Aba Levi 26:30 - IBAYIBOLO 2024

³⁰ Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.

Aba Levi 26:30 Iomraidhean Croise

Ubwandilo 19:13

pakuti tukwiza pakunangannya akaya aka. U Mwene ennya ububibi bubo abantu aba mukaya kanaka bakubomba, po atutuma pakukanangannya.”

1 Abamwene 13:2

Po umulaghuzi yula akachighuna ichighemo chila akati, “Wee chighemo, wee chighemo! U Mwene ati, ‘Umwana umulumendo u Yosiya akwiza pakupapiwa munyumba iya Devedi. U Yosiya akwiza pakubabika papako abaputi aba pabuzilo ubwapamwanya ubwakwiputilapo ivifwani, babo bakubika ivyakwiyipa pachighemo ichi, sona akwiza pakughochelapo amafupa agha bantu banaba.’ ”

1 Abamwene 13:32

Pakuti amazyu agha Mwene ghagho akaghanena umwakususannya ni chighemo mu Beteli, sona ni nyumba zyosi izyakwiputilamo pamwanya pighamba mutwaya utukulu utwa mu Samaliya, naloli ghakwiza pakukwanilisiwa.”

2 Abamwene 23:16

Bo u Yosiya atalankannya, akaghennya amapumpa ghagho ghakaba pamwanya pighamba, akabatuma abantu pakusenda amafupa mumapumpa nukughocha pachighemo nukuchinyazya ukuyana namumo u Mwene akanenela zila nizya vintu ivi ukwendela mwa mulaghuzi.

2 Abamwene 23:20

U Yosiya akabaghoghela pachighemo abaputi abamunyumba zilazila sona akaghochela amafupa agha bantu palapala. Po akanyokela ku Yelusalemu.

2 Abamwene 23:8

U Yosiya akiza na baputi bosi aba mutwaya twa Yuda nukubunyazya ubuzilo ubwa pamwanya ubwakwiputilapo kuko abaputi bala bakabikaghako ivyakwiyipa ukwandila ku Geba mupaka ku Belisheba. Akamongolannya inyumba zyosi zizyo zikaba pamulyango uwa Yoshwa, umwilili uwa kaya akakulu nkani kala, ghugho ghukaba kumongo ukwa mulyango uwa kaya kala.

2 Imbili 23:17

Abantu bosi bakabuka kunyumba iyakwiputilamo u Baala nukuyimongolannya. Bakavimongolannya ivighemo ni vifwani vyache sona bakamughogha umuputi u Matani, yuyo akaba muputi uwa Baala kuntazi ukwa vighemo.

2 Imbili 31:1

Bo zyosi zinizi zyamala, aba Izilayeli babo bakaba palapala bakabuka mutwaya utukulu mu Yuda nukumongolannya Ivikumbusyo ivipaghuliwa ivya mabwe nukudumulannya ivifwani ivya Ashela. Bakanangannya ubuzilo ubwapamwanya ubwakwiputilapo ivifwani ni vighemo mu Yuda mosi na muchisu icha Benjamini nicha Efulayimu sona nicha Manase. Bo bamala pakuvinangannya vyosi, aba Izilayeli bakabwela.

Masalimo 106:40

Polelo u Mwene akabakalalila abantu bache, sona akachisulannya ichilingo chache.

Masalimo 89:38

Loli mwamutagha nukumukana umupakiwa winyu. Po mumukalaliye nkani.

Yesaya 27:9

Bunubu, po imbibi izya Izilayeli zikwiza pakuhobokeliwa, vinivi vikwiza pakuba vikomwa ivyakwefesezya imbibi, akwiza pakughatizannya amabwe ghosi agha vighemo pakuba lufumbi, ichighemo ichakwiputilapo ichifwani icha Ashela, pamo ichighemo ichakufukizizya utwa kununkila, vitakwiza pakubangapo sona.

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 16:18

Nkwiza pakubanyosezya ulufundo kabili pachifukwa icha mbibi zyabo, pachifukwa ichakuti bachinyazya ichisu chane na bachala abanji abafwe sona bachizuzya ichilingo chane ni vifwani ivyamwiko.”

Ezekiyeli 16:39

Po nkwiza pakukubika munyobe izya baghaniwa bako, sona bakwiza pakubunangannya ubuzilo bwako ubwapamwanya ubwakwiputilapo ivifwani. Bakwiza pakukuvula pamaka amenda ghako nukusenda ivyakwibonesekezya vyako akiza nukukuleka nkule.

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Ezekiyeli 6:13

Po bakwiza pakumanya ukuti ane ne Mwene, bo abantu babo baghoghiwe pakasi pavifwani vyabo umwakuzyungulila ivighemo vyabo, pamwanya patughamba tosi sona na pamwanya pamaghamba ghosi, na muntende mwikwi, nikwi ilya mupandapanda lilyo lilembite, sona na pabuzilo bubo bakufukizizyapo utwakununkila ku vifwani vyabo vyosi.

Hoseya 10:2

Amoyo ghabo mazimbuli, po bafundiwanje pachifukwa icha mbibi zyabo. U Mwene akwiza pakuvimongolannya ivighemo vyabo, nukuvinangannya ivikumbusyo vyabo ivya mabwe amapaghuliwa.

Aba Levi 20:23

Mutakaghelelaye inyiho izya bantu babo, babo nkubachimbizya pantazi papinyu. Pachifukwa ichakuti bakabomba ivintu ivibibi vinivi, ane nkabasulannya.

Aba Levi 26:11

Nkwiza pakwikala muchisakasa chane ichipaghuliwa pakasi papinyu. Ane ntakwiza pakubasula nalumolumo.

Aba Levi 26:15

Nanti mukughakana amalamulo ghane nukuzisulannya indaghilo zyane, sona nanti mukulukana ulufingo lulo nkafingana namwe,

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Amosi 7:9

Ubuzilo ubwapamwanya ubwa Yisaki bukwiza pakunanganika, bope Ubuzilo Ubuzelu ubwakwiputilamo ubwa Izilayeli bukwiza pakuba chisami. Nkwiza pakubaghogha abamunyumba iya Yelobowamu.”

Ukukumbusya Amalamulo 32:19

Bo u Mwene azyennya zinizi, akabakana abantu bache. Akabakana abana bache abalumendo na balindu, pachifukwa ichakuti bakamukalalizya.