Aba Levi 6:2 - IBAYIBOLO 2024

² “Nanti umuntu ananga umwakusita ukusubiliwa kwa Mwene, pachifukwa icha buzimbuli pakukana ukumunyosezya umupalamani wache ivintu vivyo akamusungisya pamo ukumwibila pamo ukumuzimbula

Aba Levi 6:2 Iomraidhean Croise

Ubwandilo 26:7

Bo abantu aba mulamula bamulalusya u Yisaki nizya muchi wache, akabamula akati, “Uyu muyemba wane.” Pakuti akanyilagha pakunena ukuti u Labeka akaba muchi wache pachifukwa ichakuti akinong'onagha ukuti, “Abantu bangangogha pachifukwa ichakuti Labeka akaba wakuboneka akiza nkani.”

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Ivyili 24:28

Utakamubikilaye ubwakaboni ubwabumyasi umupalamani wako, pamo ukumuzimbula.

Ivyili 26:19

Ayanite bulo nu muntu yuyo akumuzimbula uwamwabo ukuti, “Awe, nasekagha bulo!”

Yesaya 21:2

Ichisetuka ichakoghofya chikulanjiziwa kukwane, uwakunangannya akunangannya bulo, wepe uwakufyula akafyulagha. Wee Elamu lwanga ubwite! Mwee bantu bamu Mediya, mubazyungulile nu bwite abantu aba mu Babiloni! Nkwiza pakumazya amayimba ghagho bakaghapela.

Yesaya 24:16

Ukufuma kubumalilo ubwa chisu tukwivwa ukwimba ukuti, “Ubuchindamu kwa yuyo mugholosu.” Loli nkati, “Namala, Namala! Chighune kukwane! Abantu abazimbuli bakumbombela mubuzimbuli, po ubuzimbuli bwabo bukwendelela bulo!”

Yesaya 33:1

Chighune kukwako we mughoghi, we utananganikitepo! Wee muzimbuli, chighune kukwako, nayumo yuyo atakuzimbuyepo nalumo. Nanti wamalizya pakunangannya, nawe bakwiza pakukunangannya, nanti waleka ubuzimbuli, nawe bakwiza pakukubombela izya buzimbuli.

Yelemiya 9:5

Umumanyani akumuzimbula umumanyani, sona atalipo nayumoyumo yuyo akunena ubwanaloli. Bazimanyizizye indimi zyabo pakunena bo bumyasi, umwakuti nako kupinduka batangapinduka.

Ezekiyeli 40:46

ichipinda chicho chikennya kumitu chabaputi babo bakubomba pachighemo. Banaba bo baluko ulwa Zadoki, babo bene bakaba ba Levi babo bangapalamila kwa Mwene nukumubombela.”

Aba Levi 1:3

“ ‘Nanti umuntu akubika ing'ombe ukuti chibanje chakwiyipa ichakocha kwa Mwene, abikaye inkambaku inyine yiyo yite ni chilema nachimochimo. Ayibikilaye pamulyango uwa Chisakasa icha Mwene umwakuti yingapokeleliwa.

Aba Levi 19:11

“ ‘Utakibaye. “ ‘Utakatamantaye. “ ‘Mutakazimbulanaye.

Aba Levi 5:15

“Nanti umuntu ananga umwakusita kusubiliwa pakuchinyazya ichintu ichizelu icha Mwene, umuntu yulayula abike kwa Mwene ichakwiyipa ichakupepesezya inongwa zyache. Ichakwiyipa chache abanje we dubi umusita chilema nachimochimo. Umutengo uwa dubi yula ghubanje amashekeli agha siliva ukuyana ni chipimilo icha mu Buzilo Ubuzelu. Ichi cho chakwiyipa ichakupepesezya inongwa.

Aba Levi 5:19

Ichi cho chakwiyipa ichakupepesezya inongwa zizyo umuntu amunangiye u Mwene.”

Aba Levi 6:1

U Mwene akamubuzya u Mozesi akati,

Amosi 8:5

Mukuti, “Nkimba Ukupanta ukwa Mwezi kukumala liyi, umwakuti tughulizye amapemba, nkimba Isiku Ilyakutuzya likumala liyi, umwakuti tughulizye amalezi? Ukuti tubachevye abantu indobo, nukukwezya imitengo sona tubazimbule ni vipimilo ivyabumyasi,

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Imbombo 5:4

Bo utaghughulizizye, umughunda ghulaghula, nkimba ghutakaba wako? Sona bo waghulizya, nkimba indalama zitakaba zyako? Po choni chicho ukinong'ona pakubomba zinizi? Utakabazimbula abantu, loli wamuzimbula u Chala!”

Aba Efeso 4:25

Polelo muleke pakutamanta. Umuntu wesi anenaye ubwanaloli ku mupalamani wache, pakuti twebosi twe vigaba ivya mubili ghoka.

Aba Kolosi 3:9

Mutakatamantilanaye pakuti mwavula ubuntu bwinyu ubwakale, poka ni mbombo zyache zyosi,

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.