Aba Levi 26:19 - IBAYIBOLO 2024

¹⁹ Nkwiza pakumazya ukwituvya kwinyu kosi, pakusita ukubapa ivula, umwakuti kumwanya kukwiza pakuba ngati chela, sona ichisu chinyu chikwiza pakuba chumizu ngati mukuba.

Aba Levi 26:19 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

1 Abamwene 8:35

“Nanti wayilema ivula pachifukwa ichakuti abantu bako bakunangiye, po nanti bakwiputa mu Nyumba iyi pakulitambula itabwa lyako nukuzileka imbibi zyabo pachifukwa ichakuti wabafunda,

Yesaya 2:12

Pisiku ilya Mwene Uwamaka Ghosi, akwiza pakubisya abantu bosi abamituvyo na bakwitutumula Akwiza pakubapota abantu bosi abakwikwezya,

Yesaya 25:11

Bakwiza pakukuzulila inyobe zyabo palapala, ngati mumo uwakusaba yula akukuzulila inyobe zyache, bo ali pakusaba. U Chala akwiza pakwisya ukwituvya kwabo, poka na chicho chosi inyobe zyabo zyengo pakuchibomba.

Yesaya 26:5

Akubisya abantu babo bakwikala pamwanya, akunangannya akaya akakulu nkani akamaka kala, akuyimongolannya imilyango yache mupaka pasi.

Yesaya 28:1

Chighune ku bumwene ubwakwikwezya na baching'wela aba mu Izilayeli, sona naku bwezya ubwa kufoka ubwa mpumpu iya bumwene bwache, bubo buli kwikombe ilya muvundo ilya akakulu nkani kala, ukwituvya ukwa babo bakolizwe nu vinyo!

Yelemiya 13:9

“Umu momumo nkwiza pakubombela pakughamalizya amituvyo agha Yuda na mituvyo agha Yelusalemu.

Yelemiya 3:3

Pachifukwa chinichi ivula iya chisiku yakaniziwa, sona yope ivula iya lupepo yitatimite, loli pope bulo ukuboneka ngati we malaya, sona ute ni soni nazimozimo pazizyo wabomba.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Ezekiyeli 30:6

“ ‘U Mwene akuti: Babo bakuchavwa ichisu icha Ijiputi bakwiza pakughoghiwa, po amaka ghagho bakwituvya nagho ghakwiza pakumala. Ukwanda ku Migidoli mupaka ku Aswani, bakwiza pakufwila kubwite, u Mwene Uwamaka Ghosi anena.

Ezekiyeli 33:28

Nkwiza pakuchipela ichisu pakuba chisami sona namaka ghagho bakwituvya nagho ghakwiza pakumala, amaghamba agha Izilayeli ghope ghakwiza pakuba visami umwakuti atalipo nayumoyumo umuntu yuyo akwiza pakudumusannyamo.

Ezekiyeli 7:24

Nkwiza na bantu ababibi aba inko, pakufyula inyumba zyabo. Nkwiza pakumazya amaka abakwituvya, sona ubuzilo bwabo ubuzelu, bukwiza pakuba bunyazu.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Zefaniya 3:11

Pisiku lilalila mutakwiza pakukoziwa isoni, pachifukwa ichakuti munsambukiye, pakuti nkwiza pakubefyamo mukaya kinyu, abantu babo bakwikwezya. Mutakwiza pakwituvya sona pighamba lyane izelu.

Luka 4:25

“Naloli nkubabuzya ukuti bakabamo abakolo abafwilwe abinji nkani mu Izilayeli pakabalilo aka mulaghuzi u Eliya, ivula yitakatima amaka matatu na mezi sikisi, umwakuti izala inkulu nkani yikawa pachisu chosi.

Ukukumbusya Amalamulo 11:17

Nanti mwabomba bunubu, u Mwene akwiza pakubakalalila nkani, po akwiza pakwighalila kumwanya umwakuti ivula yitakatimaye. Ichisu chitakwiza pakumezya imbeyu, sona mukwiza pakuzimila lubilolubilo muchisu ichiza chicho u Mwene akubapa.

Ukukumbusya Amalamulo 28:23

Kumwanya kutakwiza pakubatimikizya ivula nayimoyimo, po ichisu chikwiza pakuba chumizu ngati cho chela.

1 Samuweli 4:11

Ibokosi ilya Lufingo ilya Chala likafyuliwa, sona abana babili aba Eli, u Hofini nu Finehasi bakaghoghiwa.

1 Samuweli 4:3

Bo abasilikali banyokela kuvisakasa vyabo, abalongozi aba Izilayeli bakalalusya bakati, “Nkimba choni chicho u Mwene atubika munyobe izya ba Filisiti? Twende tulisende Ibokosi ilya Lufingo ulwa Mwene mu Shilo, umwakuti u Mwene ize pakasi papitu nukutupoka munyobe izya balwani bitu.”