Aba Levi 7:19 - IBAYIBOLO 2024

¹⁹ “Inyama yiyo yapalamasya ichintu ichinyazu, yitakalyewanje, loli yilunguziwanje pamoto. Umuntu wesi yuyo muzelu pamaso pa Chala angalya inyama iya ichakwiyipa chinichi.

Aba Levi 7:19 Iomraidhean Croise

Aba Levi 6:27

Umuntu wesi uwakuchipalamasya ichakwiyipa chinichi abanje mupaghuliwa. Nanti ibanda lyache lyatonyela umwenda, umwenda ghulaghula ghuchapiwe Mubuzilo Ubuzelu.

Aba Levi 7:18

Nanti inyama iya ichakwiyipa ichabupoka yikulyeliwa pisiku ilyabutatu, u Mwene atakwiza pakuyipokela. Ichakwiyipa chinichi chitangamwavwa umuntu yula, sona chikwiza pakuba chinyazu. Umuntu wesi yuyo akulya ichakwiyipa chinichi akwiza pakuba ni nongwa.

Aba Levi 7:20

Loli nanti umuntu umunyazu akulya inyama iya chakwiyipa ichabupoka kwa Mwene, umuntu yulayula epusiwanjepo pakasi paba Izilayeli.

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Imbombo 10:28

Akababuzya akati, “Amwe mwebene muzimenye akiza nkani ukuti umu Yuda atakwitikiziwa pakwendelana pamo ukwangalilana na bantu babo bate ba Yuda. Loli u Chala andanjizya ukuti umuntu yuyo amupaghula ukuti muzelu intakamupimaye pakuba muntu yuyo ate muzelu pamo munyazu.

Aba Loma 14:14

Pakumamatilana kwane poka nu Mwene u Yesu inzimenye nkani ukuti chitalipo ichintu chimo chicho chinyazu pachene bulo. Loli nanti umuntu yuyo akuchipima ukuti chinyazu, po ichintu chilachila kukwache chinyazu.

Aba Loma 14:20

Mutakanangaye imbombo iya Chala pachifukwa icha vyakulya. Ivyakulya vyosi vyiza bulo pakulya. Loli chibibi ukuti muntu alyanje ichintu chosi chicho chingamupela umuntu uyunji ukuti anange.

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

Titi 1:15

Abantu babo bazelu, ivintu vyosi vinivi vizelu, loli abantu babo inyinong'ono zyabo zinyonganite, sona babo batakusubila nachimochimo chicho chizelu. Ubwanaloli bwakuti, inyinong'ono zyabo nu mabyebye wabo vinyonganite.