Aba Levi 23:2 - IBAYIBOLO 2024

² “Ubabuzye aba Izilayeli uti, ‘Agha gho masiku agha lusekelo, amasaliwa nu Mwene, ghagho mughafumusyanje pakuba masiku amapaghuliwa agha chiputo.’ ”

Aba Levi 23:2 Iomraidhean Croise

2 Abamwene 10:20

U Yehu akalamula akati, “Mufumusye ukuti kubanje lukomano ulwakumuchindikila u Baala.” Po bakafumusya ukuti lubanjeko.

1 Imbili 23:31

sona bo bakubika ivyakwiyipa ivyakocha kwa Mwene Pisiku Ilyakutuzya, na palusekelo ulwa Kupanta ukwa Mwezi, sona na pamasiku agha lusekelo, ukuyana nu bwinji ubwa chakwiyipa chicho chikulondiwa kabilikabili pamaso pa Mwene.

2 Imbili 2:3

U Solomoni akamutumila amazyu u Hilamu uwa ku Tile akati, “Untumile amatabwa agha mwale ngati mumo ukabombela kwa tata wane u Devedi pakabalilo kako ukamutumila amatabwa agha mwale aghakuzengela inyumba iya bumwene.

2 Imbili 30:5

Po bakatuma amazyu mu Izilayeli mosi ukwanda ku Belisheba mupaka ku Dani ukubitizya abantu ku Yelusalemu nukuba nu Lusekelo ulwa Pasa ulwa Mwene, u Chala uwa Izilayeli. Pa lusekelo lunulu patakaba abantu abinji nkani, ukuyana namumo zisimbiliwe.

Ezila 3:5

Pisinda pache bakabikagha ivyakwiyipa ivyakocha ivya isiku ni siku ni vyakwiyipa ivya Kupanta ukwa Mwezi ni vyakwiyipa ivya palusekelo ulupaghuliwa ulwakulekanalekana ulwa Mwene sona na vivyo abantu bakabikagha kwa Mwene mubwighane bwabo.

Masalimo 81:3

Lizya ipati palusekelo ulwa Kupanta ukwa Mwezi, sona bo umwezi wabulunga, pisiku ilya lusekelo lwitu.

Ukufuma 32:5

Bo u Aloni azyennya zinizi, akazenga ichighemo kuntazi kwa chifwani icha ngwata icha golide chila nukufumusya ukuti, “Indabi kukwiza pakuba ulusekelo ulwa Mwene.”

Yesaya 33:20

Ennya mukaya akakulu nkani aka Ziyoni, akaya akalusekelo lwitu, Amaso ghinyu ghakwiza pakumwennya u Yelusalemu, ubuzilo ubwakwikalamo mumo muli umutende, ichisakasa chicho chitakwiza pakunyunkuliwapo, pamo inkusa ukudumuka.

Nkuto 1:4

Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Ezekiyeli 44:24

“ ‘Posi papo abantu babwindana abaputi babombaye imbombo iyabulongi ukuyana ni ndaghilo zyane. Basungililaye indaghilo zyane na malamulo ghane pamasiku ghosi aghalusekelo amapaghuliwa.

Hoseya 2:11

Nkwiza pakulumazya ulusekelo lwache losi, ulusekelo lwache ulwa pamwaka ulwa Kupanta ukwa Mwezi. Nkwiza pakulumazya ulusekelo ulwa Kupanta ukwa Mwezi, nu lusekelo lwache ulwa Isiku Ilyakutuzya, kokuti ulusekelo ulwa mumasikumumasiku.

Yoweli 1:14

Lamula ukuti mutuzye pakulya, itizya ulukomano uluzelu, babungannye abasongosongo, sona na bantu bosi babo bakwikala muchisu, mu Nyumba iya Mwene u Chala winyu, po balilaye kwa Mwene.

Yoweli 2:15

Lizya ipati mu Ziyoni, mubanje nukutuzya ukuzelu, sona mubanje ninkomano izelu.

Aba Levi 23:1

U Mwene akamubuzya u Mozesi akati,

Aba Levi 23:21

Pisiku linilyo mutakabombaye imbombo izya isiku ni siku, loli mubanje nulukomano ulupaghuliwa ulwa chiputo. Ululaghilo ulu lubanje lwa bwila na bwila mupaka inkulilo zyinyu zyosi izya muntazi.

Aba Levi 23:37

“Agha gho masiku agha lusekelo, amasaliwa nu Mwene, ghagho mughafumusyanje pakuba mapaghuliwa agha chiputo, aghakubikila kwa Mwene ichakwiyipa ichakocha ni chakwiyipa icha busu ni chakwiyipa icha vinyo, chosi pisiku ilyache ni lyache.

Aba Levi 23:4

“Agha gho masiku agha lusekelo amasaliwa nu Mwene, ghagho mubaghiye pakughafumusya pakabalilo kache akasaliwa:

Aba Levi 23:44

Umu momumo u Mozesi akababuzizya aba Izilayeli nizya lusekelo ulupaghuliwa ulwa Mwene.

Nahumu 1:15

Ennya, kumaghamba kula, inyayo izya muntu yuyo akwiza na mazyu amiza, yuyo akulumbilila umutende! Mwee bantu aba mu Yuda, banga nu lusekelo lwinyu, nukukwanilisya ivilapo vyinyu. Abantu ababibi batakwiza pakulwa namwe sona ubwite bakwiza pakuzimila zila.

Ukubelengiwa 10:10

Mulizyanje amapati bo muli nu lusekelo ulwa Kupanta ukwa Mwezi nu lusekelo ulwa viputo, sona bo mukubika ivyakwiyipa ivyakocha, sona ni vyakwiyipa ivyabupoka. Amapati ghanagha ghakwiza pakubavwa pakumukumbuka u Chala winyu. Ane ne Mwene u Chala winyu.”

Ukubelengiwa 29:39

Ivi vyo vivyo mubaghiye pakubika kwa Mwene mumasiku amasaliwa agha lusekelo, ukonjelezya pa vyakwiyipa vyinyu ivya chilapo sona nivya bwighane bwinyu ukuti chibanje chakwiyipa ichakocha ni chakwiyipa icha busu ni cha vinyo sona ni chakwiyipa ichabupoka.

Yohani 5:1

Pisinda pache u Yesu akabuka mu Yelusalemu ku lusekelo ulwa Chiyuda.

Aba Kolosi 2:1

Nkulonda ukuti muzimanye namumo nkubiyulila nkani, na bantu babo bali mu Labodikiya, sona na bosi abantu abanji babo batamenye pacheni.

Aba Kolosi 2:16

Polelo patakabepo nayumo umuntu uwakubalonga pachifukwa icha vivyo mukulya, pamo ukung'wela, pamo nizya lusekelo ulwa chiputo, pamo Ulusekelo ulwa Kupanta ukwa Mwezi, pamo nizya Isiku Ilyakutuzya.