Aba Levi 21:6 - IBAYIBOLO 2024

⁶ Abaputi babanje bantu bazelu sona batakalisamulaye itabwa ilya Chala wabo. Babanje bantu bazelu pachifukwa ichakuti abene bo babo bakubika ichakwiyipa ichakocha kwa Mwene, chicho chakulya icha Chala wabo.

Aba Levi 21:6 Iomraidhean Croise

Ezila 8:28

Nkababuzya nkati, “Amwe mwe bapaghuliwa kwa Mwene poka ni vibombelo ivi. Usiliva nu golide cho chakwiyipa icha bwighane kwa Mwene, u Chala uwa banyenya binyu.

Ukufuma 19:22

Na baputi bulo babo bakumpalamila biswefye bene, lumo u Mwene akwiza pakubafunda.”

Ukufuma 28:36

“Upange imbale iya golide umwenecho, nukubizapo amazyu aghakuti, ‘Yapaghuliliwa kwa Mwene.’

Ukufuma 29:44

“Nkwiza pakuchipaghula Ichisakasa ni chighemo bulo, sona nkwiza pakumupaghula u Aloni na bana bache pakuba baputi bane.

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Ezekiyeli 44:7

Bayinyazya Inyumba yane pakubinjizya abayeni abasita ukusilimuliwa mumoyo Mubuzilo Ubuzelu, nukuyinyazya Inyumba yane bo mukumpa ivyakulya, amafuta ni banda, po mwalunangannya ulufingo lwane pakubomba ubunyazu.

Aba Levi 10:3

U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Aba Levi 18:21

Utakamubikaye nayumoyumo umwana wako ukuti abanje chakwiyipa kwa chala u Moleki, pakuti pakubomba bunubu ukulisamula itabwa ilya Chala wako. Ane ne Mwene.

Aba Levi 19:12

“ ‘Utakalapilaye mwitabwa lyane umwabumyasi, nukulisamula itabwa ilya Chala wako. Ane ne Mwene.

Aba Levi 20:3

Ane ne mwenecho nkwiza pakumusulannya umuntu yulayula nukumwepusyapo pakasi pabantu bache pachifukwa ichakuti abunyazya ubuzilo bwane ubuzelu, nukulisamula itabwa lyane izelu pakubika abana bache kwa chala u Moleki.

Aba Levi 21:17

“Umubuzye u Aloni uti, ‘Atakabepo nayumoyumo uwaluko lwinyu mupaka inkulilo izya muntazi yuyo ali ni chilema, uwakubika ichakulya kwa Chala wache.

Aba Levi 21:21

Nayumoyumo umuntu uwaluko ulwa umuputi u Aloni, yuyo ali ni chilema abaghiye pakubika ichakwiyipa ichakocha kwa Chala wache.

Aba Levi 21:23

Loli atakapalamile kumwenda uwakuzighila pamo ku chighemo, pachifukwa ichakuti ali ni chilema, umwakuti angabunyazya ubuzilo bwane ubuzelu. Ane ne Mwene, sona nkuvipela pakuba vizelu.’ ”

Aba Levi 21:8

Mubapimaye abaputi pakuba bantu bazelu, pakuti abene bo babo bakubika ichakwiyipa icha chakulya kwa Chala winyu. Mubapimaye pakuba bantu bazelu, pakuti Ane ne Mwene ne muzelu, sona nkubapela amwe pakuba mwe bazelu.

Aba Levi 3:11

Po umuputi avyoche vyosi pachighemo ukuti chibanje chakwiyipa kwa Mwene.

Ukubelengiwa 16:5

Po akamubuzya u Kola na bakonki bache akati, “Indabi pandabindabi u Mwene akwiza pakutulanjizya yuyo wache, sona na yuyo muzelu, po akwiza pakumupalamizya umuntu yulayula kukwache.

Ukubelengiwa 28:2

“Ubalamule aba Izilayeli, sona ubabuzye uti, ‘Mwenelezye ukuti mukubika pakabalilo kache ivyakulya ukuti chibanje chakwiyipa ichakocha, chicho umunusi wache ghukumuhobosya u Mwene.’ ”

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.