Aba Levi 4:13 - IBAYIBOLO 2024

¹³ “ ‘Nanti aba Izilayeli bosi bananga umwakusita kumanya nukubomba ivyamwiko pamaso pa Mwene, napapo umwakusita kumanya, kokuti bosi bapalaghula inongwa.

Aba Levi 4:13 Iomraidhean Croise

Ezila 10:19

Bosi banaba bakalapa pakubasosya abachi babo abayeni, sona umuntu wesi akabika udubi pakuba chakwiyipa ichakupepesezya imbibi.

Masalimo 19:13

Utakitikizyanje ukuti umubombi wako anangaye madinko bulo, sona utakitikizyanje ukuti imbibi zindaghilaye. Po nkwiza pakuba ne muntu yuyo ate ni chilema nachimochimo, sona yuyo atabuka kumbibi inkulu nkani.

Ezekiyeli 45:22

Pisiku lilalila u mwene akwiza pakubika inkambaku pakuba chakwiyipa ichakupepesezya imbibi zyache sona nizya bantu bosi aba muchisu.

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Aba Levi 16:5

Po aba Izilayeli bamupanje u Aloni abasabwe babili ukuti chibanje chakwiyipa chakupepesezya imbibi, sona nu dubi weka ukuti chibanje chakwiyipa ichakocha.

Aba Levi 4:21

Po ayisendele kuzi ukwa visakasa inkambaku yila nukuyocha, ukuyana namumo akochela inkambaku iyakwanda yila. Ichi cho chakwiyipa ichakupepesezya imbibi izya bantu bosi.

Aba Levi 5:17

“Nanti umuntu ananga umwakusita kumanya nukubomba ivintu ivyamwiko pamaso pa Mwene, kokuti apalaghula inongwa, sona afundiwanje.

Aba Levi 6:4

nanti umuntu ananga bunubu, kokuti naloli apalaghula inongwa. Po anyosye ivintu vivyo akasenda umwabuzimbuli.”

Ukubelengiwa 15:22

“Loli nanti mwapuvya umwakusita kumanya pakusungilila amalamulo ghosi ghagho u Mwene akamupa u Mozesi,

1 Aba Kolinti 11:27

Polelo umuntu wesi yuyo akulya ichabama pamo ukung'wela ulubako ulwa Mwene mubusita pakubaghila, akwiza pakuba ninongwa iyakughunangila umubili uwa Mwene ni banda lyache.

1 Timoti 1:13

napapo kale nkaba ne wamusamu nu muvwimi, sona nu wavyongo. Loli u Chala akampelela ichisa, pachifukwa ichakuti intakachimanya chicho nkabombagha, pakuti intakaba nu lwitiko.

Yoshwa 7:11

Aba Izilayeli babombite imbibi. Abene bakalunangannya ulufingo lulo nkabalamula ukuti balusunge. Bakasenda ivintu vimo ivipaghuliwa, bibite, sona batamanta nukuvifisa ivintu vinivi pakasi pavintu vyabo.