Aba Levi 7:25 - IBAYIBOLO 2024

²⁵ Umuntu wesi yuyo akulya amafuta agha nyama iya ichakwiyipa ichakocha pamoto kwa Mwene, epusiwanjepo pakasi paba Izilayeli.

Aba Levi 7:25 Iomraidhean Croise

Ubwandilo 17:14

Umwanavuli wesi yuyo atasilimuliwe akwiza pakwefiwapo pakasi pabantu abaluko lwache, pachifukwa ichakuti atasungite ulufingo lulo nkafingana nawe.”

Ukufuma 29:25

Pisinda pache wefyemo munyobe zyabo nukuvyocha pachighemo pamwanya pa chakwiyipa ichakocha chila. Umunusi uwa chakwiyipa chinichi ghukumuhobosya u Mwene.

Aba Levi 3:17

“ ‘Ulu lubanje lulaghilo ulwa bwila na bwila mupaka inkulilo zyosi izya muntazi ukuti mutakalyanje amafuta pamo ibanda kosi kuko mukwikala.’ ”

Aba Levi 7:20

Loli nanti umuntu umunyazu akulya inyama iya chakwiyipa ichabupoka kwa Mwene, umuntu yulayula epusiwanjepo pakasi paba Izilayeli.

Aba Levi 7:21

Nanti umuntu apalamasya ichintu ichinyazu manyi bo bunyazu ubwa muntu manyi ubwa chinyamana pamo ubunyazu ubwakulekanalekana, po akulya inyama iya ichakwiyipa ichabupoka kwa Mwene, umuntu yulayula epusiwanjepo pakasi paba Izilayeli.”

Aba Levi 7:24

Amafuta agha chinyamana ichifwe chene pamo ichakulika ghangabombeziwa imbombo iyinji, loli mutakalye amafuta ghalaghala.

Aba Levi 7:26

Kosi kuko mukwikala, nayumo umuntu pakasi papinyu atakalyanje ibanda nalimolimo manyi lya chiyuni manyi lya chinyamana.

Aba Levi 7:27

Umuntu wesi yuyo akulunangannya ululaghilo lunulu, epusiwanjepo pakasi paba Izilayeli.”