Aba Levi 23:6 - IBAYIBOLO 2024

⁶ Pisiku ilya 15 ilya mwezi ghulaghula, lo lusekelo ulwa Mwene ulwa ichibama chicho chite ni chilungo. Mumasiku seveni mulyanje ichibama chicho chite ni chilungo.

Aba Levi 23:6 Iomraidhean Croise

Ukufuma 12:14

“Isiku linili mubaghiye pakulisunga pakuba lisiku lizelu ilya lusekelo ulwa Mwene. Inkulilo zyosi izya muntazi zikwiza pakulisunga isiku linili pakuba lisiku izelu ilya lusekelo ulwa Mwene. Mubaghiye pakulikumbuka pakuba lulaghilo ulwa bwila na bwila.”

Ukufuma 23:15

Ulusekelo ulwakwanda mumwaka lubanje Lusekelo ulwa Chibama chicho chite ni chilungo. Mumasiku seveni mumwezi uwa Abibu pakabalilo kako insalite, mulyanje Ichibama chicho chite ni chilungo ukuyana namumo nkubalamulila, pakuti mumwezi ghunughu mukepamo muchisu icha Ijiputi. “Atakabepo nayumo umuntu uwakwiza pamaso papane nyobe zyene.

Ukufuma 34:18

“Mubanje nu Lusekelo ulwa Chibama chicho chite ni chilungo ukuyana namumo nkubalamulila. Mulyanje ichibama chinichi amasiku seveni mumwezi uwa Abibu, pachifukwa ichakuti ghukaba mwezi ghunughu ghugho mukepelamo muchisu icha Ijiputi.

Ukukumbusya Amalamulo 16:3

Mutakayilyelaye poka ni chibama icha chilungo, loli mulyanje ichibama chicho chite ni chilungo amasiku seveni, chicho chibama icha mayimba, pachifukwa ichakuti mukepamo mu Ijiputi umwalubilolubilo, umwakuti mubumi bwinyu bosi mukakumbukaye akabalilo kako mukepelaghamo mu Ijiputi.

Ukukumbusya Amalamulo 16:8

Mulyanje ichibama chicho chite ni chilungo amasiku sikisi, sona pisiku ilyaseveni mubanje nulukomano ulwa chiputo icha Mwene u Chala winyu. Po mutakabombaye nayimoyimo imbombo pisiku lilalila.