Aba Levi 4:34 - IBAYIBOLO 2024

³⁴ Umuputi adwibike akafingwi kache mwibanda ilya ng'ozi yila, nukulipaka pampembe izya chighemo ichakochelapo ichakwiyipa ichakocha. Po alipungulile ilyakusyala muntende umwa chighemo.

Aba Levi 4:34 Iomraidhean Croise

Yesaya 42:21

Zikamuhobosya u Mwene, pachifukwa icha bugholosu bwache, akalonda pakulupela ululaghilo lwache pakuba lukulu nkani nu luchindamu.

Aba Levi 4:18

Apake ibanda limo pampembe izya chighemo chicho chili pamaso pa Mwene mu Chisakasa. Po apungulile ibanda ilyakusyala muntende umwa chighemo ichakochelapo ichakwiyipa ichakocha chicho chili pamulyango uwa Chisakasa icha Mwene.

Aba Levi 4:25

Umuputi adwibike akafingwi kache mwibanda ilya sabwe yula, nukupaka pampembe izya chighemo ichakochelapo ichakwiyipa ichakocha. Po apungulile ibanda ilyakusyala muntende umwa chighemo.

Aba Levi 4:30

Po umuputi adwibike akafingwi kache mwibanda ilya mbuzi inkolo yila, nukupaka pampembe izya chighemo ichakochelapo ichakwiyipa ichakocha. Po alipungulile ilyakusyala muntende umwa chighemo.

Aba Levi 4:7

Po apake ibanda limo pampembe izya chighemo ichakufukizizyapo utwakununkila pamaso pa Mwene tuto umunusi wache ghukumuhobosya u Mwene. Ibanda ilyakusyala lila alipungulile muntende umwa chighemo ichakochelapo ichakwiyipa ichakocha, chicho chili mu Chisakasa pamaso pa Mwene.

Yohani 17:19

Pachifukwa icha babo nkwiyipa kukwako nu moyo ghosi, umwakuti naloli bope babanje bapaghuliwa.

Aba Loma 10:4

Pakuti u Kilisitu amalizya Indaghilo, umwakuti umuntu wesi yuyo akusubila aneniwanje pakuba mugholosu pamaso pa Chala.

Aba Loma 8:1

Polelo abantu babo bakumamatilana poka nu Kilisitu u Yesu, ilelo yitalipo nayimoyimo inongwa iyakubasusya nayo.

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Hebeli 10:29

Po nkimba zingaba bulibuli nu muntu yuyo akumusamula u Mwana uwa Chala? Nkimba zingaba bulibuli nu muntu yuyo akulinyazya ibanda ilya lufingo ulwa Chala lilyo likamuswefya imbibi zyache? Nkimba zingaba bulibuli nu muntu yuyo akumusamula u Muzimu Umuzelu, yuyo akumulanjizya ichisa?

Aba Hebeli 2:10

Pakuti chikamubaghila u Chala yuyo mupeli, sona musungilili uwa vintu vyosi, ukuti amupele u Yesu pakuba wakufikapo ukwendela mu mayimba ghache, umwakuti abasendele abana bache abinji pakwinjila mu buchindamu bwache. Pakuti u Yesu weyuyo akubalongozezya ku bupoki.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.