Aba Levi 26:6 - IBAYIBOLO 2024

⁶ Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Aba Levi 26:6 Iomraidhean Croise

2 Abamwene 2:24

U Elisha akaghalabuka nukubennya abalumendo bala, akabaghuna pamaso pa Mwene. Po abalabwe babili bakavundumuka mumusitu nukubazepulannya abalumendo 42.

1 Imbili 22:9

Loli ukwiza pakuba nu mwana umulumendo, yuyo akwiza pakuba muntu uwamutende, sona nkwiza pakumupoka munyobe izya balwani bache bosi. Itabwa lyache akwiza pakuba we Solomoni, sona nkwiza pakubapa aba Izilayeli umutende nukufwasa pakabalilo kache.

2 Imbili 20:30

Po ubumwene ubwa Yehoshafati bukaba mumutende, pakuti u Chala wache akamupa umutende kumbazu zyosi.

Yobu 11:19

Ukwiza pakulambalala, umwakusita umuntu nayumoyumo uwakukughofya, sona abantu abinji bakwiza pakukulaba ukuti ubavwe.

Yobu 5:23

Mumaghunda ghako mutakwiza pakubamo amabwe, sona ukwiza pakuba mumutende ni vinyamana ivya munkolongo.

Masalimo 144:14

Ing'ombe zyitu zikwiza pakunyamula ukatundu umung'wamu. Abalwani batakwiza pakumongola ulupaso sona batakwiza pakutusenda mubuzya mutakwiza pakubamo ukulila ukwa ntamyo mumisebo yitu.

Masalimo 147:14

Akupela umutende mumpaka zyako, sona akukwikutisya nu busu ubutinye ubwa ngano.

Masalimo 29:11

U Mwene akubapa amaka abantu bache, u Mwene akubasaya abantu bache nu mutende.

Masalimo 3:5

Nkulambalala nukughona utulo, po nkulamusyanga pakuti u Mwene weyuyo akunsungilila.

Masalimo 4:8

Nanti nalambalala nkughona mumutende, pakuti awe Mwene, wewe ukwiza pakumpela ukuti nikalaye umwakufwasa.

Masalimo 85:8

Nkuziteghelezya zizyo u Chala u Mwene akunena. Akubalayizya umutende abantu bache, abantu bache abazelu. Batanyokele sona kubupunganu bwabo.

Ukufuma 23:29

Loli ntakwiza pakubachimbizyamo mumwaka ghoka, pachifukwa ichakuti ichisu chingaba chisami nukwizula ni vinyamana ivya muzi.

Ivyili 3:24

Nanti ukwikala pasi, utakwiza pakuba nubogha, nanti ukughona, utulo twako tukwiza pakunona nkani.

Ivyili 6:22

Bo ukwenda, vikwiza pakukulongolela, bo ukughona vikwiza pakukusungilila, bo ukulamusya, vikwiza pakunena nawe.

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Yesaya 35:9

Mutakwiza pakubamo inkalamu, pamo ichinyamana ichikali chitakwiza pakwendamo, vitakwiza pakwaghiwamo mulamula, loli bene babo bapokiwe, bo babo bakwiza pakwendaghamo.

Yesaya 45:7

Nkupela ulokozyo ni chisi, nkwiza nulusayo sona nintamyo. Ane ne Mwene nkubomba zyosi zinizi.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 31:26

Nkalamusya mutulo nukutalankannya po nkazyaghannya ukuti name mutulo utunonu nkani.

Ezekiyeli 14:15

“Nanti ningavituma ivinyamana pakubaghogha abantu, nukuchipela ichisu pakuba chisami umwakuti patakabepo nayumo uwakudumusannya mulamula, pachifukwa icha vinyamana,

Ezekiyeli 14:17

“Pamo nanti ni ngiza nu bwite muchisu chila nukuti, ‘Leka ubwite busate ichisu chosi,’ nukubaghoghamo abantu ni vinyamana,

Ezekiyeli 14:21

“U Mwene Uwamaka Ghosi akuti: Nkimba zikwiza pakuba bulibuli nanti nkutuma ubulongi bwane folo ubwakoghofya pa Yelusalemu nu bwite nizala ni vinyamana sona ni chiwaya pakubaghogha abantu ni vitekwa vyabo?

Ezekiyeli 34:25

“ ‘Nkwiza pakufingana nabo ukuti bikalaye mumutende nukuvichimbizyamo ivinyamana muchisu ukuti ing'ozi zyane zyikalaye munkolongo nukughona bulo mumusitu umwakufwasa.

Ezekiyeli 34:27

Amakwi agha munkolongo ghakwiza pakwela ivikomwa, sona amaghunda ghakwiza pakupa ivikomwa, bo nabasatula abantu bane bakwiza pakwikalagha umwakufwasa muchisu chabo. Po bakwiza pakumanya ukuti ane ne Mwene, sona nukubapoka munyobe izya babo bakababika mubuzya.

Ezekiyeli 5:17

Nkwiza pakubawisizya izala nukubatumila ivinyamana ivya munkolongo pakubafyula abana binyu, ichiwaya ichakoghofya nukukupula ibanda vikwiza pakubaghogha, po nkwiza pakwiza nubwite papinyu. Ane ne Mwene nanena.”

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Hoseya 2:20

Nkwiza pakukuzingila mubusubiliwa, po ukwiza pakumanya ukuti ane ne Mwene.

Aba Levi 25:18

“Mukonkaye amalamulo ghane ni ndaghilo zyane, umwakuti mwikalaye muchisu umwakufwasa.

Aba Levi 25:19

Ichisu chope chikwiza pakubapa ivikomwa, po mukwiza pakulya mupaka nukwikuta, sona mukwiza pakwikala muchisu umwakufwasa.”

Aba Levi 26:22

Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Aba Levi 26:25

Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Aba Levi 26:7

Naloli mukwiza pakubachimbizyamo abalwani binyu, sona mukwiza pakubapota nupanga.

Mika 4:4

Umuntu wesi akwiza pakwikala mukazundila aka mampesya ghache, sona na mukazundila aka makuyu ghache. Po atalipo nayumoyumo yuyo akwiza pakuboghofya, pakuti u Mwene Uwamaka Ghosi anena.

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Hagayi 2:9

‘Ubuchindamu ubwa Nyumba impya bukwiza pakubuchila ubuchindamu ubwa Nyumba iyakale, mubuzilo bula nkwiza pakubikamo umutende nu bwabuke.’ ” U Mwene Uwamaka Ghosi anena.

Zekaliya 9:10

U Mwene akuti, “Nkwiza pakuzyefya ingolo izya bwite kwa Efulayimu, sona ifalasi izya bwite kwa Yelusalemu, bope ubwele ubwakulwila ubwite bukwiza pakupyoliwa. U mwene winyu akwiza pakufumusya umutende pakasi pa inko zyosi. Ubulaghili bwache bukwiza pakwandila kunyanja mupaka kunyanja iyinji, ukwandila sona kulusoko ulwa Yufuleti mupaka kubumalilo ubwa chisu.

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Imbombo 12:6

Bukaba ubusiku ubwakuti u Helodi alonge inongwa yache, u Pitala akaghona utulo pakasi pabasilikali babili bala. Akapinyiwa ni mpingu zibili, sona pamulyango uwa jele pakaba abasilikali.

Aba Loma 5:1

Ilelo pakuti twaneniwa ukuti twe bantu bagholosu pamaso pa Chala ukwendela mu lwitiko, tuli nu mutende nu Chala ukwendela mwa Yesu Kilisitu u Mwene witu.