Aba Levi 4:3 - IBAYIBOLO 2024

³ “ ‘Nanti umuputi usongo ananga, kokuti akubapela abantu bosi ukuti babanje ninongwa, po ize kwa Mwene ni nkambaku inyana yiyo yite ni chilema nachimochimo ukuti yibanje chakwiyipa ichakupepesezya imbibi.

Aba Levi 4:3 Iomraidhean Croise

2 Imbili 29:21

Bakiza ni nkambaku seveni, na badubi seveni nu twadubi seveni, na basabwe seveni pakuba chakwiyipa ichakupepesezya imbibi izya bumwene, nizya chipinda ichizelu, sona na bantu aba mu Yuda. Po u mwene akabalamula abaputi, abaluko ulwa Aloni ukuti babikaye ivyakwiyipa vinivi pachighemo icha Mwene.

Ezila 8:35

Po abantu babo bakanyokako kubuzya bakabika ivyakwiyipa ivyakocha kwa Chala uwa Izilayeli. Ivyakwiyipa vinivi vikaba vyo ivi: Inkambaku 12 ukuti zibanje izya ba Izilayeli bosi na badubi 96 nu twadubi 77 sona na basabwe 12 pakuba chakwiyipa ichakupepesezya imbibi. Vyosi vinivi vikaba chakwiyipa ichakocha kwa Mwene.

Ukufuma 29:14

Loli uyoche inyama iya nkambaku yila kuzi ukwa visakasa, nikwela lyache ni nyama yache sona na mala ghache. Ichi cho chakwiyipa ichakupepesezya imbibi izya muputi.

Ukufuma 29:21

Po usendeko ibanda limo lilyo lili pachighemo, na mafuta aghakupakazya nukumunyafila u Aloni na menda ghache. Ubanyafile sona abana bache poka na menda ghabo. Po u Aloni na bana bache, poka na menda ghabo bakwiza pakuba bapaghuliwa.

Ukufuma 29:7

Senda amafuta nukumupungulila pamutu wache nukumupakazya.

Ukufuma 30:10

Koka pamwaka, u Aloni abombaye inyiho izya kuchiswefya ichighemo pakupaka impembe folo pakubombezya ibanda ilya chinyamana chicho chakwiyipa ichakupepesezya imbibi. Inyiho zinizi zibombiwanje umwaka nu mwaka mupaka inkulilo zyosi izya muntazi. Ichighemo chinichi chibanje chizelu nkani, sona ichipaghuliwa kwa Mwene.”

Ezekiyeli 40:39

Muchipinda chakwinjilila mukabamo amatebulo folo, amatebulo mabili kulubazu loka ulwa chipinda. Pamatebulo ghanagha bakaghoghelaghapo ivinyamana vivyo vikabikiwanga pakuba vyakwiyipa pamo pakuba vyakwiyipa ivyakocha pamo pakuba chakwiyipa ichakupepesezya imbibi pamo inongwa.

Ezekiyeli 43:19

Mubike inkambaku ku baputi babo ba Levi, aba baluko ulwa Zadoki pakuba chakwiyipa icha kupepesezya imbibi, babo bakwiza kupipi nane nukumbombela, u Mwene Uwamaka Ghosi anena.

Ezekiyeli 44:27

Pisiku lilyo akwinjila mulubinjilo ulwamukasi pakubomba imbombo Mubuzilo Ubuzelu, ibikilaye mwene ichakwiyipa ichakupepesezya imbibi, u Mwene Uwamaka Ghosi anena.

Aba Levi 1:10

“ ‘Nanti umuntu akubika ing'ozi pamo imbuzi ukuti vibanje chakwiyipa ichakocha, abanje we dubi pamo usabwe umusita chilema nachimochimo.

Aba Levi 1:3

“ ‘Nanti umuntu akubika ing'ombe ukuti chibanje chakwiyipa ichakocha kwa Mwene, abikaye inkambaku inyine yiyo yite ni chilema nachimochimo. Ayibikilaye pamulyango uwa Chisakasa icha Mwene umwakuti yingapokeleliwa.

Aba Levi 16:11

“U Aloni abike inkambaku ukuti yibanje chakwiyipa ichakupepesezya imbibi zyache, sona nizya bamunyumba yache. Po ayibole inkambaku yila ukuti yibanje yakupepesezya imbibi zyache.

Aba Levi 16:3

“Bo u Aloni akwinjila mu Chipinda Ichizelu nkani akonkaye ululaghilo ulu: Asende inkambaku inyana ukuti chibanje chakwiyipa ichakupepesezya imbibi nu dubi ukuti chibanje chakwiyipa ichakocha.

Aba Levi 16:5

Po aba Izilayeli bamupanje u Aloni abasabwe babili ukuti chibanje chakwiyipa chakupepesezya imbibi, sona nu dubi weka ukuti chibanje chakwiyipa ichakocha.

Aba Levi 16:6

“U Aloni abike inkambaku ukuti yibanje chakwiyipa ichakupepesezya imbibi zyache, sona ni mbibi izya bamunyumba yache.

Aba Levi 4:14

Loli nanti ukunanga kulakula kwamanyikwa, ichilundilo chosi chize ni nkambaku inyine ukuti chibanje chakwiyipa ichakupepesezya imbibi pamulyango uwa Chisakasa icha Mwene.

Aba Levi 4:23

Po nanti imbibi yache yamanyikwa, umulongozi yula ize nu sabwe umusita chilema nachimochimo pakuba chakwiyipa.

Aba Levi 4:28

Po nanti ukunanga kwache kwamanyikwa, umuntu yula ize ni mbuzi inkolo yiyo yite ni chilema nachimochimo pakuba chakwiyipa ichakupepesezya imbibi.

Aba Levi 4:5

Po umuputi umupakiwa asende ibanda limo ilya nkambaku yila nukwiza nalyo mu Chisakasa icha Mwene.

Aba Levi 5:6

Pisinda pache umuntu yula ize ni ng'ozi inkolo pamo imbuzi inkolo iya pamudimo wache ukuti chibanje chakwiyipa chakupepesezya imbibi zyache kwa Mwene. Po umuputi akwiza pakubika ichakwiyipa ichakupepesezya imbibi izya muntu yula.

Aba Levi 6:18

Abana bosi abalumendo aba Aloni balyanje ichakwiyipa ichakocha pamoto chinichi, pakuti cho chigaba chabo ichakwiyipa kwa Mwene. Umuntu wesi uwakuchipalamasya ichakwiyipa chinichi abanje mupaghuliwa.”

Aba Levi 8:12

Akamupungulila u Aloni amafuta ghamo aghakupakazya pamutu wache ukuti amupaghule.

Aba Levi 9:2

U Mozesi akamulamula u Aloni akati, “Usende ingwata inyanavuli yiyo yite ni chilema nachimochimo ukuti chibanje chakwiyipa ichakupepesezya imbibi, sona nu dubi umusita chilema ukuti chibanje chakwiyipa ichakocha kwa Mwene.

Aba Levi 9:3

Po ubabuzye aba Izilayeli uti, ‘Musende usabwe ukuti chibanje chakwiyipa ichakupepesezya imbibi. Musende sona ingwata inyanavuli iya mwaka ghoka yiyo yite ni chilema nachimochimo, sona nu mwana uwa ng'ozi uwa mwaka ghoka umusita chilema ukuti chibanje chakwiyipa ichakocha.

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

Ukubelengiwa 8:8

Basende inkambaku inyana yoka, poka ni chakwiyipa icha busu ubutinye ubwakongannya na mafuta, po usende ingwata iyabubili ukuti chibanje chakwiyipa chakupepesezya imbibi.

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Hebeli 5:3

Ichi cho chifukwa abaghiye pakubika ichakwiyipa pachifukwa icha mbibi izyache ni zyache, sona ni chakwiyipa icha mbibi izya bantu.

Aba Hebeli 9:12

U Kilisitu atakinjila mu Chipinda Ichizelu nkani ni banda ilya mbuzi, pamo ni banda ilya ngwata. Loli akinjilamo ni banda ilyache ni lyache nukutusendela aswe ubupoki ubwa bwila na bwila.