Aba Levi 24:9 - IBAYIBOLO 2024

⁹ Ichibama chila chikuba cha Aloni na bana bache, sona bachilyele Mubuzilo Ubuzelu, pakuti chinichi cho chigaba ichizelu nkani icha chakwiyipa icha chigaba icha bwila na bwila icha chakwiyipa ichakocha kwa Mwene.”

Aba Levi 24:9 Iomraidhean Croise

Ukufuma 27:21

U Aloni na bana bache abalumendo bo babo bakozyanje inyale mu Chisakasa icha Mwene, kuzi ukwa mwenda uwakuzighila, ghugho ghuli pantazi pa Bokosi ilya Lufingo. Pantazi papane inyale zyakaye palapala ukwandila pachamabwila mupaka pandabindabi. Aba Izilayeli poka na baluko lwabo balisungaye ilamulo mupaka inkulilo zyinyu zyosi izya muntazi.

Aba Levi 10:12

U Mozesi akamulamula u Aloni na bana bache babili babo bakasyalako, u Eleyazala nu Itamali ukuti, “Senda ichakwiyipa icha busu, chicho chasyalako pa chakwiyipa ichakocha kwa Mwene mulyelecho ichibama chicho chite ni chilungo mulubazu ulwa chighemo, pakuti ichi cho chakwiyipa ichizelu nkani.

Aba Levi 10:17

“Nkimba choni chicho mutakalyelagha ichakwiyipa ichakupepesezya imbibi Mubuzilo Ubuzelu bula? Ichi cho chakwiyipa ichizelu nkani, sona u Mwene akabapa ukuti chibanje ichakupepesezya imbibi izya bantu bosi.

Aba Levi 21:22

Loli umuntu yunuyu angalya ichakulya ichizelu nkani ichakubikiwa kwa Chala wache, sona ni chakulya ichizelu.

Aba Levi 24:10

Isiku limo umulumendo yuyo uwise akaba mu Ijiputi, loli unyina akaba mu Izilayeli akalwanga nu mu Izilayeli muvisakasa.

Aba Levi 3:17

“ ‘Ulu lubanje lulaghilo ulwa bwila na bwila mupaka inkulilo zyosi izya muntazi ukuti mutakalyanje amafuta pamo ibanda kosi kuko mukwikala.’ ”

Aba Levi 6:11

Avule amenda ghache ghala nukuvwala amenda aghanji, sona ayole itoyi lila nukulibika pabuzilo ubuzelu kuzi ukwa visakasa.

Aba Levi 6:16

U Aloni na bana bache balye ivyakusyala. Bavilyele mu Buzilo Ubuzelu, mulubinjilo ulwa Chisakasa icha Mwene, loli vitakabanje ni chilungo.

Aba Levi 6:9

“Umubuzye u Aloni na bana bache uti, ‘Ulu lo lulaghilo ulwa chakwiyipa ichakocha chosi: Ichakwiyipa ichakocha chibanje pamoto pachighemo palapala busiku bosi mupaka pandabindabi, sona umoto ghutakazimaye.

Aba Levi 8:3

Po uchibungannye ichilundilo chosi pamulyango uwa Chisakasa icha Mwene.”

Aba Levi 8:31

U Mozesi akamubuzya u Aloni na bana bache akati, “Mupiye inyama pamulyango uwa Chisakasa icha Mwene nukuyilyela palapala poka ni vibama vivyo vili muchidudunga ichakubimikila abaputi, ukuyana namumo u Mwene akalamulila ukuti u Aloni na bana bache balyanje.

Malaki 1:12

U Mwene Uwamaka Ghosi akuti, “Loli amwe mukulisamula itabwa lyane bo mukunena ukuti, ‘Ichighemo icha Mwene chinyazu,’ sona chope ‘Ichakwiyipa chache chakusamuliwa.’

Matayi 12:4

Akinjila mu Nyumba iya Chala nukulya ichibama chicho chikabikiwa kwa Chala ukuti chibanje chakwiyipa. Ukuyana ni Ndaghilo zyitu, umuputi mwene weyuyo itikiziwe pakulya ichibama chila. Loli u Devedi akalya nukubapako abantu bache.

Maliko 2:26

Bo u Abiyatala we muputi usongo, u Devedi akinjila mu Nyumba iya Chala nukulya ichibama chicho chikabikiwa kwa Chala ukuti chibanje chakwiyipa. Ukuyana ni Ndaghilo zyitu, umuputi mwene weyuyo itikiziwe pakulya ichibama chila. Loli u Devedi akalya nukubapako abantu bache.”

Luka 6:4

Akinjila mu Nyumba iya Chala, akasenda ichibama chicho chikabikiwa kwa Chala ukuti chibanje chakwiyipa nukulya nukubapako abantu bache. Ukuyana ni Ndaghilo zyitu, loli abaputi bene bo babo bitikiziwe pakulya ichibama chila.”

1 Samuweli 21:6

Po umuputi yula akamupa ivibama ivyakupeghiwa pakuti patakabapo ivibama ivinji, loli vyene ivibama ivyakupeghiwa kwa Chala, vivyo akavyefya pamaso pa Mwene ukuti abikepo ivinji vivyo vitukiye.