana abakwanda pakupapiwa aba ng'ombe ni ng'ozi zyinyu. Umwana umwanavuli uwa ng'ombe pamo uwa ng'ozi uwakwanda pakupapiwa ikale nu nyina amasiku seveni, loli mumpanje pisiku ilya eyiti.

Ezekiyeli 33:25

“Polelo ubabuzye ukuti, ‘U Mwene Uwamaka Ghosi ati: Mukulya inyama yiyo yili ni banda sona mukwiputa ku vifwani nukubaghogha abantu. Nkimba mukwinong'ona ukuti ichisu chikwiza pakuba chinyu?

Aba Levi 19:26

“ ‘Mutakalyanje inyama yiyo yichili yili ni banda. “ ‘Mutakabombaye amayele pamo ubulozi.

Aba Levi 3:17

“ ‘Ulu lubanje lulaghilo ulwa bwila na bwila mupaka inkulilo zyosi izya muntazi ukuti mutakalyanje amafuta pamo ibanda kosi kuko mukwikala.’ ”

Aba Levi 7:25

Umuntu wesi yuyo akulya amafuta agha nyama iya ichakwiyipa ichakocha pamoto kwa Mwene, epusiwanjepo pakasi paba Izilayeli.

Aba Levi 7:27

Umuntu wesi yuyo akulunangannya ululaghilo lunulu, epusiwanjepo pakasi paba Izilayeli.”

Yohani 6:53

U Yesu akanena nabo akati, “Naloli nkubabuzya ukuti nanti mutakulya umubili uwa Mwana uwa Muntu, sona nanti mutakung'wela ibanda lyache, mutakwiza pakuba nubumi mumwinyu.

Imbombo 15:20

Loli tubasimbile ukalata uwakuti batakalyanje ivyakulya vivyo vinyazu pachifukwa ichakuti vyabikiwa ku vifwani ukuti chibanje chakwiyipa; ukuti batakabombaye ubwamalaya, ukuti batakalyanje ichinyamana chicho chanyongiwa bulo, sona batakalyanje ibanda.

Imbombo 15:29

Mutakalyanje ichakulya chicho chibikiwe ku vifwani ukuti chibanje chakwiyipa; mutakalyanje ibanda, mutakalyanje ichinyamana chicho chanyongiwa bulo, sona mutakalowaye. Mukwiza pakubomba akiza nanti mukuvileghuka ivintu vinivi. Musyale akiza.”

Aba Efeso 1:7

Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Ukukumbusya Amalamulo 12:16

Mutakalyanje ibanda, loli mulikupulilaye pasi ngati mizi.

Ukukumbusya Amalamulo 12:23

Loli muchebaye nkani ukuti mutakalyanje ibanda, pakuti ubumi buli mwibanda, po mutakalyanje ubumi poka ni nyama.

Ukukumbusya Amalamulo 15:23

Mutakalyanje ibanda, loli mulikupulilaye pasi ngati mizi.

1 Timoti 4:4

Pakuti ichintu chosi chicho u Chala akachipela chiza, sona nachimochimo chibaghiye pakukaniwa, nanti chapokeleliwa nukupalizya kwa Chala,