Aba Levi 26:22 - IBAYIBOLO 2024

²² Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Aba Levi 26:22 Iomraidhean Croise

2 Abamwene 17:25

Bo banda bulo pakwikala mulamula, batakamwiputagha u Mwene. Po u Mwene akabatumila inkalamu, zizyo zikabalya abantu bamo pakasi papabo.

2 Abamwene 2:24

U Elisha akaghalabuka nukubennya abalumendo bala, akabaghuna pamaso pa Mwene. Po abalabwe babili bakavundumuka mumusitu nukubazepulannya abalumendo 42.

2 Imbili 15:5

Mumasiku ghalaghala umuntu wesi yuyo akepaghamo pamo ukwinjilamo atakaba nu mutende, pakuti abene chisu bakaba muntamyo inkulu nkani.

Yesaya 24:6

Polelo ichighune chikulungulizya ichisu, po abantu babo bakuyimba pachifukwa icha bubibi bwabo, cho chifukwa baba banandi bulo babo balekiwa.

Yesaya 33:8

Mumisebo imikulu muli bulo myee, nayumo umuntu uwakwendamo. Ulufingo lwananganika, abakaboni bache basamuliwa, atalipo nayumo yuyo achindikiwe.

Yelemiya 15:3

U Mwene akuti, “Nkwiza pakubatumila ivintu folo ivyakubanangannya, upanga uwakubaghoghela, imbwa izyakubaluma, ni viyuni, sona ni vinyamana ukuti vibalye nukubanangannya.

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Nkuto 1:4

Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Ezekiyeli 14:15

“Nanti ningavituma ivinyamana pakubaghogha abantu, nukuchipela ichisu pakuba chisami umwakuti patakabepo nayumo uwakudumusannya mulamula, pachifukwa icha vinyamana,

Ezekiyeli 14:21

“U Mwene Uwamaka Ghosi akuti: Nkimba zikwiza pakuba bulibuli nanti nkutuma ubulongi bwane folo ubwakoghofya pa Yelusalemu nu bwite nizala ni vinyamana sona ni chiwaya pakubaghogha abantu ni vitekwa vyabo?

Ezekiyeli 33:28

Nkwiza pakuchipela ichisu pakuba chisami sona namaka ghagho bakwituvya nagho ghakwiza pakumala, amaghamba agha Izilayeli ghope ghakwiza pakuba visami umwakuti atalipo nayumoyumo umuntu yuyo akwiza pakudumusannyamo.

Ezekiyeli 5:17

Nkwiza pakubawisizya izala nukubatumila ivinyamana ivya munkolongo pakubafyula abana binyu, ichiwaya ichakoghofya nukukupula ibanda vikwiza pakubaghogha, po nkwiza pakwiza nubwite papinyu. Ane ne Mwene nanena.”

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Zekaliya 7:14

Nkabanyampannya nu kankungu pakasi pa inko zyosi, kuko bakaba bayeni. Ichisu chabo chikaba chisami umwakuti nayumoyumo umuntu angikalamo. Umu momumo bakachipelela ichisu ichiza pakuba chisami.’ ”

Ukukumbusya Amalamulo 32:24

Nkwiza pakubawisizya izala inkulu nkani, sona nintamyo ni viwaya ivipalapala nkani. Nkwiza pakubatumila ivinyamana ivyakoghofya, sona ni njoka izya bwanga ukuti zibalume.

Abalongi 5:6

“Mumasiku agha Shamugali umwana uwa Anati, mumasiku agha Yaweli, abendezya ingolo batakadumusannyanga muchisu chinichi. Abendazila bakapambata bulo izila.