Aba Levi 26:26 - IBAYIBOLO 2024

²⁶ Bo nefya ivibama vyinyu ivya isiku ni siku, abakolo 10 bakwiza pakupiya ivibama mu musonta yoka. Po bakwiza pakubagabila amwe ivibama vila mutumenyumenyu, sona nanti mwalya, pope bulo mutakwiza pakwikuta.

Aba Levi 26:26 Iomraidhean Croise

2 Abamwene 6:25

Mu Samaliya mukaba izala inkulu nkani bo aba Siliya bakazyungulila akaya akakulu nkani kala, umwakuti umutu uwa mpunda ghukaghuliziwanga isalabazya 80 izya siliva. Sona amagalamu 200 agha masusu agha nkunda ghakaghuliziwanga isalabazya fayivi izya siliva.

Masalimo 105:16

Akachiwisizya izala ichisu, nukuvinangannya ivyakulya vyabo vyosi,

Yesaya 3:1

Losi ulu u Mwene, u Mwene Uwamaka Ghosi ali papipi pakwefyamo mu Yelusalemu na mu Yuda, ivintu vyosi vivyo abantu bavisubiye. Akwiza pakwefyamo ivyakulya na mizi,

Yesaya 5:10

Po amaghunda teni agha mampesya ghagho mubyete, mukwiza pakwizuzyamo indobo yoka, pa vidudunga teni ivya mbeyu vikwiza pakwela, ichidudunga choka icha mbeyu.”

Yesaya 9:19

Pachifukwa icha bukali ubwa Mwene Uwamaka Ghosi ichisu chikwiza pakupya sona abantu bakwiza pakuba nkwi izya moto, atalipo nayumo yuyo akwiza pakumupelela ichisa uwamwabo.

Yesaya 9:20

Kundilo bakwiza pakulya, loli pope bulo bakwiza pakuba nizala, kumongo bakwiza pakulya loli batakwiza pakwikuta. Umuntu wesi akwiza pakulya abana bache.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Ezekiyeli 14:13

“Wee mwana uwa muntu, nanti ichisu chambombela imbibi sona chite chisubiliwa, po nkwiza pakubafunda nukunangannya ivyakulya, abantu poka ni vinyamana bakwiza pakughoghiwa nizala.

Ezekiyeli 4:10

Pima ichakulya chako chicho ukulya isiku ni siku amagilamu 230.

Ezekiyeli 4:16

Po akambuzya akati, “Wee mwana uwa muntu, nkwiza pakubawisizya izala mu Yelusalemu. Bakwiza pakulya ichakulya, loli bakwiza pakulyanga nubogha. Bakwiza pakupima amizi aghakung'wela nukung'wela umwakupasya.

Ezekiyeli 4:17

Pakuti amizi ni chakulya vikwiza pakubamalila. Bakwiza pakwenannyanga bulo, sona bakwiza pakumalila zila, po bakwiza pakufwa pachifukwa icha mbibi zyabo.”

Ezekiyeli 5:16

Nanti nkubasumbila utulasilo twane utwakoghofya utwa zala sona nutwakunangannya, nkwiza pakubalasa nukubaghogha. Nkwiza pakubawisizya izala inkulu nukwefya ivyakulya vyinyu ivya isiku ni siku.

Hoseya 4:10

“Bakwiza pakulya, loli batakwiza pakwikuta. Bakwiza pakubomba ubwamalaya, loli batakwiza pakubalagha, pachifukwa ichakuti bamukanite u Mwene, umwakuti babombaye ubwamalaya.”

Aba Levi 26:27

“Loli pope bulo nanti mukwendelela pakunsambukila nukukana pakunyivwila,

Mika 6:14

Ukwiza pakulya loli utakwiza pakwikuta, sona izala yikwiza pakukulema. Ukwiza pakubunganika, loli utakwiza pakusungapo nachimochimo, pachifukwa ichakuti vivyo wasunga, nkwiza pakuvinangannya pakabalilo aka bwite.

Hagayi 1:6

Mwabyala ivyinji nkani, loli mwinula vinandi bulo. Mukulya, loli mutakwikuta nalumolumo. Mukung'wela, loli vitakubakwana nalumolumo. Mukuvwala amenda, loli mutakutukila. Mukupokela amalipilo, loli mukughabika munyambi zizyo zidobokite.”