Aba Levi 21:9 - IBAYIBOLO 2024

⁹ “ ‘Nanti umwana umulindu uwa muputi aba we malaya, akumukozya isoni uwise, po umwana yula ochiwanje numoto.

Aba Levi 21:9 Iomraidhean Croise

Ubwandilo 38:24

Bo pachilapo amezi matatu u Yuda akivwa ukuti, “Umulasagha wako u Tamala we malaya, ali nu lwanda.” Panapo na panapo, u Yuda akamulamula ukuti, “Bukagha pakumusenda nukumocha ukuti afwe.”

Ukufuma 31:14

“ ‘Mulikumbukaye Isiku Ilyakutuzya pakuba lipaghuliwa. Umuntu wesi yuyo akulinyazya aghoghiwanje, sona umuntu wesi yuyo akubomba imbombo pisiku lilalila epusiwanjepo pakasi pabantu bache.

Yesaya 33:14

Ababomba mbibi mukaya akakulu nkani aka Ziyoni bakutetema, ubogha bwabalema babo batakumuchindika u Chala, “Nkimba wewenu uwa aswe angikala mumoto uwakulungulizya? Fwandi wewenu uwa aswe angikala mumoto uwakwaka bwila na bwila?”

Ezekiyeli 9:6

Mubaghoghe abaghosi na balumendo na balindu na bakolo sona na bana loli utakamupalamasye yuyo ali ni chimanyilo. Anda pabuzilo bwane ubuzelu.” Po bakanda na baghosi babo bakaba pantazi pa Nyumba iya Chala.

Aba Levi 19:29

“ ‘Mutakabanyazyanje abana binyu abalindu pakubapela pakuba bamalaya, lumo ichisu chingaba chisu icha bwamalaya, nukwizula nu bubibi.

Aba Levi 20:14

“ ‘Nanti umuntu akusenda umukolo nukumusenda sona nu nyina uwa mukolo yula, bosi batatu bochiwanje pamoto pachifukwa ichakubomba ivyamasiku, umwakuti patakaghiwepo nabumo ububibi pakasi papinyu.

Malaki 2:3

“Pachifukwa icha amwe, nkwiza pakubachemela abaluko lwinyu, nukubapaka pavyeni vyinyu isakwi iya mumala iya vyakwiyipa vyapalusekelo lwinyu ulwa pamwaka, po nkwiza pakubasumbila pachibunga icha sakwi yilayila.

Ukukumbusya Amalamulo 22:21

po bamusendele umulindu yula pamulyango uwa nyumba iya wise. Abanavuli aba mukaya kala bamughoghe na mabwe. Umulindu yunuyu abomba ichintu ichamusamu pakasi paba Izilayeli pakulowa, bo achili ali munyumba iya wise. Bunubu mukwiza pakwefya ububibi pakasi papinyu.

Titi 1:6

Kumbuka ukuti usongo uwa chipanga atakabanje ni chilema nachimochimo. Abanje nu muchi weka, yuyo abana bache bitiki, sona atakabanje ni mbili iya bunyamana pamo iyakusita ukwivwila.

Yoshwa 7:15

Umuntu yuyo akwiza pakwaghiwa ni vintu vilavila, ochiwanje numoto, poka na vyosi vivyo ali navyo, pachifukwa ichakuti alusamula ulufingo ulwa Mwene, sona abomba ichintu ichakukozya isoni nkani mu Izilayeli.’ ”

Yoshwa 7:25

U Yoshwa akamulalusya akati, “Nkimba choni chicho watupelela intamyo bunubu? Ilelo u Mwene akwiza pakukupelela intamyo!” Panapo na panapo abantu bosi bakamughogha na mabwe u Akani. Bakabaghogha bope na bamunyumba yache bosi pakubasumba na mabwe nukubasyila.

1 Samuweli 2:17

Imbibi iya bana aba Eli iyi yikaba nkulu nkani pamaso pa Mwene pachifukwa ichakuti bakachisamula ichakwiyipa icha Mwene.

1 Samuweli 2:34

“ ‘Po chicho chikwiza pakubawila abana bako babili bala u Hofini nu Finehasi, chikwiza pakuba chimanyilo kukwako. Abana babili banaba bakwiza pakufwa pisiku lyoka.