Aba Levi 26:5 - IBAYIBOLO 2024

⁵ Inyinulo yinyu yikwiza pakwendelela mupaka pakabalilo akakuyabila ivikomwa, sona mukwiza pakuyabagha ivikomwa mupaka pakabalilo akakubyalila. Mukwiza pakulya ivibama nukwikuta, sona mukwiza pakwikala muchisu chinyu umwakufwasa.”

Aba Levi 26:5 Iomraidhean Croise

Masalimo 144:13

Intamba zyitu zikwiza pakwizula, ni vyakulya ivyakulenalekana. Ing'ozi zyitu zikwiza pakunyama nukuba amasabuzani, nukuba nyinji nkani umwakulyesezyamo.

Masalimo 90:1

Wee Mwene, awe we kwikalamo kwitu pa nkulilo zyitu zyosi.

Ukufuma 16:8

U Mozesi akati, “We Mwene yuyo akwiza pakubapa inyama iyakuti mulye pachamabwila, sona nukubapa ivibama pandabindabi ichakuti mulye nukwikuta, pachifukwa ichakuti ivwa amilumbusyo ghinyu ghosi. Nkimba aswe twe bawenu? Mutakwilumbusya kukwitu, awe, loli kwa Mwene.”

Ivyili 1:33

Loli umuntu yuyo akunyivwila, akwiza pakwikalagha umwakufwasa, atakwiza pakufwa, sona atakwiza pakuba nubogha nabumobumo.

Ivyili 18:10

U Mwene ali ngati chitembe ichamaka, mumo abagholosu bangaponelamo.

Yesaya 1:19

Nanti mukulonda nukunyivwila, mukwiza pakulya ivyiza ivya muchisu ichi.

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Hoseya 2:20

Nkwiza pakukuzingila mubusubiliwa, po ukwiza pakumanya ukuti ane ne Mwene.

Yoweli 2:19

U Mwene akwiza pakubamula ukuti, “Nkubatumila ingano, nu vinyo umupya, sona na mafuta, vivyo vikwiza pakubakwana, Po ntakwiza pakubasamula sona pakasi pa inko.

Yoweli 2:22

Mwee vinyamana ivyamunkolongo mutakanyilaye, pakuti isote lyanda pakulemba. Amakwi ghanda pakwela ivikomwa vyache, ghope amakuyu na mampesya ghela nkani.

Yoweli 2:26

Mukwiza pakulya ivyinji nkani mupaka mwikute, po mulipalaye itabwa ilya Mwene u Chala winyu, yuyo ababombela iviswigho, bope abantu bane batakwiza pakukoziwa isoni.

Amosi 9:13

U Mwene akuti, “Mumasiku ghagho ghakwiza uwakwinula akwiza pakumuchila yuyo akulima, wepe uwakubyala akwiza pakumuchila yuyo akukanyankila amampesya. Mumaghamba mosi mukwiza pakutonya uvinyo umupya, po uvinyo akwiza pakwenda mutughamba tosi.

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Imbombo 14:17

Loli akusimikizya ukuti akabako kale pavintu ivyiza vivyo akubomba. U Chala akubapa ivula ukufuma kumwanya ni nyinulo pakabalilo kache akiza; akubapa ichakulya nukwizuzya amoyo ghinyu nu buhobosu.”

Ukukumbusya Amalamulo 11:15

Nkwiza pakumezya isote ilyakuti ing'ombe zyinyu zilyanje, sona amwe mukwiza pakulya nukwikuta.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.