8 U Mwene akamulamula u Mozesi akati,
“ ‘Nanti umuntu akubika ing'ombe ukuti chibanje chakwiyipa ichakocha kwa Mwene, abikaye inkambaku inyine yiyo yite ni chilema nachimochimo. Ayibikilaye pamulyango uwa Chisakasa icha Mwene umwakuti yingapokeleliwa.
Abana aba Aloni bala, babo baputi, bapembe umoto pachighemo.
Umuputi abike kwa Mwene ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa.
“Umubuzye u Aloni na bana bache uti, ‘Ulu lo lulaghilo ulwa chakwiyipa ichakocha chosi: Ichakwiyipa ichakocha chibanje pamoto pachighemo palapala busiku bosi mupaka pandabindabi, sona umoto ghutakazimaye.
