Aba Levi 26:16 - IBAYIBOLO 2024

¹⁶ nkwiza pakubafunda. Nkwiza pakubawisizya iviwaya ivyakunyomosya nu bubine bubo bute na malembo, ni zekema iyakunangannya amaso, sona ni yakughamala bulo amabili ghinyu. Mukwiza pakubyala imbeyu, loli mutakwiza pakwinulamo nazimo, pachifukwa ichakuti abalwani bakwiza pakuzilya.

Aba Levi 26:16 Iomraidhean Croise

1 Abamwene 8:37

“Nanti izala pamo ichiwaya vyawa muchisu ichi pamo ububine ubwa vimelwa pamo ichuku pamo umakanta pamo impazi pamo nanti umulwani wabo abalema mutwaya twabo utukulu nkani pamo intamyo impalapala pamo ububine bwabawila

Yobu 18:11

Ivyakoghofya vikumupelela ubogha kosi na kosi, nukumukonka mosi mumo akwenda.

Yobu 20:25

Akuyiwesa impalala yila mumubili wache, akasonga kakulilasa itima, po ubogha bukumulema.

Yobu 31:8

Po abanji balyanje vivyo napesa, sona zyope imbeyu zyane zinyunkuliwanje.

Masalimo 109:6

Sala umuntu uwakwiminkana nawe, Po uwakunsusya imililaye kunyobe yache indilo.

Masalimo 73:19

Mukabalilo akapimpa bulo bakuzimila, bakuzimila bosi nu bufwe ubwakoghofya.

Masalimo 78:33

Po akaghadumulizya amasiku ghabo ukuti bazimile ngati muyi, akwiza pakughadumula amaka ghabo ukuti vyosi vimalile muntamyo.

Ukufuma 15:26

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne Mwene, yuyo akubapozya.”

Ivyili 3:33

U Mwene akuyighuna inyumba iya muntu umubibi, loli akuyisaya inyumba iya muntu umugholosu.

Yesaya 10:4

Chitalipo nachimo chicho chikwiza pakusyala, loli mukwiza pakulemiwa nukubuka, namwe mubuzya pamo pakughoghiwa. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 62:8

U Mwene alapa ni nyobe yache indilo, sona ni nyobe yache iyamaka ukuti, “Ntakwiza pakukupa sona ingano, pakuba chakulya icha balwani bako, abayeni batakwiza pakung'wela sona uvinyo umupya, yuyo akwiyula nkani pakubomba.

Yesaya 7:2

Bo abamunyumba iya Devedi bivwa ukuti ichisu icha Siliya bivwanite ni chisu icha Efulayimu, u mwene poka na bantu bache ubogha bukabalema sona bakatetemagha ngati mumo amakwi agha mumusitu ghakuyinganiziwa ni mpepo.

Yelemiya 12:13

Bakwiza pakupesa ingano, loli bakwiza pakuvuna amivwa. Bakwiza pakulita nkani pakubomba imbombo, loli batakwiza pakuvunamo nakamokamo. Inyinulo yabo yikwiza pakubakozya isoni pachifukwa icha bukali ubwa Mwene.”

Yelemiya 15:3

U Mwene akuti, “Nkwiza pakubatumila ivintu folo ivyakubanangannya, upanga uwakubaghoghela, imbwa izyakubaluma, ni viyuni, sona ni vinyamana ukuti vibalye nukubanangannya.

Yelemiya 15:8

Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Ezekiyeli 24:23

Ukwiza pakuvwala ivisote kumutu ni nkwato kunyayo zyako. Utakwiza pakulilapo, loli ukwiza pakughanda pachifukwa icha mbibi zyako bo umuntu wesi ali pakukoloma pakasi papinyu.

Ezekiyeli 33:10

“Wee mwana uwa muntu, ubakumbuzye aba Izilayeli amazyu ghabo aghakuti, ‘Twang'wamilwa ni mbibi zyitu sona nu bubibi, po vikutughandizya. Nkimba tungaba bulibuli nubumi?’

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Mika 6:15

Ukwiza pakubyala loli utakwiza pakwinula. Ukwiza pakukanyankila imisyunguti, loli utakwiza pakubombezya wemwene amafuta ghanagha. Ukwiza pakukanyankila amampesya loli utakwiza pakung'wela uvinyo.

Hagayi 1:6

Mwabyala ivyinji nkani, loli mwinula vinandi bulo. Mukulya, loli mutakwikuta nalumolumo. Mukung'wela, loli vitakubakwana nalumolumo. Mukuvwala amenda, loli mutakutukila. Mukupokela amalipilo, loli mukughabika munyambi zizyo zidobokite.”

Zekaliya 14:12

Ichi cho chiwaya chicho u Mwene akwiza pakuzifunda nacho inko zyosi, zizyo zikalwa ubwite nu Yelusalemu: Amabili ghabo ghakwiza pakubola bo bimiliye, amaso ghabo ghakwiza pakubola, sona zyope indimi zyabo zikwiza pakubola mumalomo ghabo.

Malaki 2:3

“Pachifukwa icha amwe, nkwiza pakubachemela abaluko lwinyu, nukubapaka pavyeni vyinyu isakwi iya mumala iya vyakwiyipa vyapalusekelo lwinyu ulwa pamwaka, po nkwiza pakubasumbila pachibunga icha sakwi yilayila.

Ukukumbusya Amalamulo 28:51

Bakwiza pakubalyela ing'ombe zyinyu, sona ni vya mumaghunda ghinyu mupaka mufwe nizala. Batakwiza pakubalekela nachimochimo ichintu manyi ngano, manyi we vinyo umupya, manyi mafuta agha misyunguti manyi ng'ombe manyi ng'ozi mupaka mufwe mwebosi.

Ukukumbusya Amalamulo 32:25

Abantu bakwiza pakufwa nubwite mumisebo, sona bakwiza pakufwa nubogha munyumba zyabo. Abalumendo na balindu bakwiza pakufwa, bope ababonda na baghosi bakwiza pakufwa.

Aba Hebeli 10:31

Ukuwila munyobe izya Chala umumi, cho chintu chimo ichakoghofya nkani.

Abalongi 6:11

Uwantumi uwa Mwene akika nukwikala mukazundila mwikwi ilya mupandapanda, mukaya aka Ofula lilyo likaba lya Yowashi umu Abiyezeli. Kulakula umwana uwa Gidiyoni akakomagha ingano mubuzilo ubwakufinyilamo amampesya, bo avwamite umwakuti aba Midiyani batakamwennye.

1 Samuweli 2:33

Pope bulo nkwiza pakumuleka mumi yumo uwaluko lwako pakuba muputi wane. Loli akwiza pakuba muntu umufwamaso nu musita ulusubilo, sona abaluko lwako abanji bosi bakwiza pakufwa kubwite ubwakoghofya, bo bachili balumendo.