Aba Levi 23:3 - IBAYIBOLO 2024

³ Mungabomba imbombo zyinyu mumasiku sikisi, loli isiku ilyaseveni lyo Lisiku Ilyakutuzya, isiku ilipaghuliwa ilya chiputo. Mutakabombaye nayimoyimo imbombo, pakuti ili lyo Lisiku Ilyakutuzya ilya Mwene.

Aba Levi 23:3 Iomraidhean Croise

Ukufuma 16:23

nukuti, “U Mwene alamula ukuti: Indabi Lisiku Ilyakutuzya izelu ilya Mwene. Po piya ivyakulya vyosi vivyo mukulonda pakupiya, sona ocha vyosi vivyo mukulonda pakocha. Ubwika bosi mubusunge palubazu mupaka pandabindabi.”

Ukufuma 16:29

Mukumbuke ukuti ane ne Mwene imbapiye Isiku Ilyakutuzya. Ichi cho chifukwa pisiku ilyasikisi nkubapa ivyakulya ivyakubayana amasiku mabili. Umuntu wesi ikalaye panyumba pisiku Ilyakutuzya, atakabepo nayumoyumo ukufuma kuzi.”

Ukufuma 16:30

Po abantu bakatuzya pisiku ilyaseveni.

Ukufuma 23:12

“Mubombaye imbombo zyinyu amasiku sikisi, loli pisiku ilyaseveni mutakabombaye imbombo, umwakuti ing'ombe zyinyu ni mpunda zyinyu zingatuzya, sona nukuti abazya na bayeni abamunyumba zyinyu bangatuzyako.

Ukufuma 34:21

“Mubombaye imbombo amasiku sikisi, loli isiku ilyaseveni mutakabombaye imbombo nayimoyimo, napapo kangaba kabalilo akakulimila pamo akakwinulila.

Yesaya 56:2

Musayiwa umuntu yuyo akubomba zinizi, umuntu yuyo ali nulweke pakuzibomba, yuyo akulisunga Isiku Ilyakutuzya, sona atakulinangannya, nukwikanizya pakubomba ububibi.”

Yesaya 56:6

Po abayeni babo bakwimamatizya bene kwa Mwene pakumubombela, pakulighana itabwa ilya Mwene nukumuchindika, bosi babo bakulisunga Isiku Ilyakutuzya, sona batakulinyazya, nukulusunga akiza ulufingo lwane,

Yesaya 58:13

“Nanti mukulisunga Isiku lyane Ilyakutuzya, nukusita ukubomba imbombo zyinyu pisiku lyane izelu, nanti mukwitizya Isiku lyane Ilyakutuzya lisiku ilya lusekelo, nukumuchindika u Mwene pisiku izelu, sona nanti mukulichindika ukusita ukwenda muzila zyinyu, nukusita ukubomba izyakwihobosya mwebene, pamo pakunena amazyu aghabulo,

Aba Levi 19:3

“ ‘Umuntu wesi amuchindikaye unyina nu wise nukulisungilila Isiku lyane Ilyakutuzya. Ane ne Mwene u Chala winyu.

Luka 13:14

Usongo uwa nyumba iyakwiputilamo akakalala nkani, pachifukwa ichakuti u Yesu amupozya umuntu Pisiku Ilyakutuzya, po akababuzya abantu akati, “Pali amasiku sikisi ghagho tubaghiye tubombaye imbombo, po mwizaye pa masiku ghanagha ukuti mupole, loli Pisiku Ilyakutuzya, awe.”

Luka 23:56

Bakabwela kunyumba nukuyannya amafuta ni vyakununkila. Loli bakatuzya Pisiku Ilyakutuzya ukuyana ni Ndaghilo izya Mozesi.

Imbombo 15:21

Pakuti Indaghilo izya Mozesi zyabelengiwa akabalilo akatali munyumba izyakwiputilamo Isiku ni siku Ilyakutuzya, sona amazyu ghache ghope ghalumbililiwe muvyisu vyosi.”

Ubuvumbuli 1:10

Pisiku ilya Mwene u Muzimu Umuzelu akanyizila, po nkivwa izyu ilyamaka kwisinda kukwane, lilyo likaba ngati kulila ukwa lipati.