Aba Levi 24:11 - IBAYIBOLO 2024

¹¹ Umulumendo yuyo unyina akaba mu Izilayeli akalisamula itabwa ilya Mwene, po bakumusendela kwa Mozesi. Unyina akaba we Shelomiti, umwana uwa Dibili, sona uwaluko ulwa Dani.

Aba Levi 24:11 Iomraidhean Croise

2 Samuweli 12:14

Awe wamusamula nkani u Mwene pakubomba bunubu, po umwana wako yula akwiza pakufwa.”

1 Abamwene 21:10

Mubikazye abantu abasita mbombo babili umwakwenannya nawe ukuti bamulonjelele ukuti bakamwivwa akumughuna u Chala poka nu mwene. Po mumusendele kuzi ukwa kaya akakulu nkani nukumughogha na mabwe.”

1 Abamwene 21:13

Abantu babili bala bakiza nukwikala umwakwenannya nawe. Bakanda pakumulongelela u Naboti pantazi pabantu ukuti, “U Naboti akamughuna u Chala poka nu mwene.” Po bakamusendela kuzi ukwa kaya akakulu nkani nukumughogha na mabwe.

2 Abamwene 18:30

Mutakitikizye ukuti u Hezekiya abadebaye pakumusubila u Mwene bo akuti, “Naloli u Mwene akwiza pakutupoka. Akaya akakulu nkani aka katakwiza pakubikiwa munyobe izya mwene uwamu Asiliya.”

2 Abamwene 18:35

Nkimba chala wenu pakasi pabachala bosi yuyo achipokitepo lumo ichisu munyobe yane? Po nkimba u Mwene angamupoka bulibuli u Yelusalemu munyobe yane?’ ”

2 Abamwene 18:37

Po u Eliyakimu umwana uwa Hilikiya, umulongozi uwa munyumba iya bumwene nu Shebina umusimbi, sona nu Yowa umwana uwa Asafu, umusungi uwa mabuku agha mbili, bakabuka kwa Hezekiya, na menda amazepuke, nukumubuzya zizyo usongo uwa basilikali akanena.

2 Abamwene 19:10

“Mumubuzye u Hezekiya u mwene uwa muchisu icha Yuda u chala yuyo umusubiye atakakuzimbulaye ukuti, ‘U Yelusalemu atakwiza pakubikiwa munyobe izya mwene uwamu Asiliya.’

2 Abamwene 19:22

Nkimba wewenu yuyo ukumutuka nukumusamula? Nkimba wewenu Yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

2 Abamwene 19:6

u Yesaya akababuzya akati, “Mumubuzye u mwene winyu ukuti u Mwene ati, ‘Mutakanyilaye pazizyo mwivuye ku babombi abamwene aba mu Asiliya pamazyu ghagho bansamuye nagho.

Yobu 1:11

Loli yezya bulo pakumufyula vyosi vivyo ali navyo, naloli akwiza pakukusamula pamaso na pamaso.”

Yobu 1:22

Napapo zikaba bunubu, u Yobu atakanangapo pamo ukumusonta u Chala.

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Yobu 2:5

Loli yezya bulo pakughuyivya umubili wache, naloli akwiza pakukusamula pamaso na pamaso.”

Masalimo 74:18

Wee Mwene kumbuka namumo umulwani akobezezya, sona namumo abantu abapunganu balisamulila itabwa lyako.

Masalimo 74:22

Wee Chala vundumuka, iyimila inongwa yako, sona ukumbukaye namumo abapunganu bakukobezekezya isiku lyosi.

Ukufuma 18:22

Abanavuli banaba balongaye inongwa izya bantu akabalilo kosi. Inongwa impalapala nkani zyo bizaye nazyo kukwako, loli inongwa impepe bangadumula bene. Ichi chikwiza pakukupepulako, pachifukwa ichakuti mukwiza pakwavwana intamyo zinizi.

Ukufuma 18:26

Abanavuli banaba bakalongagha inongwa izya bantu utubalilo tosi. Inongwa impalapala bakabukagha nazyo kwa Mozesi, loli impepe bakadumulagha bene.

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Ukufuma 22:28

“Mutakamusamulaye u Chala, sona mutakamughunaye umulongozi uwa bantu bako.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Yesaya 8:21

Bakwiza pakwendakwendagha muchisu chosi bo bali nizala nukuwa amaka, bakwiza pakwennya kumwanya nukumughuna u mwene wabo nu Chala wabo.

Aba Levi 24:10

Isiku limo umulumendo yuyo uwise akaba mu Ijiputi, loli unyina akaba mu Izilayeli akalwanga nu mu Izilayeli muvisakasa.

Matayi 26:65

Po umuputi usongo yula mubukalale akazepula inkazo yache nukuti, “Akumusamula u Chala! Nkimba tukulonda sona abakaboni abanji? Mwivuye mwebene mumo amusamuliye u Chala.

Aba Loma 2:24

Pakuti Amasimbo ghakuti, “Pachifukwa icha mwemwe mwe ba Yuda, abantu babo bate ba Yuda bakumusamula u Chala.”

1 Timoti 1:13

napapo kale nkaba ne wamusamu nu muvwimi, sona nu wavyongo. Loli u Chala akampelela ichisa, pachifukwa ichakuti intakachimanya chicho nkabombagha, pakuti intakaba nu lwitiko.

Ubuvumbuli 16:11

Bakamughuna u Chala uwakumwanya pachifukwa icha bubavu ni vilonda vyabo. Loli batakapinduka pamo ukuzileka imbombo zyabo imbibi zizyo bakabombagha.

Ubuvumbuli 16:21

Amabwe amakulu aghavula ghagho ubung'wamu ubwa libwe lyoka bukabanga amakilogalamu 50, ghakabawila abantu ukufuma kumwanya. Loli pope bulo abantu banaba bakamughuna u Chala pachifukwa icha mabwe aghavula ghala, pakuti chikaba chiwaya ichikulu nkani.