Aba Levi 5:11 - IBAYIBOLO 2024

¹¹ “ ‘Loli nanti umuntu yula ate ni nkunda zibili pamo intozi zibili, ize ni kilogalamu lyoka ilya busu ubutinye ukuti chibanje chakwiyipa ichakupepesezya imbibi zyache. Atakapungulilemo amafuta pamo ukubikamo utwakufukizya utwakununkila, pakuti ichi cho chakwiyipa ichakupepesezya imbibi.

Aba Levi 5:11 Iomraidhean Croise

Ukufuma 16:18

Bo bapima ni chipimilo icha malita mabili, abantu babo bakaseba umwinji nkani batakaseba umwakuchilapo, sona abantu babo bakaseba munandi, batakaseba panandi nkani. Umuntu wesi akaseba bulo uwakumuyana.

Ukufuma 16:36

Amalita mabili chikaba chipimilo chicho abantu bakabombezya mumasiku ghanagho.

Aba Levi 1:14

“ ‘Nanti umuntu akubika ichiyuni kwa Mwene ukuti chibanje chakwiyipa ichakocha, yibanje nkunda pamo intozi.

Aba Levi 12:8

Nanti umukolo yula ate nu mwana uwa ng'ozi, ize ni ntozi zibili pamo utwana tubili utwa nkunda ukuti vibanje chakwiyipa ichakocha, sona iyinji yibanje chakwiyipa ichakupepesezya imbibi. Po bunubu umuputi yula akwiza pakubika ichakwiyipa ichakupepesezya imbibi izya mukolo yula, po umukolo yula akuba muswepu.

Aba Levi 14:21

Loli nanti umuntu yula mupina umwakuti ate na badubi babili, abike bulo umwana udubi weka ukuti chibanje chakwiyipa ichakupepesezya inongwa zyache ichakuzyunguzya mumwanya, poka nu busu ubwakongannya na mafuta agha misyunguti ukuti chibanje chakwiyipa icha busu, na mafuta aghakukwana ichigaba choka pavigaba vyosi vitatu ivya lita.

Aba Levi 27:8

Nanti umuntu yuyo akulapa mupina nkani umwakuti atangalipila umutengo uwa isiku ni siku, po ize ku muputi nu muntu yuyo akamubika, po umuputi yula apime umutengo, ukuyana namumo umuntu yuyo akalapa angalipilila.’ ”

Aba Levi 5:12

Amupe umuputi ubusu bula, po umuputi yula atape ichikufi pakuba chikumbusyo ichakuti vyosi vinivi vyabikiwa kwa Mwene. Po akwiza pakuvyocha pachighemo. Ichi cho chakwiyipa ichakupepesezya imbibi.

Aba Levi 5:6

Pisinda pache umuntu yula ize ni ng'ozi inkolo pamo imbuzi inkolo iya pamudimo wache ukuti chibanje chakwiyipa chakupepesezya imbibi zyache kwa Mwene. Po umuputi akwiza pakubika ichakwiyipa ichakupepesezya imbibi izya muntu yula.

Aba Levi 5:9

sona alinyafileko ibanda lyache limo kulubazu loka ulwa chighemo. Loli alikupulile ibanda ilyakusyala muntende umwa chighemo. Ichi cho chakwiyipa ichakupepesezya imbibi.

Aba Levi 6:20

“Ichakwiyipa chicho u Aloni na bana bache babikaye kwa Mwene pisiku lilyo bakumwimika pakuba muputi cho ichi: Babikaye ikilogalamu lyoka ilya busu ubutinye ukuti chibanje chakwiyipa icha bwila na bwila. Babikaye uhafu weka pandabindabi, sona uhafu uyunji babikaye pachamabwila.

Ukubelengiwa 5:15

umulume yula ize nu muchi wache ku muputi. Asende ichakwiyipa icha busu ubwa mapemba ubwakukwana ikilogalamu lyoka. Atakapungulilemo amafuta pamo ukubikamo utwakufukizya utwakununkila pakuti cho chakwiyipa icha busu ichakubuzikizya nanti umukolo yula abombite imbibi.’ ”

Ukubelengiwa 7:13

Ivyakwiyipa vyache vikaba vyo ivi: Imbale yoka iya siliva, iyakung'wama ikilogalamu lyoka nu hafu, ni beseni lyoka ilya siliva ilyakung'wama amagalamu eyiti ukuyana ni chipimilo icha mu Buzilo Ubuzelu. Vyosi vibili vinivi vikizula nu busu ubutinye ubwakongannya na mafuta ukuti chibanje chakwiyipa icha busu.

Luka 2:24

Bakabuka sona pakubika ivyabupi ukuyana ni Ndaghilo izya Mwene ukuti, “Babikaye intozi zibili pamo utwana tubili utwa nkunda pakuba chakwiyipa.”

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Hebeli 9:22

Naloli, ukuyana ni Ndaghilo izya Mozesi, papipipipi ichintu chosi chikuswefiwa ni banda, sona imbibi zikuhobokeliwa nanti ibanda lyatonya.