Aba Levi 21:10 - IBAYIBOLO 2024

¹⁰ “ ‘Umuntu yuyo we muputi usongo yuyo apunguliliwe na mafuta pamutu wache, sona yuyo imikiwe pakuvwala amenda agha buputi, atakazilekaye isisi zyache zizyo atapesite pamo ukuzepulannya amenda ghache ukulanjizya ichililo.

Aba Levi 21:10 Iomraidhean Croise

Ubwandilo 37:34

Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

2 Samuweli 15:30

Loli u Devedi akendelela nu bulendo bwache ubwa kwi Ghamba ilya Misyunguti, bo akulila. Akivwinka kumutu, sona atakavwala inkwato. Abantu bosi babo bakaba nawe bope bakivwinka kumitu, sona bakalilagha, bo bakubuka.

Esitele 6:12

Pisinda pache u Molodikayi akanyokela kumulyango uwa nyumba iya mwene. Loli u Hamani akabwela lubilolubilo, bo asulumanizye,

Yobu 1:20

Bo u Yobu ivwa zinizi akimilila, nukuzepula inkazo yache sona akamwa isisi zyache pachifukwa icha chitima. Po akawa pasi nukumwiputa u Chala

Masalimo 133:2

Chili ngati mafuta aghamutengo aghakupakazya, ghagho apungulila pamutu uwa Aloni, ghakwenda ukufika kundevu mupaka kunkazo yache.

Ukufuma 29:7

Senda amafuta nukumupungulila pamutu wache nukumupakazya.

Ezekiyeli 24:17

Koloma umwachimyemye, utakamulile umufwe. Vwala ichisote chako ni nkwato zyako kunyayo, utakavwinke icheni chako pamo pakulya ichakulya icha bantu babo bali pachililo.”

Aba Levi 13:45

“Umuntu uwa mambombo, avwalaye ivisepe, atakapese isisi zyache, sona avwinke umulomo wache uwa pamwanya nukukolomoka ukuti, ‘Ane ne muntu munyazu! Ane ne muntu munyazu!’

Aba Levi 16:32

Umuputi yuyo apakaziwe na mafuta nukwimikiwa ukuti amupyane uwise pakuba muputi usongo, weyuyo abombaye ulwiho ulwakupepesezya imbibi. Avwalaye amenda amapaghuliwa amatonte agha buputi.

Aba Levi 4:3

“ ‘Nanti umuputi usongo ananga, kokuti akubapela abantu bosi ukuti babanje ninongwa, po ize kwa Mwene ni nkambaku inyana yiyo yite ni chilema nachimochimo ukuti yibanje chakwiyipa ichakupepesezya imbibi.

Aba Levi 8:12

Akamupungulila u Aloni amafuta ghamo aghakupakazya pamutu wache ukuti amupaghule.

Ukubelengiwa 35:25

Ichilundilo chimupoke umuntu umughoghi yula munyobe izya wamwabo uwa muntu umufwe, yuyo akulonda pakutanizya, pakumutuma umuntu yula mukaya akakulu nkani akakuponelamo. Umughoghi yula ikale kulakula mupaka umuputi usongo yuyo akapakaziwa na mafuta afwe.

Ukubelengiwa 6:7

Atakinyazye mwene pakupalamila ku muvimba uwa wise pamo uwa nyina pamo uwa wamwabo pamo uwa muyemba wache pakuti ichi cho chimanyilo ichakwipaghulila kwache kwa Chala.

Matayi 26:65

Po umuputi usongo yula mubukalale akazepula inkazo yache nukuti, “Akumusamula u Chala! Nkimba tukulonda sona abakaboni abanji? Mwivuye mwebene mumo amusamuliye u Chala.