Aba Levi 26:41 - IBAYIBOLO 2024

⁴¹ kuko kukampela ukuti imbabenge, nukubatuma kuchisu icha balwani babo, sona nanti amoyo ghabo amakafu ghiyisya nukwitika pakuchemeliwa pachifukwa icha mbibi zyabo,

Aba Levi 26:41 Iomraidhean Croise

1 Abamwene 21:29

“Nkimba wamwennya u Ahabu namumo iyisizye mwene pamaso papane? Pachifukwa ichakuti iyisya mwene, ntakwiza pakumuwisizya intamyo pakabalilo kache, loli nkwiza pakubawisizya abana bache intamyo.”

2 Imbili 12:12

Pachifukwa ichakuti u Lehobowamu akiyisya mwene, ubukali uwa Mwene bukatozoka, po atakamunangannya sona. Loli muchisu icha Yuda naloli mukabamo ivintu ivyiza.

2 Imbili 32:26

Pisinda pache u Hezekiya akiyisya nukuleka pakwituvya, ukuyana namumo bakabombela abantu aba mu Yelusalemu. Po u Mwene atakabakalalila abantu pakabalilo aka Hezekiya.

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

2 Imbili 33:23

U Amoni atakiyisya pamaso pa Mwene ukuyana namumo akabombelagha uwise u Manase, loli akabombagha imbibi.

Ezila 9:13

“Ivintu vivyo vyatuwila cho chifukwa icha mbibi nu bubibi bwitu ubukulu nkani. Loli wee Chala witu, watufunda panandi bulo ukuchila namumo zibeleye imbibi zyitu sona witikizya ukuti abantu bitu bamo basyaleko bumi.

Ezila 9:15

Wee Mwene, u Chala uwa Izilayeli, we mugholusu. Watwitikizya ukuti ilelo tusyale bumi. Ennya tuli pamaso papako aswe twe bantu ababibi, napapo nayumoyumo pakasi papitu angimilila pamaso papako.”

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Masalimo 39:9

Nkaba bulo myee, intakalondagha na pakunenapo chimo, pakuti wewe wazibomba zinizi.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 6:10

Nkimba ninganena nu wenu nukumusoka? Nkimba wewenu yuyo anganyivwa? Amakutu ghabo ghighaliye umwakuti batangivwa. Bakughakana amazyu agha Mwene, sona batakuhoboka nagho.

Ezekiyeli 14:23

Ukwiza pakusangalusiwa nanti wennya inkalo yabo ni mbombo zyabo, po mukwiza pakumanya ukuti intabombitepo nachimochimo awe mukaya akakulu nkani bo pate ichifukwa ichenecho.” U Mwene Uwamaka Ghosi anena.

Ezekiyeli 20:43

Po mulamula mukwiza pakukumbuka inkalo yinyu ni mbombo zyinyu zyosi zizyo mwinyazya nazyo sona mukwiza pakwibenga mwebene pavintu ivibibi vyosi vivyo mwabomba.

Ezekiyeli 44:7

Bayinyazya Inyumba yane pakubinjizya abayeni abasita ukusilimuliwa mumoyo Mubuzilo Ubuzelu, nukuyinyazya Inyumba yane bo mukumpa ivyakulya, amafuta ni banda, po mwalunangannya ulufingo lwane pakubomba ubunyazu.

Ezekiyeli 44:9

Polelo u Mwene Uwamaka Ghosi akuti: Atakabepo umuyeni yuyo atasilimuliwe mumoyo nakumubili ukuti injilaye Mubuzilo bwane Ubuzelu, pamo umuyeni yuyo akwikala pakasi paba Izilayeli.

Ezekiyeli 6:9

Po inko zizyo mwasendiwako pakuba bazya babo bapona bakwiza pakunkumbuka, namumo najimbiye pakwiputa kwabo ukwabumyasi, vivyo vyabapela pakunsambukila sona amaso ghabo ghabapela pakuvinyonywa ivifwani. Po bakwiza pakuchibenga ichinyonywa chabo, pachifukwa icha vintu ivyamwiko vivyo bambomba.

Aba Levi 26:24

nane bulo nkwiza pakubasula, sona nkwiza pakubafunda umwakonjelezyapo akaseveni ukuchila pakwanda pachifukwa icha mbibi zyinyu.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Ukubelengiwa 5:7

Po ilate imbibi yiyo anangite, sona atanizye papo ivintu vyosi vivyo anangannya nukonjelezyapo ichigaba choka pavigaba fayivi nukumupa umuntu.

Matayi 23:12

Umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Luka 18:14

U Yesu akati, “Nkubabuzya ukuti umusonkezya sonko akabwela kunyumba, bo u Chala amunena pakuba mugholosu pamaso papache, umu Falisayi yula, awe. Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

Ukukumbusya Amalamulo 10:16

Polelo mwefyemo imbibi mumoyo ghinyu, sona mutakaghakazyanje amoyo ghinyu.

Ukukumbusya Amalamulo 30:6

U Mwene u Chala winyu akwiza pakubapa amwe na baluko lwinyu amoyo aghakwivwila, umwakuti mukwiza pakumughana na moyo ghinyu ghosi, sona nu muzimu winyu ghosi, ukuti mubanje nubumi.

Ukukumbusya Amalamulo 31:21

Bo intamyo na mayimba aminji nkani ghabawila, ulwimbo lunulu lukwiza pakuba we kaboni wane uwakubasusya, pakuti abaluko lwabo bakwiza pakulukumbuka ulwimbo lunulu. Nilelo bulo, bo inchili na pakubinjizya muchisu chicho nkabalayizya, inzimenye inyinong'ono zyabo.”

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Kolosi 2:11

Mumwache namwe bulo mukasilimuliwa, te kusilimuliwa ukwa mubili awe, loli pakuvula ubuntu ubwa mbibi, ukusilimuliwa kuko kukubombiwa nu Kilisitu.