Aba Levi 3:5 - IBAYIBOLO 2024

⁵ Po abana aba Aloni boche vyosi vinivi pamwanya pa chakwiyipa ichakocha pankwi izya moto pachighemo ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 3:5 Iomraidhean Croise

1 Abamwene 8:64

Pisiku lilalila u mwene akayipaghula sona intanda yiyo yikaba kuntazi ukwa Nyumba iya Mwene. Palapala akabika ivyakwiyipa ivyakocha ni vyakwiyipa ivya busu sona na mafuta agha vyakwiyipa ivyabupoka pachifukwa ichakuti ichighemo icha mukuba chicho chikaba pantazi pa Mwene chikaba chinandi nkani ukukwanapo ivyakwiyipa ivyakocha ni vyakwiyipa ivya busu sona na mafuta agha vyakwiyipa ivyabupoka.

2 Imbili 35:14

Pisinda pache bakiyanizizya bene ivyakulya vyabo ni vya baputi, pachifukwa ichakuti abaputi, abaluko ulwa Aloni bakabikagha ivyakwiyipa ivyakocha sona ni vyakwiyipa ivya mafuta mupaka pabusiku. Po aba Levi bakiyanizizya ivyakulya vyabo ni vya baputi, abaluko ulwa Aloni.

Ukufuma 29:13

Pisinda pache usende amafuta ghosi ghagho ghamamatiye amala ni chigaba ichiza nkani icha itima ni figho zyosi zibili, poka na mafuta ghache nukuvyocha vyosi pachighemo.

Ezekiyeli 44:15

“ ‘Loli abaputi aba Levi, babo baluko ulwa Zadoki, sona na babo bakambombela umwakusubiliwa Mubuzilo bwane Ubuzelu, bo aba Izilayeli bepako kukwane, bapalamiliye kupipi pamaso papane ukuti bambombelaye, bimililaye pamaso papane pakubika ichakwiyipa ichamafuta nibanda, u Mwene Uwamaka Ghosi anena.

Ezekiyeli 44:7

Bayinyazya Inyumba yane pakubinjizya abayeni abasita ukusilimuliwa mumoyo Mubuzilo Ubuzelu, nukuyinyazya Inyumba yane bo mukumpa ivyakulya, amafuta ni banda, po mwalunangannya ulufingo lwane pakubomba ubunyazu.

Aba Levi 1:13

Asuke na mizi amala ni vinama. Po umuputi abike vyosi pachighemo nukuvyocha ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 1:17

Aleme ivipapande vyache nukuvizepula pakasi, loli atakayizepule yosi. Po umuputi ayoche pankwi izya moto pachighemo. Chinichi cho chakwiyipa ichakocha, umunusi uwa chakwiyipa chinichi ghukumuhobosya u Mwene.

Aba Levi 1:9

Aghasuke na mizi amala ni vinama sona umuputi oche pamoto inyama yosi pachighemo ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 3:11

Po umuputi avyoche vyosi pachighemo ukuti chibanje chakwiyipa kwa Mwene.

Aba Levi 3:4

ni figho zyosi zibili na mafuta ghache, sona ni chigaba ichiza nkani icha itima chicho akwiza pakwefezya poka nifigho.

Aba Levi 4:31

Pisinda pache efye amafuta ghache ghosi ukuyana namumo akefesezya amafuta agha chakwiyipa ichabupoka nukuyocha pachighemo umwakuti umunusi wache ghumuhobosye u Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Levi 4:35

Pisinda pache efye amafuta ghache ghosi ukuyana namumo akefesezya amafuta agha ng'ozi yiyo yikabikiwa ukuti chibanje chakwiyipa ichabupoka nukuyocha pachighemo, poka ni chakwiyipa chicho chikabikiwa kwa Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Levi 6:12

Umoto uwa pachighemo wakaye bulo sona ghutakazimaye. Pandabindabi posi umuputi asonkezyanje inkwi pamoto nukulambalika ichakwiyipa ichakocha pachighemo pala, sona ochelepo amafuta agha chakwiyipa ichabupoka.

Aba Levi 7:28

U Mwene akamubuzya u Mozesi akati,

Aba Levi 9:17

Akiza sona ni chakwiyipa icha busu, po akasenda ichikufi nukubocha pachighemo ukonjelezyapo pa chakwiyipa ichakocha icha pandabindabi chila.

Ukubelengiwa 15:8

Bo mukubika inkambaku ukuti chibanje chakwiyipa ichakocha icha chilapo pamo ichakwiyipa ichapalubazu pamo ichakwiyipa ichabupoka kwa Mwene

Ukubelengiwa 18:17

“Loli mutakayitabulaye ingwata iyakwanda pakupapiwa pamo umwana uwa ng'ozi pamo umwana uwa mbuzi pakuti vizelu. Ulinyafile ibanda lyache pachighemo nukocha amafuta ghache ukuti chibanje chakwiyipa ichakocha, chicho umunusi wache ghukumuhobosya u Mwene.

Ukubelengiwa 28:12

Mubikaye poka ni nkambaku yila ichakwiyipa icha busu ubutinye ubwakukwana amakilogalamu matatu, ubwakongannya na mafuta. Mubikaye poka nu dubi yula ichakwiyipa icha busu ubutinye ubwakukwana amakilogalamu mabili ubwakongannya na mafuta,

Ukubelengiwa 28:3

Ubabuzye sona uti, “Ichi cho chakwiyipa chicho mubikaye kwa Mwene utwana utwadubi tubili utwa mwaka ghoka tuto tute ni chilema nachimochimo ukuti tubanje chakwiyipa ichakocha icha isiku ni siku.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.