Aba Levi 4:4 - IBAYIBOLO 2024

⁴ Umuputi yula ize ni ngwata inyanavuli yila pamaso pa Mwene pamulyango uwa Chisakasa. Abike inyobe yache pamutu uwa nkambaku yila nukuyibolela palapala pamaso pa Mwene.

Aba Levi 4:4 Iomraidhean Croise

2 Imbili 29:23

Pabumalilo bakiza ni mbuzi pamaso pa mwene, napa chilundilo chosi pakuba chakwiyipa ichakupepesezya imbibi, po bakabika inyobe zyabo pa mbuzi zila.

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Aba Levi 16:21

U Aloni abike inyobe zyache pamutu uwa mbuzi inyumi yila nukwilatilapo ukusambuka ukwa bantu, sona ni mbibi zyosi izya ba Izilayeli. Pisinda pache muntu yuyo akasaliwa ukuti ayichimbizizye imbuzi yila munkolongo.

Aba Levi 4:15

Abalongozi bosi aba chilundilo babike inyobe zyabo pamutu uwa nkambaku yila, po bayibolele pamaso pa Mwene.

Aba Levi 4:29

Umuntu yula abike inyobe yache pamutu uwa mbuzi inkolo yila nukuyibolela papo ivyakwiyipa ivyakocha vikuboleliwapo.

Aba Levi 8:14

Po u Mozesi akiza ni nkambaku ukuti yibanje chakwiyipa ichakupepesezya imbibi. U Aloni na bana bache bakabika inyobe zyabo pamutu uwa nkambaku yila.

Ukubelengiwa 8:12

“Pisinda pache aba Levi babike inyobe zyabo pamitu iya nkambaku zibili zila, nukuyibika inkambaku yoka kwa Mwene ukuti chibanje chakwiyipa ichakupepesezya imbibi, po abike iyinji ukuti chibanje chakocha ichakupepesezya imbimbi izya ba Levi.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.