Aba Levi 26:13 - IBAYIBOLO 2024

¹³ Ane ne Mwene u Chala winyu, ne nkabefya mu Ijiputi, umwakuti mutakabe sona bazya aba ba Ijiputi. Nkapyola ikoli lyinyu, umwakuti mugholokaye bulo pakwenda.

Aba Levi 26:13 Iomraidhean Croise

Masalimo 116:16

Wee Mwene, naloli ne mubombi wako, nkukubombela ngati mumo u mayi wane akabombela, wansatula kubunyololo bwane.

Ukufuma 14:8

U Mwene akaghupela umoyo uwa Falabo u mwene uwamu Ijiputi pakuba mukafu nkani, umwakuti akabakonka aba Izilayeli, bo bakwepamo umwakwituvya.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Yesaya 51:23

Nkwiza pakubapa abantu babo bakubayivya, babo bakababuzya ukuti, “Ghona pasi ukuti twendepo pamwanya.” Po bakapela inyuma zyinyu, pakuba pasi apakwendapo, sona inyuma zyinyu pakuba ngati musebo.

Yesaya 9:3

Wayikuzya inko nukubalizya ulusekelo, bakusekela pamaso papako, ngati mumo abantu bakusekelela pakabalilo aka nyinulo, sona ngati mumo abantu bakusekelela, bo bali pakugabana ivyakufyula.

Yelemiya 2:20

“Pakuti kale ukapyola ikoli lyako nukudumulannya iminyololo yako ukati, ‘Ntakwiza pakukubombela!’ Momumo, pighamba lyosi sona na muntende mwikwi lyosi ilyakuvwinka ukughona nukubomba ubwamalaya.

Yelemiya 28:2

“U Mwene Uwamaka Ghosi, u Chala uwa Izilayeli, akuti, ‘Nkwiza pakulipyolannya ikoli ilya mwene uwamu Babiloni.

Yelemiya 28:4

Ane nene nkwiza pakumunyosezya sona u Yehoyakini, umwana uwa Yehoyakimu u mwene uwamu Yuda sona na bazya bosi aba mu Yuda babo bakabuka nabo ku Babiloni pakuti nkwiza pakulipyolannya ikoli ilya mwene uwamu Babiloni.’ ”

Ezekiyeli 30:18

Likwiza pakuba lisiku ilya chisi mukaya aka Tapanesi, bo namazya amaka agha Ijiputi, amaka ghache ghagho akwituvya nagho ghakwiza pakumala, akwiza pakuvwinkiwa na mabingu, sona utwaya twache tosi tukwiza pakubuka kubuzya.

Ezekiyeli 34:27

Amakwi agha munkolongo ghakwiza pakwela ivikomwa, sona amaghunda ghakwiza pakupa ivikomwa, bo nabasatula abantu bane bakwiza pakwikalagha umwakufwasa muchisu chabo. Po bakwiza pakumanya ukuti ane ne Mwene, sona nukubapoka munyobe izya babo bakababika mubuzya.

Hoseya 11:4

Nkabalongozya ni chisa sona nu lughano, ni chisa chilachila nkanyamula ikoli musingo zyabo, po nkafughama pakubalyesya.

Aba Levi 25:38

Ane ne Mwene u Chala winyu, nkabefya mu Ijiputi, umwakuti imbape ichisu icha Kenani, sona nukuti imbanje ne Chala winyu.”

Aba Levi 25:42

Pakuti aba Izilayeli bo babombi bane, babo nkabefya mu Ijiputi, batakaghuliziwanje pakuba bazya.

Aba Levi 25:55

Pakuti aba Izilayeli bo babombi bane, babo nkabefya mu Ijiputi. Ane ne Mwene u Chala winyu.

Nahumu 1:13

Ilelo nkwiza pakulipyola ikoli, lilyo lili pasingo zyinyu nukulyefyapo, sona nkwiza pakuyidumula iminyololo yinyu.”