Aba Levi 26:15 - IBAYIBOLO 2024

¹⁵ Nanti mukughakana amalamulo ghane nukuzisulannya indaghilo zyane, sona nanti mukulukana ulufingo lulo nkafingana namwe,

Aba Levi 26:15 Iomraidhean Croise

Ubwandilo 17:14

Umwanavuli wesi yuyo atasilimuliwe akwiza pakwefiwapo pakasi pabantu abaluko lwache, pachifukwa ichakuti atasungite ulufingo lulo nkafingana nawe.”

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

2 Imbili 36:16

Loli bakazyobezya intumi zyache nukughasulannya amazyu ghache sona bakabasamula abalaghuzi bache, po u Mwene akabakalalila nkani abantu bache, umwakuti patakabapo nayumoyumo uwakupona.

Masalimo 50:17

Pakuti uvibengite vivyo nkukubuzya, sona ukughasulannya amazyu ghane.

Ukufuma 19:5

Nanti ilelo mukunyivwila nukusunga ulufingo lwane, kokuti mukwiza pakuba mwe bantu abane na bane pakasi pa inko zyosi. Pakuti ichisu chosi ichapasi chane.

Ukufuma 24:7

Pisinda pache akasenda ibuku ilya lufingo nukubabelengela abantu. Po abantu bala bakamula bakati, “Tukwiza pakwivwila nukuzibomba zyosi zizyo u Mwene alamula.”

Ivyili 1:30

pakuti bakakana ukuti imbamanyisye sona nukuti imbape amafundwe,

Ivyili 1:7

Ukumunyila u Mwene bo bwandilo ubwa mahala, loli abapunganu bakughasulannya amahala na mafundwe.

Ivyili 5:12

Ukwiza pakunena ukuti, “Mwee, nkimba choni chicho nkaghasulannya amafundwe? Nkimba choni chicho intakaba ni mbombo nu luchemelo?

Yesaya 24:5

Abantu bachinyazya ichisu ichapasi, nukuzinangannya indaghilo nivimanyisyo, nukulunangannya ulufingo ulwa bwila na bwila.

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 31:32

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti bakanangannya ulufingo, napapo nkaba ngati ne mulume wabo umusubiliwa.” U Mwene anena.

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Ezekiyeli 16:59

U Mwene akambuzya akati, “Mubuzye u Yelusalemu ukuti, ‘U Mwene Uwamaka Ghosi akuti: Nkwiza pakukubombela zizyo zikubaghiye pachifukwa ichakuti wachisula ichilapo chane pakunangannya ulufingo lwane.

Aba Levi 26:11

Nkwiza pakwikala muchisakasa chane ichipaghuliwa pakasi papinyu. Ane ntakwiza pakubasula nalumolumo.

Aba Levi 26:43

Pakuti abantu babaghiye pakuchileka tasi ichisu chabo, umwakuti ichisu chibanje na Maka Aghakutuzya. Abantu babaghiye pakufundiwa pachifukwa icha mbibi zyabo, pakuti bakakana indaghilo na malamulo ghane.

Aba Levi 26:9

Nkwiza pakubasaya nukubapa abana abinji, umwakuti munyame. Nkwiza pakukwanilisya ulufingo lwane lulo nkafingana namwe.

Malaki 2:2

Nanti mutakunyivwila, sona nanti mutakulichindika itabwa lyane, nkwiza pakubaghuna, nkwiza pakulughuna ulusayo lwinyu. Naloli invighunite kale pachifukwa ichakuti mutaghateghelezya amazyu ghane.

Ukubelengiwa 15:31

Pakuti aghasamula amazyu agha Mwene, sona nukuti anangannya indaghilo zyache, umuntu yulayula epusiwanje, sona ukunanga kwache kukwiza pakuba pamutu wache.”

Imbombo 13:41

‘Ennya, mwe bantu abalobezyo mwee! Muswighaye nukufwa! Pakuti nkwiza pakubomba zimo mumasiku ghinyu, vivyo mutakwiza pakuzisubila, napapo umuntu yumo angababuzya.’ ”

Aba Loma 8:7

Nanti umuntu akubika inyinong'ono zyache pabuntu ubwa mbibi, we mulwani uwa Chala pakuti atakukonka Indaghilo izya Chala, naloliloli atangavwilapo nalumo.

Ukukumbusya Amalamulo 31:16

U Mwene akamubuzya u Mozesi akati, “Uli papipi pakufwa, loli bo wafwa abantu banaba bakwiza pakulunangannya ulufingo lulo nkafingana nabo. Bakwiza pakubadepukila abachala abanji nukubiputa muchisu chicho bakubuka pakwikalamo.

1 Aba Tesalonika 4:8

Po umuntu wesi yuyo akukana ichimanyisyo chinichi, atakumukana umuntu, loli akumukana u Chala, yuyo akubapa u Muzimu wache Umuzelu.

Aba Hebeli 8:9

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti abene batakasunga ulufingo lwane, po nane nkabasulannya bulo.” U Mwene anena.

1 Samuweli 12:15

Loli nanti mutakumwivwila u Mwene, nukughakana amalamulo ghache, po akwiza pakubafunda ngati mumo akabafundila abanyenya binyu.