Aba Levi 5:16 - IBAYIBOLO 2024

¹⁶ Umuntu yula alipile ivintu vivyo akapotwa pakulipila, sona onjelezyepo ichigaba choka pavigaba vyosi fayivi nukumupa vyosi umuputi. Umuputi akwiza pakubika udubi yula ukuti chibanje chakwiyipa ichakupepesezya inongwa iya muntu yula, po akwiza pakuhobokeliwa.

Aba Levi 5:16 Iomraidhean Croise

Masalimo 69:4

Abakumbenga binji nkani ukuchila isisi izya kumutu wane, sona abalwani bane babo bakulonda pakungogha binji nkani, umwakuti banfyengite bulo pakunyosezya papo ichintu chicho intibite?

Ukufuma 22:1

“Nanti umuntu iba ing'ombe pamo ing'ozi nukuyighogha pamo ukuyighulizyayo, abaghiye atanizyepo ing'ombe fayivi pa ng'ombe yoka, pamo atanizyepo ing'ozi folo pa ng'ozi yoka.

Aba Levi 22:14

Nanti umuntu yuyo ate wa munyumba iya buputi alya ivyakwiyipa ivipaghuliwa umwakusita kumanya, amulipile umuputi yula, sona onjelezyepo ichigaba choka pavigaba fayivi ukuyana nu mutengo wache.

Aba Levi 27:13

Loli nanti umwenecho akulonda pakuyitabula, umutengo wache ghubanje gho ghulaghula, loli onjelezyepo ichigaba choka pavigaba fayivi.”

Aba Levi 27:15

Nanti umuntu yuyo akuyipaghulila inyumba yache kwa Mwene akulonda pakuyitabula, onjelezyepo ichigaba choka pavigaba fayivi, po inyumba yila yikwiza pakuba yache sona.

Aba Levi 27:27

Nanti akubika umwana uwa uwakwanda pakupapiwa uwa chinyamana ichinyazu, angamutabula pamutengo ghugho umuputi apimite, sona onjelezyepo ichigaba choka pavigaba fayivi ivya mutengo wache. Loli nanti atakumutabula, aghuliziwanje pamutengo ghugho umuputi apimite.”

Aba Levi 27:31

Nanti umuntu akulonda pakutabula ichigaba choka pavigaba 10 vila, onjelezyepo ichigaba choka pavigaba fayivi.

Aba Levi 4:20

Abombaye bunubu ni nkambaku yiniyi ukuyana namumo akochela inkambaku yiyo yikapeghiwa ukuti chibanje chakwiyipa ichakupepesezya imbibi. Bunubu umuputi usongo akwiza pakubika ichakwiyipa ichakupepesezya imbibi izya bantu, po zikwiza pakuhobokeliwa.

Aba Levi 4:26

Pisinda pache oche amafuta ghosi pachighemo, ukuyana namumo akaghochela amafuta agha nyama yiyo yikabikiwa ukuti chibanje chakwiyipa ichabupoka. Bunubu umuputi akwiza pakubika ichakwiyipa ichakupepesezya imbibi izya mulongozi yula, po imbibi zyache zikwiza pakuhobokeliwa.

Aba Levi 5:10

Po umuputi yula abike inkunda iyinji yila ukuti chibanje chakwiyipa ichakocha ukuyana nu lulaghilo lwache, po bunubu akwiza pakubika ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa.

Aba Levi 5:13

Bunubu umuputi akwiza pakubika ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa. Ubusu ubwakusyala bubanje bwa muputi, ukuyana namumo akabombela ni chakwiyipa icha busu.’ ”

Aba Levi 5:6

Pisinda pache umuntu yula ize ni ng'ozi inkolo pamo imbuzi inkolo iya pamudimo wache ukuti chibanje chakwiyipa chakupepesezya imbibi zyache kwa Mwene. Po umuputi akwiza pakubika ichakwiyipa ichakupepesezya imbibi izya muntu yula.

Aba Levi 7:2

Ichakwiyipa ichakupepesezya inongwa chiboleliwe pabuzilo bubo ichakwiyipa ichakocha chikuboleliwapo, sona balinyafile ibanda lyache mumbazu zyosi folo izya chighemo.

Ukubelengiwa 5:7

Po ilate imbibi yiyo anangite, sona atanizye papo ivintu vyosi vivyo anangannya nukonjelezyapo ichigaba choka pavigaba fayivi nukumupa umuntu.

Ukubelengiwa 5:8

Loli nanti umuntu yula ate nu mukamu uwakuti angapokela amalipilo mubuzilo bwache, amalipilo ghalaghala ghakuba gha Mwene, sona bamupe umuputi. Bonjelezyepo udubi uwakupepesezya imbibi izya muntu yula.

Luka 19:8

U Zakeyu akimilila nukumubuzya u Mwene ukuti, “Ivwa kuno, Mwene! Nkwiza pakubapa pakasi na pakasi ivyuma vyane abantu abapina, sona nanti imuzimbuyepo umuntu yumo nkwiza pakumunyosezya ka folo ukuchilapo.”

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

1 Samuweli 6:3

Bakamula bakati, “Nanti mukulinyosya Ibokosi ilya Lufingo ilya Chala uwa ba Izilayeli ili, mutakalinyosyanje nyobe zyene. Loli mwenelezye ukuti mwalinyosya poka ni chakwiyipa ichakupepesezya inongwa. Pisinda pache mukwiza pakupola, sona mukwiza pakuchimanya ichifukwa chicho u Chala akubafunda.”