Aba Levi 7:1 - IBAYIBOLO 2024

¹ “Ulu lo lulaghilo ulwa chakwiyipa ichakupepesezya inongwa, pakuti ichi cho chakwiyipa ichizelu nkani.

Aba Levi 7:1 Iomraidhean Croise

2 Imbili 31:14

U Kole umwana uwa Imuna umu Levi, umulindilili uwa pamulyango uwakubufumilo bwizuba akenelezyanga ivyakwiyipa vivyo abantu bakabikagha kwa Chala mubwighane bwabo nukuvigaba ivyakusangula vivyo bakabikagha kwa Mwene sona ni vyabupi ivipaghuliwa.

Ezekiyeli 40:39

Muchipinda chakwinjilila mukabamo amatebulo folo, amatebulo mabili kulubazu loka ulwa chipinda. Pamatebulo ghanagha bakaghoghelaghapo ivinyamana vivyo vikabikiwanga pakuba vyakwiyipa pamo pakuba vyakwiyipa ivyakocha pamo pakuba chakwiyipa ichakupepesezya imbibi pamo inongwa.

Ezekiyeli 44:29

Bakwiza pakulya ivyakwiyipa ivya busu, nivyakwiyipa ivyakupepesezya imbibi sona ni chakwiyipa ichakupepesezya inongwa sona ni vintu vyosi vivyo aba Izilayeli bakwiyipa kwa Mwene vikwiza pakuba vyabo.

Ezekiyeli 46:20

U mwene akambuzya akati, “Ubu bo buzilo bubo abaputi bakwiza pakupiyilamo ichakwiyipa ichakupepesezya inongwa sona ni mbibi nukupiya ichakwiyipa icha busu, umwakuti baleke pakufuma navyo muchipinda icha kuzi nukubapela abantu pakuba bazelu.”

Aba Levi 21:22

Loli umuntu yunuyu angalya ichakulya ichizelu nkani ichakubikiwa kwa Chala wache, sona ni chakulya ichizelu.

Aba Levi 5:11

“ ‘Loli nanti umuntu yula ate ni nkunda zibili pamo intozi zibili, ize ni kilogalamu lyoka ilya busu ubutinye ukuti chibanje chakwiyipa ichakupepesezya imbibi zyache. Atakapungulilemo amafuta pamo ukubikamo utwakufukizya utwakununkila, pakuti ichi cho chakwiyipa ichakupepesezya imbibi.

Aba Levi 5:14

U Mwene akamubuzya u Mozesi akati,

Aba Levi 5:15

“Nanti umuntu ananga umwakusita kusubiliwa pakuchinyazya ichintu ichizelu icha Mwene, umuntu yulayula abike kwa Mwene ichakwiyipa ichakupepesezya inongwa zyache. Ichakwiyipa chache abanje we dubi umusita chilema nachimochimo. Umutengo uwa dubi yula ghubanje amashekeli agha siliva ukuyana ni chipimilo icha mu Buzilo Ubuzelu. Ichi cho chakwiyipa ichakupepesezya inongwa.

Aba Levi 5:7

“ ‘Loli nanti umuntu yula ate ni ng'ozi pamo imbuzi, ize ni nkunda zibili ukuti chibanje chakwiyipa chakupepesezya imbibi zyache kwa Mwene. Inkunda yoka yibanje chakwiyipa ichakupepesezya imbibi, po iyinji yibanje chakwiyipa ichakocha.

Aba Levi 5:8

Amupe umuputi inkunda zyosi zibili, po umuputi yula abike tasi inkunda yiyo chakwiyipa ichakupepesezya imbibi. Ayinyonge bulo isingo yache umwakusita ukwefyako umutu wache,

Aba Levi 6:17

Bo bali pakuvipiya, batakabikemo ichilungo. Nabapavyo pakuba chigaba chabo icha chakwiyipa ichakocha pamoto. Ichi cho chakwiyipa ichizelu nkani ukuyana bulo ni chakwiyipa ichakupepesezya imbibi, sona ni chakwiyipa ichakupepesezya inongwa.

Aba Levi 6:25

“Umubuzye u Aloni na bana bache uti, ‘Ulu lo lulaghilo ulwa chakwiyipa ichakupepesezya imbibi: Ichakwiyipa ichakupepesezya imbibi chiboleliwanje pamaso pa Mwene papo ichakwiyipa ichakocha chikuboleliwapo. Ichi cho chakwiyipa ichizelu nkani.’ ”

Ukubelengiwa 6:12

Akabalilo kosi abanje muntu uwakwipaghulila kwa Mwene, sona ize nu dubi uwa mwaka ghoka ukuti chibanje chakwiyipa ichakupepesezya inongwa. Loli atakabelengeleko amasiku ghagho ghamalagha, pachifukwa ichakuti akinyazya mwene, bo achili muntu mupaghuliwa.