Aba Levi 26:4 - IBAYIBOLO 2024

⁴ ane nkwiza pakubapa ivula pakabalilo kache. Ichisu chikwiza pakubabotolela imboto, sona amakwi ghakwiza pakwelagha ivikomwa.

Aba Levi 26:4 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Yobu 5:10

Akutimizya ivula pachisu ichapasi nukughasembelela amaghunda.

Masalimo 104:13

Akughasembelela amaghamba na mizi agha kumwanya, chope ichisu ichapasi chikwikuta ni seke izya mbombo zyache.

Masalimo 67:6

Po ichisu chikwiza pakwela ivikomwa vyache, sona u Chala witu akwiza pakutusaya.

Masalimo 67:7

U Chala akwiza pakutusaya, sona abantu bosi aba kubumalilo ubwa chisu ichipasi bakwiza pakumunyila.

Masalimo 68:9

Wee Chala, ukatimizya ivula inyinji pachisu ichapasi, po ichilingo chako chicho chikaba chumizu chikanyokelamo sona.

Masalimo 85:12

Naloli u Mwene abapanje ivintu ivyiza, po ichisu chitu chope chipanje inyinulo inyiza.

Masalimo 85:13

Ubugholosu bo bwendaye pamaso papache. Eee ubugholosu bunubu bukwiza pakwipela pakuba zila yache iyakwendamo umwene.

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 5:6

Nkwiza pakughuleka ukuti ghubanje nkolongo. Ntakwiza pakughupalanta pamo ukulimamo, sona mukwiza pakumela abantolovu na mivwa. Nkwiza pakughalamula amabingu ukuti ghatakatimizyanje ivula.”

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Ezekiyeli 36:30

Nkwiza pakubalizya ivikomwa ivya mumakwi ni vikomwa ivya mumaghunda, umwakuti mutakoziwanje isoni pakasi pa inko chifukwa icha zala.

Yoweli 2:22

Mwee vinyamana ivyamunkolongo mutakanyilaye, pakuti isote lyanda pakulemba. Amakwi ghanda pakwela ivikomwa vyache, ghope amakuyu na mampesya ghela nkani.

Aba Levi 25:19

Ichisu chope chikwiza pakubapa ivikomwa, po mukwiza pakulya mupaka nukwikuta, sona mukwiza pakwikala muchisu umwakufwasa.”

Aba Levi 25:21

Ane nkwiza pakubasaya ni vyakulya ivyinji nkani mumwaka uwasikisi, umwakuti ichakulya chibanje chakubakwana amaka matatu.

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Matayi 5:45

ukuti mubanje mwe bana aba Tata winyu uwakumwanya. Pakuti akulamizya izuba pabantu abiza na babibi bulo nukutuma ivula pa bagholosu na babo bate bagholosu.

Imbombo 14:17

Loli akusimikizya ukuti akabako kale pavintu ivyiza vivyo akubomba. U Chala akubapa ivula ukufuma kumwanya ni nyinulo pakabalilo kache akiza; akubapa ichakulya nukwizuzya amoyo ghinyu nu buhobosu.”

Ukukumbusya Amalamulo 11:13

Polelo nanti mukughakonka amalamulo ghagho nkubapa ilelo pakumughana u Mwene u Chala winyu nu nukumubombela nu moyo winyu ghosi, sona nu muzimu winyu ghosi,

Ukukumbusya Amalamulo 11:14

po ane nkwiza pakubatumila ivula muchisu chinyu pakabalilo aka lupepo na pachisiku, umwakuti mwinule ingano, nukuba nu vinyo umupya, na mafuta agha misyunguti aminji nkani.

Ukukumbusya Amalamulo 28:12

U Mwene u Chala winyu akwiza pakubapa ivula pakabalilo kache ukufuma kumwanya kuko akuyisunga, sona akwiza pakuzisaya imbombo zyinyu zyosi, umwakuti mukwiza pakuzikopezya inko izinji, loli amwe mutakwiza pakukopa nalumolumo.

Yakobo 5:7

Mwee bakamu bane, mubanje bafisalyoyo mupaka u Mwene ize. Ennya mumo umulimi akulindilila ukuti umughunda wache wele ivikomwa ivyiza nukulindilila mubufisalyoyo mupaka apokela ivula iyakwanda ni yabumalilo.

Ubuvumbuli 11:6

Abakaboni banaba bali nu bulaghili ubwa kuyilemela ivula ukuti yitakatime pakabalilo kako bakulumbilila Amazyu Amiza agha Chala. Bali nu bulaghili ubwakwandulila imbwibwi izya mizi pakuba libanda. Bali sona nu bulaghili ubwakuchiyivizya ichisu ichapasi ni viwaya ivyakulekanalekana ukuyana namumo bakulondela.