Aba Levi 7:2 - IBAYIBOLO 2024

² Ichakwiyipa ichakupepesezya inongwa chiboleliwe pabuzilo bubo ichakwiyipa ichakocha chikuboleliwapo, sona balinyafile ibanda lyache mumbazu zyosi folo izya chighemo.

Aba Levi 7:2 Iomraidhean Croise

Yesaya 52:15

Loli inko inyinji zikwiza pakumuswigha, abamwene bakwiza pakusona amalomo ghabo pachifukwa icha yuyo. Pakuti chicho batakabuziwa nalumolumo bakwiza pakuchennya, sona chicho batachivuye bakwiza pakuchivwisya.

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Ezekiyeli 40:39

Muchipinda chakwinjilila mukabamo amatebulo folo, amatebulo mabili kulubazu loka ulwa chipinda. Pamatebulo ghanagha bakaghoghelaghapo ivinyamana vivyo vikabikiwanga pakuba vyakwiyipa pamo pakuba vyakwiyipa ivyakocha pamo pakuba chakwiyipa ichakupepesezya imbibi pamo inongwa.

Aba Levi 1:11

Amubolele kumitu ukwa chighemo, pamaso pa Mwene. Po abana aba Aloni, babo baputi, banyafile ibanda lyache mumbazu zyosi folo izya chighemo.

Aba Levi 1:3

“ ‘Nanti umuntu akubika ing'ombe ukuti chibanje chakwiyipa ichakocha kwa Mwene, abikaye inkambaku inyine yiyo yite ni chilema nachimochimo. Ayibikilaye pamulyango uwa Chisakasa icha Mwene umwakuti yingapokeleliwa.

Aba Levi 1:5

Pisinda pache ayibole inkambaku yila pamaso pa Mwene, po abanyumba iya Aloni, babo baputi, bize ni banda lyache nukulinyafila mumbazu zyosi folo izya chighemo, chicho chili pamulyango uwa Chisakasa.

Aba Levi 14:13

Umwana udubi yula amubolele pabuzilo bubo ichakwiyipa ichakupepesezya imbibi ni chakwiyipa ichakocha chikuboleliwapo. Ichakwiyipa ichakupepesezya inongwa chikuba cha muputi, ukuyana namumo ichakwiyipa ichakupepesezya imbibi chikubela. Ichi cho chakwiyipa ichizelu nkani.

Aba Levi 3:2

Umuntu yula abike inyobe yache pamutu uwa nkambaku yila nukuyibolela pamulyango uwa Chisakasa icha Mwene. Po abamunyumba iya Aloni, babo baputi banyafile ibanda lila mumbazu zyosi folo izya chighemo.

Aba Levi 3:8

Umuntu yula abike inyobe yache pamutu uwa ng'ozi yila nukuyibolela kuntazi ukwa Chisakasa icha Mwene. Po abana aba Aloni banyafile ibanda lyache mumbazu zyosi folo izya chighemo.

Aba Levi 4:24

Umuntu yula abike inyobe yache pamutu uwa sabwe yula nukumubolela pamaso pa Mwene pabuzilo bubo ichakwiyipa ichakocha chikuboleliwapo. Ichi cho chakwiyipa ichakupepesezya imbibi.

Aba Levi 4:29

Umuntu yula abike inyobe yache pamutu uwa mbuzi inkolo yila nukuyibolela papo ivyakwiyipa ivyakocha vikuboleliwapo.

Aba Levi 4:33

Umuntu yula abike inyobe yache pamutu uwa ng'ozi yila nukuyibolela papo ichakwiyipa ichakocha chikuboleliwapo.

Aba Levi 5:16

Umuntu yula alipile ivintu vivyo akapotwa pakulipila, sona onjelezyepo ichigaba choka pavigaba vyosi fayivi nukumupa vyosi umuputi. Umuputi akwiza pakubika udubi yula ukuti chibanje chakwiyipa ichakupepesezya inongwa iya muntu yula, po akwiza pakuhobokeliwa.

Aba Levi 5:7

“ ‘Loli nanti umuntu yula ate ni ng'ozi pamo imbuzi, ize ni nkunda zibili ukuti chibanje chakwiyipa chakupepesezya imbibi zyache kwa Mwene. Inkunda yoka yibanje chakwiyipa ichakupepesezya imbibi, po iyinji yibanje chakwiyipa ichakocha.

Aba Levi 5:9

sona alinyafileko ibanda lyache limo kulubazu loka ulwa chighemo. Loli alikupulile ibanda ilyakusyala muntende umwa chighemo. Ichi cho chakwiyipa ichakupepesezya imbibi.

Aba Levi 6:25

“Umubuzye u Aloni na bana bache uti, ‘Ulu lo lulaghilo ulwa chakwiyipa ichakupepesezya imbibi: Ichakwiyipa ichakupepesezya imbibi chiboleliwanje pamaso pa Mwene papo ichakwiyipa ichakocha chikuboleliwapo. Ichi cho chakwiyipa ichizelu nkani.’ ”

Aba Levi 6:7

Umuputi abike kwa Mwene ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa.

Ukubelengiwa 6:12

Akabalilo kosi abanje muntu uwakwipaghulila kwa Mwene, sona ize nu dubi uwa mwaka ghoka ukuti chibanje chakwiyipa ichakupepesezya inongwa. Loli atakabelengeleko amasiku ghagho ghamalagha, pachifukwa ichakuti akinyazya mwene, bo achili muntu mupaghuliwa.

Aba Hebeli 11:28

Lukaba lwitiko lulo lukamupela u Mozesi ukulamula aba Izilayeli pakusekela Ulusekelo ulwa Pasa nukunyafila ibanda pamilyango, ukuti uwantumi uwa bufwe atakabapalamasye abana abakatote aba ba Izilayeli.

Aba Hebeli 12:24

Mwiza kwa Yesu yuyo mufusya uwa lufingo ulupya, sona kwibanda lilyo likanyafiliwa, lilyo likulayizya ivintu ivyizapo ukuchila ibanda ilya Abeli.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.