Aba Levi 22:2 - IBAYIBOLO 2024

² “Umulamule u Aloni na bana bache ukuti bavipimaye pakuba vipaghuliwa ivyakwiyipa vivyo aba Izilayeli, bakumpaghulila umwakuti batakalisamulaye itabwa lyane izelu. Ane ne Mwene.”

Aba Levi 22:2 Iomraidhean Croise

Ezila 8:28

Nkababuzya nkati, “Amwe mwe bapaghuliwa kwa Mwene poka ni vibombelo ivi. Usiliva nu golide cho chakwiyipa icha bwighane kwa Mwene, u Chala uwa banyenya binyu.

Ukufuma 13:12

mumupaghulilaye u Mwene ukatote wesi umulumendo. Ichitekwa chosi ichanavuli ichakwanda pakupapiwa chibanje cha Mwene.

Ukufuma 28:38

U Aloni ayivwalaye imbale yila pacheni chache, ukuti anyamule ukunanga ukwa bantu, umwakuti u Mwene avipokele ivyakwiyipa vyosi vivyo aba Izilayeli bakubika.

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Ezekiyeli 44:8

Mutakuvisunga akiza ivintu vyane ivizelu, loli mwabasala abeyeni ukuti basungaye Ubuzilo bwane Ubuzelu.

Aba Levi 15:31

U Mwene akamubuzya u Mozesi akati, “Mubasokaye aba Izilayeli nizya vintu vivyo vingabapela pakuba bantu banyazu, umwakuti batakachinyazye Ichisakasa chane, chicho chili pakasi papabo.

Aba Levi 18:21

Utakamubikaye nayumoyumo umwana wako ukuti abanje chakwiyipa kwa chala u Moleki, pakuti pakubomba bunubu ukulisamula itabwa ilya Chala wako. Ane ne Mwene.

Aba Levi 19:12

“ ‘Utakalapilaye mwitabwa lyane umwabumyasi, nukulisamula itabwa ilya Chala wako. Ane ne Mwene.

Aba Levi 20:3

Ane ne mwenecho nkwiza pakumusulannya umuntu yulayula nukumwepusyapo pakasi pabantu bache pachifukwa ichakuti abunyazya ubuzilo bwane ubuzelu, nukulisamula itabwa lyane izelu pakubika abana bache kwa chala u Moleki.

Aba Levi 21:6

Abaputi babanje bantu bazelu sona batakalisamulaye itabwa ilya Chala wabo. Babanje bantu bazelu pachifukwa ichakuti abene bo babo bakubika ichakwiyipa ichakocha kwa Mwene, chicho chakulya icha Chala wabo.

Aba Levi 22:1

U Mwene akamubuzya u Mozesi akati,

Aba Levi 22:32

Mutakalisamulaye itabwa lyane izelu. Aba Izilayeli bosi bitikaye ukuti Ane ne Muzelu. Ane ne Mwene nkubapela pakuba mwe bazelu,

Ukubelengiwa 18:32

Amwe mutakwiza pakuba ninongwa nanti mwalya ichigaba ichiza nkani, chicho mwabika kwa Mwene. Loli mwenelezyanje ukuti mutakuvinyazya ivyakwiyipa ivizelu ivya ba Izilayeli, po mutakwiza pakufwa.’ ”

Ukukumbusya Amalamulo 15:19

Mumupaghulile u Mwene u Chala winyu utwana tosi utwanavuli utwakwanda pakupapiwa utwa ng'ombe nu twa ng'ozi. Mutakatubombezyanje imbombo utwana utwa ng'ombe tunutu, sona mutakatumwanje ameya utwana utwa ng'ozi tunutu.