Aba Levi 26:9 - IBAYIBOLO 2024

⁹ Nkwiza pakubasaya nukubapa abana abinji, umwakuti munyame. Nkwiza pakukwanilisya ulufingo lwane lulo nkafingana namwe.

Aba Levi 26:9 Iomraidhean Croise

Ubwandilo 1:28

U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”

Ubwandilo 17:20

Pakunena nizya Ishimayeli, nkwiza pakumusaya nukumupa abana abinji, sona na baluko abinji. Akwiza pakuba we tata uwa bamwene 12, sona abaluko lwache bakwiza pakuba luko ulukulu nkani.

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 28:14

Abaluko lwako bakwiza pakuba binji nkani ngati lufumbi ulwa pachisu ichapasi. Impaka zyabo zikwiza pakufika kunkuto zyosi. Ukwendela mumwako na baluko lwako nkwiza pakubasaya abantu aba inko zyosi.

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 48:4

Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”

Ubwandilo 6:18

Loli ane nkwiza pakufinga nawe ulufingo. Injila mubwato nu muchi wako, na bana bako, poka na bachi babo.

1 Abamwene 3:8

Po ane ne mubombi wako nkwikala pakasi pabantu babo ukabasala, lulo luko ulukulu nkani, sona na basita kubelengiwa.

2 Abamwene 13:23

Loli u Mwene akabapelela ichisa aba Izilayeli, sona akabapasikizyanga nkani pachifukwa icha lufingo lulo akafingana nu Abulahamu nu Yisaki, sona nu Yakobo. Ichi cho chifukwa mupaka nilelo bulo atakulonda ukuti abanangannye pamo ukubefya pamaso papache.

Nehemiya 2:20

Nkabamula nkati, “U Chala uwakumwanya akwiza pakutwavwa ukuti ivintu vitwendelaye akiza. Aswe twe babombi bache tukwiza pakwanda imbombo iyakuzenga sona. Loli amwe mute ni chigaba, pamo ubulaghili, pamo imbili nayimoyimo mu Yelusalemu muno.”

Nehemiya 9:23

Ukabapa abaluko abinji nkani ngati mumo zibeleye intondwa nukubinjizya muchisu chicho ukabalayizya abanyenya babo ukuti chikwiza pakuba chabo.

Masalimo 107:38

U Mwene akabasaya, po abantu bala bakabala nkani, U Mwene atakefyako ubwinji ubwa vitekwa vyabo.

Masalimo 89:3

Wanena ukuti, “Nafinga ulufingo nu musaliwa wane, nalapa ichilapo nu mubombi wane u Devedi,

Ukufuma 1:7

Loli abaluko lwabo, aba Izilayeli bakapapana nkani sona bakaba binji, na bamaka, umwakuti bakizulana posi na posi muchisu icha Ijiputi.

Ukufuma 2:25

U Chala akabwennya ubuzya ubwa ba Izilayeli, po akapalamasiwa nkani mumoyo.

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 23:4

Nkwiza pakubalondela abalongozi babo bamenye pakubasungilila sona batakwiza pakunyilagha pamo ukoghofiwa, pamo pakusobelapo. Ane ne Mwene nanena.

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Ezekiyeli 16:62

Po nkwiza pakwikazya ulufingo lwane nawe, sona mukwiza pakumanya ukuti ane ne Mwene.

Ezekiyeli 36:9

Ane mpalamasiwe nkani sona indi ni chililizi namwe, amaghunda ghinyu ghakwiza pakulimiwa nukubyaliwa,

Aba Levi 26:15

Nanti mukughakana amalamulo ghane nukuzisulannya indaghilo zyane, sona nanti mukulukana ulufingo lulo nkafingana namwe,

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Ukukumbusya Amalamulo 28:11

U Mwene akwiza pakubasaya ni vintu ivyiza nkani muchisu chicho akabalayizya abanyenya binyu pakubapa abana abinji nkani, ni vitekwa ivyinji, sona ni nyinulo inyinji nkani.

Ukukumbusya Amalamulo 28:4

U Mwene abasaye na bana abinji nkani, ni nyinulo iya mumaghunda ghinyu, sona abape ing'ombe ni ng'ozi inyinji nkani.

Ukukumbusya Amalamulo 7:13

U Mwene akwiza pakubaghana nukubasaya amwe umwakuti munyamane nkani nukuba na bana abinji nkani. Amaghunda ghinyu ghakwiza pakusayiwa, umwakuti mukwiza pakuba ni ngano nu vinyo, sona na mafuta agha misyunguti, sona akwiza pakubasaya pakubapa ning'ombe inyinji nkani, ni ng'ozi inyinji nkani muchisu chicho akabalayizya abanyenya binyu.

Aba Hebeli 8:9

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti abene batakasunga ulufingo lwane, po nane nkabasulannya bulo.” U Mwene anena.