Aba Levi 26:25 - IBAYIBOLO 2024

²⁵ Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Aba Levi 26:25 Iomraidhean Croise

2 Samuweli 24:15

Po u Mwene akatuma ichiwaya muchisu icha Izilayeli ukwandila pandabindabi mupaka pakabalilo kako akalondelagha umwenecho, sona abantu 70,000 aba muchisu icha Dani mupaka ku Belisheba bakafwa.

1 Abamwene 8:33

“Nanti abalwani bakubapota abantu bako aba Izilayeli pachifukwa ichakuti bakunangiye, bo bakulitambula itabwa lyako mu Nyumba iyi, nukwiputa umwakukulambilizya,

1 Abamwene 8:37

“Nanti izala pamo ichiwaya vyawa muchisu ichi pamo ububine ubwa vimelwa pamo ichuku pamo umakanta pamo impazi pamo nanti umulwani wabo abalema mutwaya twabo utukulu nkani pamo intamyo impalapala pamo ububine bwabawila

2 Abamwene 17:3

U mwene u Shalimanesela uwamu Asiliya akiza pakulwa ubwite nu Hosheya nukumupota. Po u Hosheya akasonkagha umusonko umwaka nu mwaka kwa Shalimanesela.

2 Imbili 24:24

Napapo abasilikali aba mu Siliya bakiza na basilikali abanandi bulo, pope bulo u Mwene akababika munyobe zyabo abasilikali abinji nkani. Pachifukwa ichakuti bakamukana u Mwene, u Chala uwa banyenya babo, loli u mwene u Yowashi akafundiwa.

Masalimo 94:1

Wee Mwene, awe we Chala uwalutanizyo. Wee Chala, uwalutanizyo ilanjizya!

Ukufuma 5:3

U Mozesi nu Aloni bakamwamula bakati, “U Chala uwa ba Hebeli ivumbula mwene kukwitu. Utwitikizye ukuti tubukaye munkolongo amasiku matatu pakubika ivyakwiyipa kwa Mwene u Chala witu. Nanti tutakubukako kokuti akwiza pakutughogha nu bubine pamo nu bwite.”

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yesaya 65:12

nkwiza pakubapela ukuti mughoghiwe nupanga, po mwebosi mukwiza pakwinamila pasi, ukuti muboliwe, pakuti nkabitizya loli mutakamula, nkanena loli mutakanteghelezya. Mukabomba ububibi pamaso papane, nukusala vivyo vitakunhobosya.”

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 24:10

Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Yelemiya 51:11

“Pyasya utulasilo, senda ingulu zyinyu! U Mwene abasonjelezya abamwene aba mu Mediya, pakuti inyinong'ono zyache zyakuti amunangannye u Babiloni. U Mwene akwiza pakutanizya, pachifukwa ichakuyinangannya Inyumba yache.

Yelemiya 9:16

Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Nkuto 2:21

“Abanandi na baghosi bulo bali lambalala palufumbi mumisebo, abalumendo poka na balindu baghoghiwa nupanga. Ukabaghogha pisiku lilyo ukakalala, sona utakabapelela ichisa pakubaghogha.

Ezekiyeli 14:17

“Pamo nanti ni ngiza nu bwite muchisu chila nukuti, ‘Leka ubwite busate ichisu chosi,’ nukubaghoghamo abantu ni vinyamana,

Ezekiyeli 20:37

“Nkwiza pakubabelenga amwe bo mukudumusannya pantazi papane wekaweka nukubinjizya mulufingo.

Ezekiyeli 29:8

“ ‘Polelo u Mwene Uwamaka Ghosi akuti: Nkwiza nu bwite nukubaghogha abantu bako ni vinyamana vyabo.

Ezekiyeli 33:2

“Wee mwana uwa muntu, babuzye abantu bako ukuti, ‘Nanti nkwiza nu bwite muchisu, po abantu aba muchisu chila basala u muntu weka pakasi papabo nukumupela pakuba mulindilili wabo,

Ezekiyeli 5:17

Nkwiza pakubawisizya izala nukubatumila ivinyamana ivya munkolongo pakubafyula abana binyu, ichiwaya ichakoghofya nukukupula ibanda vikwiza pakubaghogha, po nkwiza pakwiza nubwite papinyu. Ane ne Mwene nanena.”

Ezekiyeli 6:3

U Mwene Uwamaka Ghosi akuti, ‘Mwee maghamba agha Izilayeli, ivwa izyu ilya Mwene Uwamaka Ghosi. Izi zyo zizyo u Mwene Uwamaka Ghosi akughabuzya amaghamba nu tughamba, sona utusoko na makombe. Indi papipi pakubizila nu bwite, sona nkwiza pakubunangannya ubuzilo bwinyu ubwapamwanya ubwakwiputilapo ivifwani.

Hoseya 11:6

Ubwite bukwiza pakunangannya utwaya twabo utukulu nkani, bukwiza pakunangannya sona impingwi izya nyiyi, nukumazya imbatiko zyabo zyosi.

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Amosi 4:10

“Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.

Habakuku 3:5

Ichiwaya chikalongolela muntazi mumwache, sona ububine ubwakoghofya bukamukonka mwisinda.

Ukubelengiwa 14:12

Nkwiza pakubaghogha ni chiwaya nukubafyula ichilingo chabo, loli nkwiza pakukupela awe pakuba luko ulwamaka nkani ukubachila.”

Ukubelengiwa 16:49

Loli ubwinji ubwa bantu bosi babo bakafwa ni chiwaya chila bakabapo 14,700, ukonjelezyapo abantu babo bakafwa pachifukwa icha Kola.

Ukubelengiwa 31:3

Po u Mozesi akababuzya aba Izilayeli akati, “Musale abanavuli bamo pakasi papinyu nukubuka pakulwa ubwite naba Midiyani, umwakuti u Mwene abatanizye.

Luka 21:11

Kukwiza pakuba utusenyenta utwakoghofya, nizala, sona nu bubine posi na posi. Ivintu iviyeni ni vintu ivyakoghofya vikwiza pakuboneka kumwanya.

Ukukumbusya Amalamulo 28:21

U Mwene akwiza pakubawisizya iviwaya mupaka abanangannye mwebosi muchisu chicho mukwinjila pakwikalamo.

Ukukumbusya Amalamulo 32:25

Abantu bakwiza pakufwa nubwite mumisebo, sona bakwiza pakufwa nubogha munyumba zyabo. Abalumendo na balindu bakwiza pakufwa, bope ababonda na baghosi bakwiza pakufwa.

Ukukumbusya Amalamulo 32:35

Ukutanizya ko kwane, ane nkwiza pakubatanizya babo kubabaghiye. Pakabalilo kache inyayo zyabo zikwiza pakutyelemuka, isiku lyabo ilya ntamyo lili papipi, sona ukunanganika kwabo kukwiza lubilolubilo.

Ukukumbusya Amalamulo 32:41

Bo napyasya upanga wane, sona bo namulema munyobe zyane ukuti imbafunde, nkwiza pakubatanizya abalwani bane, sona na bantu babo bambengite.

Abalongi 15:11

Po abantu 3,000 aba mu Yuda bakabuka kumpako iya mu Etamu nukumulalusya u Samusoni ukuti, “Nkimba utakuzyaghannya ukuti aba Filisiti bo babo bakutulaghila? Nkimba choni chicho watubombela bunubu?” U Samusoni akamula akati, “Ane nababombela ukuyana na zizyo bakambombela.”